麵道 (已結業)

10-2-2019 (Sun)大年初六晏晝,同老公去食嘢,呢日又涼返好多,老公話去食湯麵.去邊喥食?唯一?又唯一?又係咩餃子麵?好悶.老公諗起想嚟好耐嘅呢間,於是行嚟食.我哋坐低後,睇咗好耐至揀到食咩嘢,要咗:1. $18.00嘅前菜,柚子味付蓮藕片蓮藕片爽脆,柚子味付清新唔酸澀,幾好食. 味道: 4分2. $80.00嘅雞叉燒溏心蛋濃厚雞白湯拉麵要少油,麵質適中同濃味湯底影完相撈嘅時候,感覺佢個湯好杰身,飲吓,味道幾濃同質地真係好厚好杰,正.雞叉燒本身味道比較淡;拉麵口感適中;溏心蛋係一隻大大隻,大隻到係一個湯匙咁大,o衣o家好少會俾咁大隻蛋o架喇.食吓先,內裡蛋黃係橙紅色,好靚;筍就正常冇問題.味道: 3.67分3. $84.00嘅叉燒伊勢海老豚骨湯拉麵揀咗要麵質要適中嘅幼麵,我揀咗後,老公話我知呢個係辣個喎,好彩佢揀上面嗰隻時冇剔要辣,咁佢就同我交換,唔好嘥人哋order紙,反正老公都想食辣.影完相,老公撈起食物,發現有兩粒迷你餃子,佢就俾一粒我,餃子皮滑,內裡有一粒肉.而呢個伊勢海老豚骨湯蝦味夠,質地冇上面濃厚雞白湯咁濃厚,係正常嘅稠杰度,雖然話辣但又唔係好辣;兩片叉燒係薄切半

好耐無行千色匯 行行下見肚餓就睇下附近有乜好嘢食2樓有幾間食肆 見到「麵道」係食拉麵問題係晚飯時段竟然完全唔需要等位😳 入便只有3枱客😂 但唔理啦 又日本嘢又唔洗等位 仲諗乜？睇完menu決定試下佢個雞叉燒雞白湯拉麵💲74感覺好似幾特別咁 一般食開既叉燒都係豬肉 而呢間係雞🐔嚟賣相唔錯 個湯質地幾濃 幾厚身 雞冇乜好特別 不過幾juicy! 反而塊紫菜唔夠脆😢好食度😋😋😋另外叫多咗個小食芝士天婦羅無骨雞翼💲21感覺有dd 炸耐咗 不過我覺得有啲咸 唔知係咪因為有醃過既肉加芝士既關係但so far嚟講係抵食既👍🏻好食度😋😋😋Overall嚟講，以唔洗排隊、環境乾淨企理、店員熱情細心(見你長頭髮會比髮圈你綁住)、食物價錢同質素，我會下次再幫襯😎

放工後同男朋友係荃灣行行下街，又傾下去日本旅行既事宜，突然拉麵癮起，之後就走左去食拉麵。去到剛好係旺場，都幾多人排隊，排左大約二十分鐘左右。呢間拉麵主要有三款湯底：濃厚醬油豚骨湯、伊勢海老豚骨湯、濃厚雞白湯。每款限量發售，我地原本打算選擇伊勢海老豚骨湯，可惜排到入去侍應姐姐同我地講伊勢海老已經賣曬唔排都排左咁耐啦，唯有選擇過第二款，但我地對雞湯無咩興趣，即係得返醬油豚骨湯⋯⋯我地坐吧枱位，位置都寬敞，仲可以見到少少師傅煮面既情況。枱上有其他調味料，但就見唔到有前菜。（點解見其他食評會有前菜既，因為本人都幾鍾意食日本既腌製食物㗎）辛口特盛叉燒味玉醬油豚骨湯拉麵好味我點左拉麵麵質係硬身，濃味湯底，走蔥。第一時間緊係嘗啖湯先啦，濃郁既豚骨味滿滿地包圍住舌頭湯濃但不肥膩，口感稠密，可以掛麵。拉麵硬度剛好係我鐘意既，叉燒肥瘦適中，食落有碳燒味男朋友話要飲啤酒，之後就叫左杯冰凍泡沫生啤（蜜桃），平時少飲酒既我都忍唔住俾啲泡泡吸引左試左一啖，飲落真係有淡淡既桃味話咁快就食完碗麵其實湯唔算多，可能因為稠既關係，食拉麵既時候都帶走唔少湯，最後得返幾啖飲。總括而言，呢餐好滿意心思思都係想試埋伊勢海老豚骨湯

友人知道我鍾意食拉麵, 發現新的拉麵店便會話我知. 在荃灣居住的友人便話我知千色滙開了一間叫麵道的拉麵店, 早前便去試一試. 這裡的拉麵, 除了傳統的豚骨湯底外, 還有海老豚骨湯底和雞白湯底. 客人可以因應自己的喜愛選擇要不要蒽和木耳, 麵質軟或硬, 湯底淡或濃, 辣或不辣, 唯獨海老豚骨湯底只可以選擇要不要蒽和木耳, 麵質軟或硬, 因為本身是辣. 愛食濃味的我, 當然要一試海老豚骨湯底. 由於我唔食得辣, 便問一問店員是否好辣, 佢話只是微辣, 我便試下, 最後選了义燒溏心蛋伊勢海老豚骨湯拉麵. 小食點了天婦羅無骨雞翼, 一共有六款味道選擇, 我揀了芝士口味. 飲品見到有一款叫靜岡綠茶可樂, 好想知道綠茶混入可樂會變成怎樣. 一見到可樂, 顏色和平日好不同, 這是綠色. 綠茶味不算好濃, 但同可樂幾夾, 甜度又適中, 幾好飲. 义燒溏心蛋伊勢海老豚骨湯拉麵上枱. 第一時間試下個湯底, 湯是較為杰身, 微微辣, 海老味不算好特出, 但味道調不錯, 我自己鍾意這個湯底. 湯掛在拉麵上, 所以特別好味. 义燒是薄身, 帶少許肥, 也夠腍身. 溏心蛋是必食, 可惜未能掌握