泰排檔

營業中

休息中

近期佐敦人氣泰式排檔，平日夜晚都要排成個鐘先有位，而餐廳已經坐得好迫，店員都算友善，有人生日仲會捧住蛋糕唱生日歌，為壽星送上祝福。① 黑豚肉船面 $88② 和牛船面 $98同朋友一人一碗船面打底，湯底個味幾好，不過豚肉肉質幾韌下，豬肉丸亦無乜特別。③ 炸雲呑 $88夠脆夠香口，都食到有啲餡料。④ 泰式炒芥蘭 $68夠鑊氣，芥蘭爽脆，好食。⑤ 生菜包香葉豬肉碎 $88幾重香葉味，微辣幾惹味，肉碎唔算太碎，都幾有咬口，好食⑥ 醉貓炒河 $118好食！有兩隻大虎蝦，加埋菜心，小粟米等炒，可惜河粉太少，四個人分一人得兩啖。⑦ 芒果糯米飯 $78糯米飯口感粘糯就，味道唔會太甜，同朋友簡直秒殺。⑧ 泰式奶茶 $38⑨ 斑蘭香茅茶 $38全店唯一熱飲就是斑蘭香茅茶，朋友說不錯；泰式奶茶正常好飲。單看呢間泰排檔店名及位置以為走平民路線，但其實價錢都唔平，食物份量偏細份，整體味道唔錯但不算驚艷，平均每人消費$260+但大家都只有七成飽，加上要排成個鐘先有位入座，成件事性價比唔算高。

佐敦有間人氣高企嘅泰國菜，今次就聞名不如見面，來到餐廳朝聖！聽講餐廳嘅概念係想同泰國嘅thongsmith一樣，除咗提供船面之外，仲會提供各種地道嘅泰國街頭美食！而且廚房同樓面嘅職員都係泰國人，廚房嘅大廚更加係米芝蓮泰菜samsen出身添！真係整個環境都充滿住泰式大排檔嘅氛圍啊，非常地道～虎蝦醉貓炒河💰HK$108虎蝦夠新鮮，爽口鮮甜！闊身嘅泰式河粉又滑溜軟糯，仲有唔同嘅蔬菜增添口感！加入咗泰式嘅調味料去炒，令到成件事更加入味同醒胃，色香味俱全👍🏻～燒豬頸肉💰HK$88豬頸肉外層略帶焦脆，肉質爽口彈牙，配搭秘製嘅泰式醬汁，令人特別開胃～沙爹雞💰HK$48雞肉有輕輕醃製過，燒完之後依然保持嫩滑多汁，配搭沙嗲醬，惹味無比～飛天通菜💰HK$58通菜口感脆嫩，非常入味～芒果糯米飯💰HK$78芒果新鮮香甜，食得出係用咗上等嘅芒果！糯米飯口感軟糯有嚼勁，配搭埋椰漿、芒果同埋脆脆，整體口感非常豐富～青檸梳打💰HK$8價錢超抵！味道酸中帶甜，係一款非常清爽嘅飲品～原來餐廳有90%嘅食材都係直接由泰國入口，連蒜頭、香料嗰啲都唔例外！用咁平民化嘅價錢，就可以嘆到正宗嘅泰式大排檔風味，真係超值啊👍🏻～

