ZERO (已結業)

旺角其實有好多好野食，為左方便要泊車，要選擇室內又有冷氣嘅地方，多數我都會選擇朗豪坊。Zero 是我第一次光顧。第一個不錯的印象，是枱面用上白色瓦仔面，新奇之外對於相機食先的我來說打卡又靚！三人晚餐，我哋一共點了四份菜式。次序按照我認為好食嘅次序。自選口味pizza > 五款小食摩天輪拼盤 > 黑松露薯條 > 白酒蜆炒意粉最有特別一定係自選口味pizza!今次醬汁方面我選擇咗燒烤醬芝士選擇當然係選擇水牛芝士因為口感比較柔軟肉類方面選擇咗烤雞海鮮方面選擇咗鰻魚（第一次食pizza會加入鰻魚，鰻魚本身係好食嘅，但係加入Pizza感覺味道怪怪的，建議大家可以選擇其他海鮮）蔬菜方面選擇咗椒同埋火箭菜摩天輪拼盤我最鍾意食都係雞翼!黑松露薯條，薯條炸得好香脆！意粉表現正常，味道都可以嘅！《ZERO 》📍旺角亞皆老街8號朗豪坊12樓5-9號舖#旺角 #朗豪坊 #旺角美食

婚後常常貪方便在家附近的商場吃飯，今晚特意約老公出旺角逛逛，找了這間吃PIZZA 的ZERO試試，因為可以自選PIZZA 配料，感覺幾新鮮，餐廳位置在ＬＥＧＯ　ＳＴＯＲＥ旁邊，星期六日的話還可以聽到駐場歌手唱歌。餐廳燈光偏暗，多以黑／白色佈置，感覺舒服適合慢慢傾計吃飯，餐牌也以黑色為主。先點了伊比利亞火腿炸薯丸配松露汁，薯丸炸得香脆，咬下外脆內軟熱辣辣，薯蓉內有點火腿粒粒，數量不算很多，所以內裡整體仍是軟淋淋的，驚喜的是那個松露汁，帶有點點酸味，應該是有松露味的醋，完全中和了炸薯丸的油膩感，我跟老公都大讚。之後來的是烤豬肋骨，豬肋骨肉質有點霉，感覺是雪久了的雪藏肉，醬汁味道ＯＫ，意想不到的是薯條份量非常大，而且非常香脆，我們主要是吃薯條，最後剩下了豬肋骨。選在這裡吃飯就是為了自選PIZZA，我們選了香草醬、辣肉腸、磨菇和亞芝竹，餅底是偏薄的那種，但又比餅乾厚，感覺不錯，香草醬味道不濃，帶點點橄欖油的香氣，配海鮮應該不錯，亞芝竹口感像竹筍，味道帶酸，整體感覺清新。

這間餐廳既菜式很特別，fusion style, crossover左唔同國家既美食，西式為主再crossover東南亞既菜式！鹹蛋大蝦意大利飯味道好特別，加入鹹蛋及意大利飯質地唔錯，有點硬，感覺好正宗！鹹蛋的份量適中，剛好用作點綴！蝦似乎無咩蝦味！自選pizza感覺好開心，可以自己揀，有好多款式，逐款計錢，都好特別！我揀左鰻魚、腸仔、菠蘿、風乾火腿；芝士都可以自己揀，我揀左水牛芝士；醬料都可以自己揀。詳見相片其實有自選雪糕，可惜佢漏左單！（因為自選雪糕在自選pizza既單相反面）但都幸運佢漏左單，因為這餐廳份量好大，2個人食唔晒！自問都好大食！pizza都食淨5塊！墨西哥蜜餞汁雞翼，份量好多，有8隻，好貼心，餐牌寫明有8隻，不過都係照叫左！不過雞翼炸得太誇張！感覺好似kfc, 味道其實不錯！如果唔係炸得咁勁會比較開心！飲品款式好多，但由於個日病，所以無叫！是間款式多既餐廳！值得一試！

因為要相約好友交收東西，又見好耐冇一起食晚飯，咁就不如揀個中間點交收順便食個晚飯啦～平時行開朗豪坊都成日經過呢間嘢，見到啲人好多都點一個摩天輪形嘅小食拼盤，但係一直都無試過～咁就同朋友提議試下呢間啦～去到大概7點，都開始多人，侍應都話要等一等～大概等咗十分鐘度就比我哋入去坐啦～原來呢間主打係食意粉薄餅類嘅～佢個薄餅比較特別～可以自選餡料同埋pizza醬～既然咁少有可以自選餡料～咁梗係先點一個自選pizza～點自選pizza好似車仔麵咁～比張紙同筆你自己揀～佢連芝士都有幾款可以選擇！呢個就係我哋嘅自選pizza啦～我見到佢有叻沙醬但係今次決定先試一下海鮮醬，然後加咗巴拿馬火腿，燒鵝，菇，火箭菜同埋水牛芝士～呢個配搭聽落去都幾...奇妙～但係有得揀無理由揀得咁正路㗎嘛！梗係試下自己mix下啲fusion嘢可能會有意想不到嘅收穫呢～個pizza好快就上到～熱辣辣～一望，係薄批嚟嘅，上面鋪滿咗好多巴拿馬火腿！而火腿下面係好多舊燒鵝～中間夾著芝士同埋菇同埋火箭菜～試一下呢個奇妙嘅配搭～又出奇地好食喎！個燒鵝肉厚但係都算嫩滑～原來個海鮮醬唧喺平時點燒鵝果種甜醬...所以絕對無違和感～我總覺得自己似

