Keyaki

營業中

休息中

位置係中環蘭桂坊區， 地點方便但隱蔽度高， 訂位食居酒屋，餐廳好貼心係留座牌寫上我的名字。 師傅全部用炭火燒烤，火喉控制得好好， 款式又多樣， 每晚都坐無虛席。雖然坐得近， 但環境唔會好嘈好應聲。每晚1800-2000有happy hour 🥳 $128/2杯酒，梅酒、sake、啤酒及燒酒，2杯可選不一樣， 我地揀左梅酒同sake share 飲，仲送左2款佐酒小食，真係好抵。推！ 銀鱈魚西京焼き， 又甜又滑， 入口即溶，係幸福嘅味道👅另外羊架&牛舌都燒得剛剛好，用炭火燒出黎嘅肉都有炭香味，外皮乾但肉嫩多汁。汁煮翡翠螺都相當吸引， 可惜我太遲落單， 只見別枱點了最後一客😣最後加了三文魚茶漬飯墊肚，和牛湯烏冬賣相也很不錯呢。

前幾天與朋友到蘭桂芳Happy hour後，轉戰位於和安里的keyaki。這裡主打爐端燒，是以人手製作的炭火串燒，配合鎢絲燈、懷舊日本電影海報，幾乎彷彿置身在東京的爐端燒小店。沒有華麗的餐牌，只有簡單的一張手稿及店員的建議，感覺更輕鬆自在，加上店內的熱鬧氛圍，令人好想…...飲多杯啊~清酒是店員推介的，對於不太懂清酒的我，單看名字就覺得很不錯。我們從菜單中點了:牛肋骨 – 入口即溶，充滿炭燒味，非常juciy。味噌豚肉 – 用上了五花腩部位，把豚肉燒至剛熟，口感爽口彈牙，味道也夠香濃，經我和朋友投票後，這道菜是必吃之選。响螺 – 螺肉入味而嫩滑，店員附上兩隻杯子，吃完螺肉後裡面的汁可以倒來喝，這個响螺湯才是精髓啊！牛舌 – 燒得剛好非常不錯自家製免治雞肉 –　另一推介，免治雞肉燒得香口惹味，內裏混入少許雞軟骨，令肉質混合爽脆的咀嚼感，醬油甜度適中，蛋汁亦夠香濃。芝士年榚 – 一直不喜歡年榚的口感，朋友想吃突然想吃唯有一試，點之前對它沒有任何期望，但這個芝士年榚實在太。好。吃！年榚表面少許焦脆，咬落質感鬆軟，熱辣辣的年糕與芝士相連，充滿雙重煙韌，好感動啊。最後，店員見我們喝得很高興，就拿

新春將至，家中各人近日晚飯都忙於與親戚好友、同事客戶團年，菜單亦離不開傳統中菜式。年廿九，家裡為迎接羊年o既準備功夫終於做得七七八八，肥肥家族就決定襯機透透氣，食餐日式串燒調和味蕾 。今次所揀o既「Keyaki」開業雖然只有個多月，但小肥已於雜誌上睇過兩編相關o既新店推介報導，眼見OpenRice上未有食評，所以就游說家人一同前往試食。「Keyaki」位於蘭桂坊和安里，「豚王」舊址隔一個舖位，理應唔難搵，無奈店舖門面顏色深沉，唔夠起眼，室內燈光較暗，要望多兩眼先夠擔行入去。我地準六時半到達，被安排入座門口最通爽及最闊之位置，個子較高o既大肥同哥哥要坐角邊位置先可以伸展長腳，而較矮細o既媽咪同小肥因有腳踏，坐落覺得高櫈舒適度大增。串燒屋面積不大，但感覺寬廣，全因間隔簡單開揚；左手牆邊有四張二人高櫈散座，中央則為二十多個吧位，圍繞住右手邊透明度極高o既小廚房。店內天花及木櫃放有酒瓶裝飾及特色酒品，牆身則貼滿日本懷舊海報、廣告及告示，其中大肥爸爸一眼就認得出山口百惠同三浦友和，真係夠哂經典。據悉，食客可包場，坐滿約二、三十人，價錢萬多元起計，時間限制及酒水供應會因應個別個案再作商討。開業至