蛇王芬

營業中

休息中

今日路過，想試佢哋嘅腊味糯米飯好耐，不過又已食咗晏，就決定買外賣返屋企做晚餐。打開個盒香噴噴，望落去以為唔係好多，原來都有飯碗差唔多3碗半。糯米飯軟棉棉嘅，臘腸膶腸都好甘香好好味，仲要份量都唔算少，整個飯都好好味，不過如果再乾身啲啲同埋有花生就更加好。

細細個成日經過蛇王芬，有啲街名未必記得，深刻嘅舖頭或老字號就自然成為地標，呢間喺香港已經超過八十年嘅老店，依家由第四代掌舵，兩年前仲喺沙田開咗間二線新派粵菜餐館，行年輕化路線。蛇羹(碗) $140已經N年無食過，今次特登嚟食，除咗蛇肉，仲有木耳絲、果皮、筍絲丶雞絲丶花膠，而薄脆丶檸檬葉先係我對蛇羹嘅回憶，缺一不可。腊味糯米飯(小) $150呢度嘅切肉臘腸丶鮮鴨潤腸係交由相熟工場所製，特別鍾意潤腸，酒香丶甘香而不膩，如果加啲蔥花就更靚仔好味喇～竹笙上素煲 $140本身好鍾意食竹笙，上素煲有粟米芯丶筍丶菇丶油麥菜等，滾住上枱，夠哂熱辣辣！黑糖三棗桂圓薑母茶 $28與時俱進，傳統菜館竟然有呢幾款茶飲，薑母茶甜度適中，有薑丶圓肉，冬天最啱飲。

天氣終於開始轉涼，朋友就提議食蛇羹，佢話想試吓中環老字號店「蛇王芬」。老實講我之前都只係食過兩次蛇🙈，冇乜特別喜好。中環店位於閣麟街，即係喺正半山扶手電梯隔離。我哋成日經過，但幫襯都係第一次。小店環境保留復古氣息，而且侍應生仲係一班銀髮族👴，不經意咁滲出人情味。秋冬鮑魚燴五蛇羹($140/每碗)，🐍蛇羮最細碗都要成百四蚊，真係唔平，不過確係真材實料。細細碗蛇羹蘊含多種食材，包括蛇肉、鮑魚、花膠、雞絲、冬菇、木耳、果皮同筍等。食落味道係唔錯，一啲都唔腥，仲有薄脆搭伴，而且質感唔會過於滑潺潺。腊味糯米飯($150/細)，🍚糯米飯配蛇羹係經典組合，只不過週末就冇得嗌套餐，細份量已足夠兩個人食！糯米飯用足料炒，當中唔少得臘腸、潤腸、臘肉同冬菇等，同時我覺得佢炒得好入味，亦唔會漿埋一餅，富油香；但朋友就略嫌唔夠乾身。廈門炒米粉($80)，🍜炒米大大碟，炒得夠鑊氣，係飽肚之選。米粉麵質彈牙，軟硬適中，配以適量嘅五柳菜一齊炒，味道甜甜酸酸，幾開胃。餸方面亦唔少，有好多隻蝦、火腿同蛋等。蒜蓉椒絲炒A菜($85)，🥦A菜其實即係油麥菜，質感爽脆，用上蒜蓉椒絲炒好穩陣，而且味味清清哋，唔油膩。總括嚟講，呢