呢間餐廳，我係第二次嚟嘅。一早book咗枱，所以唔需要等。入座起計用餐時間一個小時30分鐘。。食物方面，我哋揀咗一個意粉同一個Pizza加一杯嘢飲。🍝意粉我哋揀咗香蒜蜆肉意粉，味道剛剛好小小辣🌶，蜆肉都有好多👍🏻👍🏻。略嫌美中不足就係唔夠熱。自選Pizza🍕 ,我哋揀咗海鮮醬，水牛芝士，帶子，蘑菇，Parma Ham。Pizza焗得剛剛好😋😋，味道亦都十分配。而且材料都有好多選擇，大家可以根據自己鍾意食嘅嘢去揀，十分貼心😘。嘢飲方面，我揀咗🍓士多啤梨🍑蜜桃脫脂乳酪沙冰🍧，我個人覺得佢有少少藥水味，而且放耐左睇得出沙冰還沙冰水還水😖😖。。環境方面，如果三五知己傾吓計食下野， Zero都係幾唔錯嘅選擇，都係年輕人比較多。👏🏻👏🏻

話晒MK都係我大半個主場，平凡嘅星期一冇理由唔去呀😶是旦係朗豪坊揾間野食啦🤗。燒豬仔骨拼薯條 $208平時哥哥唔俾叫嘅👩🏻‍🍳因為佢唔鍾意食燒豬仔骨🙈但係今次我堅持終於打動到佢比我叫😃不過食埋今次有排都唔會再食。豬仔骨啲肉好似煲湯豬肉咁淋晒一啲咬口都無，又好似乾乾地。個醬好鹹，食完要狂飲水🙃，如果10分嘅話我俾3分。經過呢一次之後，我諗哥哥有排都唔會比我再食，我幾時先到可以食到好味既豬仔骨😩而啲薯條算比較好食，似食緊麥記嘅shake shake 薯條🍟。自選pizza. ＄88(包一個醬、一份芝士&餅底)我今次就多咗四個餸，有蘑菇、菠蘿、牛肩肉同埋西班牙辣肉腸（價錢$9 -18 ) 自己想食咩就叫咩，mix and match🙂衰左都係自己揀便既😝好在Pizza好味👍🏼辣肉腸好夠味，小小辣😋不過略嫌佢啲菠蘿好似俾得少得滯，數埋都係得10粒，唔化算。

有次上朗豪坊頂樓行Lego經過見到依度新開張，有得自選Pizza咁得意，bookmark左一排，今晚黎度明顯多左好多人餐廳燈光較暗，裝修以工業風、深色為主調。近門口有高檯飲下cocktail，亦有大玻璃可以望入廚房睇廚師們即整pizza檯面已經有自選pizza order紙，指示清晰：1. $98包一個10.5吋pizza、一款sauce、一款cheese同一款herbs/spice 2. 加任何你想要既toppings，有三大類分別係肉、海鮮、蔬菜，每款價錢由$15-$22不等。有啲選擇都幾特別，例如香茅辣椒醬、喇沙醬、西班牙甜椒杏仁醬、京蔥、烤鴨、蒲燒鰻魚、甚至有椰子落單時店員話當日有優惠，揀三款海鮮/肉類就送兩款蔬菜 結果我地既combination係西班牙甜椒杏仁醬、水牛芝士、意大利芫荽(Parsley)、香辣牛肩肉、煙三文魚、帶子、artichoke同黑橄欖 $190。Pizza係薄底，邊邊焗至脆口、中間仍然煙韌，但麥香欠逢。西班牙甜椒杏仁醬唔係好食到杏仁味，味道比啲toppings蓋過晒，但幾有新鮮感，平時食pizza通常得tomato sauce。牛肩肉醃得幾好食，推介！

落雨天行朗豪坊，大雨到唔想離開商場，大有商場搵食。見到下邊有個牌介紹新餐廳，上到12樓，見到門面唔錯，就入咗去食。呢間主打pizza! 仲要有得自選砌一個，好有新意，仲可以揀自己鍾意嘅材料。本身佢都有幾款特定嘅pizza，不過特定的唔太吸引，所以就自選一個吧！餅底指定係一個10吋簿批，之後自己揀醬汁！今次唔揀一般常食既蕃茄醬汁，揀咗少見嘅喇沙醬汁。跟住有四隻芝士揀，揀咗常見嘅車打芝士！在喺下面配料揀，今次揀咗巴馬火腿，西班牙辣肉腸，鰻魚，同埋菠蘿。之後靜待15分鐘，佢哋就會焗好俾你！另外叫咗一個台台都叫嘅拼盤，係一個摩天輪架，賣相超吸引，而且仲轉得！配上四款醬汁，其中我最鍾意啡色嗰隻醬汁，問一問侍應，原來係黑松露醬汁呢隻係肉丸，用上八爪魚丸嘅醬汁，好開胃好好食！呢款平平無奇嘅麵包，出奇地有脆又香又好味！成個拼盤裏面我最鍾意食呢款！呢個係好辣嘅雞翼，好香口，可惜對我來講太辣啦！唯有畀晒老公食！呢款係天婦羅式既魷魚同秋葵！不過炸粉有d厚！但都好食嘅！炸芝士粒粒，呢個一定要點醬汁！同埋一定要趁熱食，咁先可以拉啲芝士出嚟！食熱氣野點可以唔配d解渴嘅嘢飲，佢有一款乳酪沙冰，又係可以自選兩款生果。