泰發泰國餐廳

營業中

休息中

泰發泰國餐廳😘😘😘九龍城泰菜九龍城泰菜美食多、路過「泰發」、見泰國人主理、感受泰國風味！泰國金柚海鮮沙律$78 開胃前菜、泰國金柚去衣去皮、粒粒飽滿、入口爆汁、新鮮大大隻蝦、墨魚、爽口彈牙、微辣甜酸汁、酸辣鹹香醒胃惹味！黃咖喱軟殼蟹$148 軟殼蟹炸至金黃、色澤艷麗、外脆內軟、入口酥脆、伴泰式黃咖喱汁、濃濃的醬汁、陣陣蛋香撲鼻、賣相吸睛、配搭一流！薄餅（2件）$32⋯⋯鬆香牛油、餅面煎至金黃、沾黃咖喱汁、yummy😛串燒套餐（四串）/牛/豬$63⋯⋯牛肉半燒至金脆香口、肉嫩腍身、蘸點濃郁沙爹醬、口感豐富、層次分明、滋味又惹味！芒果糯米飯$63⋯⋯飯後最佳甜品、糯米暖笠笠、新鮮、店主用心製作、配上五種顏色糯米飯團、原色、黃色、紫色、藍色、綠色、淋上一層❄️白雪（椰䊢）、賣相可愛、伴鮮甜芒果肉、飽肚🈵️足👍🏻泰式青蘋果梳打$2⋯⋯泰清新、泰合時飲料🥤泰發泰國餐廳九龍城城南道8號東昇閣地舖港鐵宋王臺站B2出口、步行約3分鐘

左搵右搵，唔搵唔知，原來九龍城有間「泰發泰國餐廳」好好味，試過先知，而且價錢大眾化，算是平靚正。今晚有幸品嘗，幸運之至。串燒（豬、雞）$15/串雞肉嫩滑，豬肉香口，配上特製醬汁，提升哂味覺，好味到🤤泰式炸蝦餅 $65蝦餅熱辣辣，好彈牙，配上好好味既甜酸醬，正啊👍🏻泰國金柚海鮮沙律 $75柚子好甜，配上海鮮都唔錯，見到有少少辣椒皮，但係唔辣嘅。肉碎生菜包 $68生菜好新鮮、好脆，肉碎帶辣，洋蔥夠香，味道好好食，必點🤤泰式濕炒河（雞）$59雞肉好嫩滑，炒河食到鑊氣味，呢個價錢真係好抵食😋芒果糯米飯 $63糯米飯係熱辣辣上枱，口感煙韌，少少甜，配上椰漿好正，芒果好甜😋泰式芒果沙冰 $30係用鮮芒果肉打既沙冰，好香芒果味，唔酸，少少甜，好好飲👍🏻

正所謂無比較就無傷害幾年前食過「泰發」後，返唔到轉頭🤪呢幾年食過其他泰菜都比唔上「泰發」性價比高，免收加一廚師樓面都係清一色泰國人相當地道有風味私心推介檸檬燒牛肉，燒得嫩，約三成熟，配上秘制泰式醬汁，真係好正今次由於友人唔牛就無點到生蝦($85)絕對唔係放題嗰啲無味夾蝦！呢度嘅生蝦甜！而且蝦身似甜蝦咁有粘粘質軟口感！蝦頭仲炸過，上枱時雖然炸粉軟身左，不過心思抵讚嘅肉碎生菜包($65)重點竟然係被生菜嘅新鮮爽脆驚艷到！🤩翠綠得嚟大塊完整，無變色無穿洞菜處理清潔得好，無泥無污穢👍🏻👍🏻肉碎味道酸酸咸咸，充滿香茅味黃咖哩炒大蜆($128) 蒜蓉包($29)必點！有10+隻大蜆！😍黃咖哩蛋味四溢，再伴以青椒洋蔥用嚟點蒜蓉包/薄餅都好正😋😋😋泰式海鮮炒泰國粉絲($63)穫氣好夠，蛋味好出，粉絲入味😆可惜配料海鮮們全部都無味，完全同個粉絲分離😣但總括對得住價錢芒果糯米飯($63)抵食！五色糯米食，椰汁分開上☺️南瓜味、黑糯米、斑蘭、蝶豆花、白糯米斑蘭味最出，芒果香甜，有兩大塊，近乎一個芒果🥭無得輸🥰

