The Sky Bar (已結業)

有時想食下自助餐，但又唔想食咁貴，我會揀半自助形式果啲，通常都會好多沙律選擇，唔會食到好膩，SKY BAR成日聽到朋友同事介紹，但就未試過，今晚一於食呢間！佢有2個半自助晚餐(Semi Buffet Menu) ，一個係「龍蝦生蠔半自助晚餐」，一個就係普通既「半自助晚餐」，亦有單點價格以主菜而定，我就揀左後者，由$198-338不等，比呢個價錢就包括左頭盤(5選1)、主菜(9選1)、自助沙律及甜品吧+精選餐湯環境氣氛好舒服先帶大家睇下自助沙律吧先！自助沙律吧有十幾款左右，我就全部試哂，當中既 “煙鴨胸蜜桃沙律”、“紅菜頭柚子沙律”、“香草醬烤南瓜”都非常不錯！鴨胸好焾身，配上蜜桃好清新，紅菜頭同南瓜亦都好清甜，除左呢三樣，其實其他果啲都好正，全部都好fresh，好開胃至於精選餐湯係羅宋湯，以及有香草麵包羅宋湯好濃稠，味道好夠，而香草麵包各來係我好中意既麵包之一，都食左幾塊頭盤方面揀左美國珍珠蠔6隻同埋原隻凍啡蟹美國珍珠蠔6隻隻隻都大大隻！屬於較creamy既類別，飽滿且鮮甜原隻凍啡蟹好少食凍啡蟹，通常都係食熱既蟹，size都唔細，較屬於味道比較清淡既蟹，雖然佢比較清，但你又食到既本身蟹

My friend 工作壓力大到嬲嬲豬，叫我帶佢去玩，我答佢玩食物（意思係bio個陣將塊狀咀嚼成碎，經一連串吞嚥消化變條狀你地明架啦）。基於在我的堅持底下帶佢去銅鑼灣食鐘意的生蠔寶貝，先講環境氣氛先啦：燈光柔和，座位寬敞，仲有飛標機同桌球枱tem, 岩曬一大班人吹水happy hour la ~ 但係基於約人太難，所以最後2個人撐檯腳。我地各叫左一份龍蝦生蠔半自助晚餐（貪海鮮拼盤）一份正常的半自助晚餐（有成盤生蠔食到爽），然後就去進攻半自助餐的餸菜，甜品，普遍好食又健康，有紅菜頭（my fd唔鐘意隻味），柑配鴨胸芸芸的，不能盡錄。不過大推甜品泡芙皮薄cream多，一咬即爆 到正餐黎左後海鮮拼盤，蟹腳甜甜地，青口干干地，蝦就彈彈地，生蠔甘甘地（回甘）、成盤生蠔未落檸檬會食到少少大海的味道，滑溜溜又鮮甜，加埋檸檬又另一番風味（個人比較好原味）豬腳外脆內嫩太大隻仲食唔曬、龍蝦就有少少干干地、塊扒沾醬好好食，最後野飲杯白酒太濃仲未識欣賞啦