本身好鍾意食泰國菜特別係街頭美食超級有風味✈️ 今次試咗呢間泰國菜大廚係米芝蓮泰菜Samsen出身⚜️用嘅食材九成都係泰國運黎👍🏻口味正宗但係價錢好平民化值得一試🩷⭐️ 泰式炒金邊粉 🍝用咗虎蝦份量豐富又好新鮮🦐 金邊粉炒出嚟輕微嘅酸甜味道又有鑊氣🔥係好地道嘅感覺⭐️ 和牛船麵 🍜湯底十分濃郁帶鹹香味道好正宗😚和牛同肉丸都帶濃郁既肉味🥩口味真材實料⭐️ 鹹蛋木瓜沙律 🥗泰式嘅青木瓜沙律清新又帶爽口既感覺☘️微辣既感覺好開胃🌶️特別加上鹹蛋提升了整個層次的風味 🍳⭐️ 沙爹雞 🍗沙嗲烤得嫩滑又Juicy🐔配上濃郁既花生醬風味滿滿🥜⭐️ 炸雲吞 🫔香口得黎又有街頭小食嘅感覺🤪配上甜甜地嘅雞醬感覺好吸引😛⭐️ 芒果糯米飯 🥭話喺香港最高質嘅芒果糯米飯之一絕不誇張🤩 芒果份量豐富甜度好高💛 配上糯米飯粒口感煙煙韌韌帶米香🍚平衡得好好⭐️ 泰式斑蘭雪糕🍦雪糕質地比較黏稠香濃嘅斑蘭味道🏝️仲有椰子肉同花生碎嘅點綴💙充滿熱帶感覺⭐️ 酸梅茉莉梳打 🌼酸梅口味好清爽🍓中和返濃郁嘅食物就啱啱好🥹⭐️ 新鮮椰青 🥥入口清甜又消暑🌤️係食泰國菜嘅絕配

呢間餐廳以復古泰式大排檔為靈感，而食物則由灣仔人氣餐廳「Samsen」出身嘅泰藉主廚主理，保證口味正宗🇹🇭💗和牛船面($88)湯底用上豬骨湯、大量香料同豬紅熬製，湯汁呈深褐色，入口濃郁帶辣味，但唔會死鹹🥘蛋麵彈牙而且掛滿湯汁🍜和牛片軟腍有肉香，加上牛丸、通菜同炸豬皮🐃💗蟹肉炒飯（$98）蟹肉炒飯炒得乾身有鑊氣，飯粒分明，而且蟹肉係大大舊，非常足料🦀配料仲有蛋花同蔥花，食起嚟香口惹味🍛💗燒豬頸肉($88)豬頸肉燒至表面焦香，肉質爽脆粉嫩，蘸上特製酸辣汁中和油膩感🐖💗飛天通菜($58)飛天通菜翠綠脆嫩，炒得夠鑊氣，香辣又惹味🌶️💗芒果糯米飯（$78）糯米飯軟糯煙韌，淋上香甜微鹹嘅椰漿，再加上酸酸甜甜嘅芒果🥭

今日放工經過柯士甸 見到有新泰國餐廳開左餐廳入面仲要幾熱鬧 睇黎幾受食客歡迎 就決定試試佢餐廳既裝修偏向街頭風 餐廳牆身好有多裝飾所有既裝飾都係寫泰文 成件事好似真係去左泰國咁餐廳入面既員工 大部份都係泰國人啲員工之間都係用泰文溝通 感覺係非常正宗既泰國菜🍲醉貓炒河（虎蝦）炒河即叫即炒 一上枱好熱辣辣 好有獲氣炒河質地非常軟滑 煙韌 唔會炒到痴埋一舊舊味道非常惹味 味道唔太辣 食唔到辣既都可以一試虎蝦本身以為係普通雪藏蝦 但食落有驚喜虎蝦好有蝦味 而且好鮮甜 配料都咁有誠意 咁有質素 估佢唔到🦀啖啖蟹肉奄列呢道菜前排係泰國爆紅 暫時係香港都唔係好多餐廳有得食 呢到竟然有得食 一定要試試佢上到枱又係好鬼香 好夠熱辣辣雖然個樣平平無奇 但食落好有驚喜奄列真係做到啖啖蟹肉 係會見到一梳梳既蟹肉食落去蟹肉好有鮮味 配埋奄列既蛋香味 好味道奄列要半煎炸形式製作 所以好鬼香口食到最後 就算凍左 但依然香口 依然鮮味如果大家有機會黎到 真係要試試佢🐮燒和牛牛柳係門口見到今日既daily special係燒和牛牛柳Menu係揾佢唔到的 咁特別 決定又試下先和牛牛柳燒到半生熟 肉質好軟熟 一啲都唔靭咬落