🔆食完晚飯經過九龍城想食甜品🍮行左幾間都無到城南道附近見到就外賣左個芒果糯米飯🥭🕞輪後時間🕤大約等十分鐘左右就有，唔算太耐🌟推介食品🌟芒果糯米飯芒果好甜，飯有幾款選擇，不過都系原味最夾👍🏻飯同一般既唔同做型一舊舊，有少少硬，要加埋椰汁會好一點。賣相認真不錯，價錢大約60幾蚊，同一般食糖水比可能會覺得貴左d!味道 😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）🧑🏻‍🍳侍應服務🧑🏻‍🍳：服務員好熱情🔆總結一下🔆：食物品質一般，下次可以試一下堂食

今日去左九龍城揾食地道泰國菜，朋友推薦這一間，店舖設計簡單的小店，入面所有侍應都是泰國人來的，而且價錢實惠貼地，物有所值，都見到同一條街有2間。椰青: 好清甜，新鮮多水，椰子肉都好易拆來食，聽人講椰子肉唔實就係新鮮喇！啖啖肉吃光光都飽幾成。哈哈，我同朋友都係愛吃菜之人，專登叫不同泰式炒法嘅兩款菜試試。泰式炒椰菜苗(上): 這個不太辣而且味普通一點，而上面鋪滿了炸蒜蓉香口點。馬拉盞炒飛天通菜(下): 有埋洋蔥多汁又辣啲，我自己比較喜歡食呢個多啲，好香口。冬陰公湯: 足料冬陰公湯，好多秀珍菇同大蝦，而且味道適中不會太油，2人食點小碗份量便可。鐵板蠔仔炒蛋: 蠔仔份量夠多又新鮮，底舖滿左芽菜，蛋炒至金黃色點埋醬汁食一流。果然係招牌菜。芒果糯米飯: 五色糯米飯🍚賣相都夠靚，而且芒果都好鮮甜再加埋甜甜的椰漿，無懈可擊，不同顏色的糯米飯有不同的口感。這間地道平民小店價錢大眾化值得一食，正宗泰國菜，好食。

話說近排返工忙到狗彩，幾乎無自己私人時間可言😢，但都係要捉緊時間找找身邊既水桶友出黎，邊食好野邊大吐下苦水。人在九龍城，偶爾經過【泰發】其實都會俾佢嘅門面吸引，唔係因為佢有華麗嘅裝潢，而係因為有朋友說過好好食好正宗又唔貴而且評語都唔錯！所以問問有沒有位置，員工說有，那就入去乖乖坐定去等朋友，因為聽聞事關佢地都成日會Full House既!😜等緊朋友個陣同姐姐們聊聊天呢度主打正宗泰北菜式...老闆娘至待應均為泰國人，而師父更特別由泰國邀請到港做呢度既大廚，雖然全部都係泰國人但係每一位都懂廣東話！好勁啊！呢度細細地，長方形格居但挺有感覺的！入座後客人都不少，愈夜愈後更座無虛席。另外餐廳內牆上貼滿了推介菜式， 檸檬燒牛肉， 盲曹系列...等等完全樣樣都好想食，目不暇給。❗❗不能受辣的朋友緊記...落單前講一講，因為泰國人一向能接受辣味，所以會重手小小，但師父都會因著客人口味親自調製出能吃的辣道。等了一會先點杯...珍多冰 $25很多人以為珍多冰是泰式或越式甜品，但只對了一半﹗ 珍多冰其實來自印尼，後來傳偏東南亞其他地區，成為極流行的特色飲品，上至高級餐廳下至平民餐廳都極為大賣...珍多冰由珍

自從係泰國返黎之後 都冇食過泰國菜今次同🐷仔黎到九龍城嘅泰國大擦一餐先叫咗個酸辣無骨鳳爪沙律 ($58) 開一開胃酸辣程度啱啱好 絕對係開胃嘅首選之後叫咗個黃咖喱雞 ($78) 配蒜蓉包 ($26)呢個咖喱嘅味道同其他餐廳唔同應該係因為佢哋加咗紅椒青椒作為調味仲有陣陣嘅椰香味 真係好好食呀👍🏻至於肉碎生菜包 ($58) 比較鹹不過配上生菜食就啱啱好啦而我最期待當然係我第一次食嘅鹽燒盲曹 ($119)佢嘅香料味都幾重嘅 但條魚真係太好少骨啱晒好怕食到魚骨嘅我 所以我都好推薦大家嚟試吓最後叫咗個芒果糯米飯 ($63)呢次係我第一次見到有五色嘅糯米飯芒果好甜 同啲椰汁同糯米飯真係好夾🤤________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