元祖沾麵專門店

營業中

休息中

🍴豚肉魚介沾麵魚介汁好濃厚，麵質好彈咬同大大碗，點落魚介汁味道好豐富，豚肉片好厚同埋好入味，唔乾唔柴，溏心蛋都好好味，同埋好多筍，食完超飽。🍴極試芝士海膽沾麵+芝士焗蟹蓋呢個豚肉叉燒麵同上面係同款，芝士海膽汁勁好味，海膽好鮮甜，芝士汁好厚身但不會咸，味道剛剛好，點完汁的麵變得好creamy.最緊要係d汁（芝士汁，魚介汁，蝦汁）都可以任添，芝士汁我係一加再加，因為太好味了😋芝士焗蟹蓋爆多芝士同蟹糕，好新鮮！

放工同朋友出去尖沙咀食飯，去左厚福街搵好西食😋 由於果到不嬲都好多人搵野食，間間都排長龍，我地就入左間唔係幾使排隊又係黃既沾麵店💁🏻‍♀️芝士控既我就簡簡單單嗌左個芝士海膽沾麵，一上到黎係一大兜熱辣辣既芝士湯汁🤩，海膽就唔多見啦，應該係融左入個湯裏面，而沾麵既份量都幾多，仲有半隻溏心蛋。可能因為個芝士湯有返咁上下杰，沾麵非常掛到個芝士湯汁，有少少似食緊芝士撈麵😋 而湯入面仲有啲豬肉，都幾入味，但海膽就少左啲啲，食落仲有少少腥味，唔係太食到個海膽既存在，可能真係要嗌返原板海膽食先會更好😅而朋友就嗌左呢個龍蝦沾麵，佢呢個沾麵係跟左三塊叉燒既，叉燒望上去好吸引😍 朋友話佢個叉燒好好味，肥瘦適中，而個龍蝦湯都幾濃郁，雖然無芝士湯咁杰，但一樣咁掛湯！佢個湯入面仲有啲龍蝦肉同豬肉，啲料好豐富，呢個既性價比會高過海膽芝士果個好多🙊總括黎講，呢間沾麵店既沾麵整體黎講中規中矩，好似個芝士海膽沾麵咁，食落會似豬肉芝士沾麵多啲，海膽味唔太出🙈 不過值得一提既係佢個麵質食落好彈牙，軟硬適中👍🏻 而環境就一般般，因為坐落都係有啲逼，如果下次再食會試下加啲其他海鮮，應該會再好食啲🤔

去到日本最鐘意食沾麵, 因為麵條彈牙, 醬汁又夠濃! 今次黎到厚福街呢間元祖沾麵, 餐廳好貼心準備埋紙巾同埋口罩套!叫左1個芝士海膽沾麵, 同埋1個叉燒拉麵同媽咪SHARE!係一板海膽!!見到顏色都覺得新鮮, 唔洗加豉油都好鮮甜好好味!芝士湯入面仲有海膽, 所以勁甜勁掛汁, 但又唔會好咸食到好口乾果隻!叉燒片仲係燒過, 油香十足, 呢碗沾麵媽咪讚到爆另外叉燒拉麵麵質都彈牙, 叉燒都好好食, 湯底都唔會太咸, 好味! 2碗1齊SHARE就岩岩好!

呢間元祖沾麵其實自己加加埋埋都食過5，6次咁多但每一次都係覺得影得唔夠靚就不如唔好post出黎住🤣🤣(雖然宜家都唔靚但我決定還是post吧🤣不想與它太纏綿了！🤣)呢度既沾麵種類選擇多好似有龍蝦 海膽 魚介 宜家仲多咗黑松露 款款都好高質個湯底真心超香濃佢係我食過咁多間沾麵覺得最好味既一間別無他選每次我口狠想食沾麵第一時間就諗黎呢度🤣🤣🤣呢間餐廳貼咗好多文宣💛店舖裡裡外外都黃到核爆💛所以！抵我支持同幫襯咗佢咁多次🥰！－🧀芝士海膽沾麵＄105:我黎5，6次當中有3次都係食呢碗❤🥰！個芝士海膽湯真係正到爆炸，一出菜滾熱辣咁上，個湯食到芝士味仲有啲海膽碎夾雜係入面❤👍👍，先飲一啖湯，哇個濃度實在太驚豔🥰❤，好鬼正！(如果係你海膽迷我宜家會好建議你加埋個終極海膽板！因為朋友試加咗話海膽好新鮮同埋連埋湯食再正多十倍🤪性價比高到頂🤪！)然後啲沾麵，口感係我比較鐘意既硬麵，咬落好有嚼感好煙韌～好好味❤～溏心蛋就普通啲，因為仲未做到一咬就流哂蛋汁個個效果，所以還好喇。不過整體講都係一碗99分既沾麵❤❤🥰！

久仰厚福街的大名，今日終於可以一嘗這裡的元祖沾麵，這裏的小店都黃到發金已是公開的秘密，因應疫情關係，也非常貼心地提供了濕紙巾和裝筷子的木盒，值得一讚。而這裡食物豐儉由人，除了最基本的魚介湯底外，也有龍蝦、芝士海膽等配搭。這次嘗試了龍蝦沾麵，面汁十分濃郁，有濃厚的天然龍蝦味，配搭粗麵一流。而麵條的粗幼程度剛好，完全可以掛住湯汁，使得每一條麵條都能夠沾染到湯汁的味道，是完美的配搭。冰凍的糖心蛋也十分鮮甜，值得一讚。只有兩點需要留意，龍蝦湯底的味道較膩，未必適合所有人，以麵條的份量十分充足，應該大部份女生都吃不下全碗（我個人是例外 haha）。另外每人要加$5茶錢，需要留意，但總括而言性價比甚高，必定再來支持！

嚟到尖沙咀又想食日本嘢啦， 今日我哋喺厚福街附近， 朋友提議呢間元祖沾麵專門店， 佢話之前食過覺得幾好食。 原來呢度啲沾麵都幾有創意㗎，有好多唔同嘅配搭，我見到有芝士、海膽、龍蝦、蟹黃、鮑魚、帆立貝、赤蝦等嘅款式， 真係幾新奇。 我對蝦湯比較有興趣，所以叫咗個赤海老沾麵， 朋友就叫咗芝士海膽沾麵， 個麵上到枱 個湯係用個石鍋裝住， 保暖得好啲， 沾麵嘅湯keep住熱好緊要㗎，影完相就好快要開始食。 啲麵條都算彈牙， 開頭湯夠熱嘅時候係最好食， 因為一加咗麵落去個湯就會開始涼。 我個蝦湯未食已經聞到好香，加埋啲麵同配菜落去一齊食真係超級好食! 鍾意蝦嘅朋友一定唔可以錯過， 我覺得比喺普通魚介湯底或者豚骨湯底更加好食。 朋友嘅芝士海膽沾麵 一望就覺得好邪惡，個湯底都比較杰， 我同朋友都話個蝦湯好食啲，因為個芝士海膽雖然都幾好食，但係鹹咗啲，同埋我地唔鍾意個湯底太杰。 我朋友話下次會叫我個蝦湯沾麵 。我覺得呢度嘅啲沾麵都唔錯呀，價錢都合理，位置方便，環境又算乾淨，服務亦都ok。 如果有時諗唔到食乜，呢度都係個唔錯嘅選擇。

終於去開尖沙咀，可以試下好出多既沾麵喇！！！最想試海膽同蟹！不過去到無原板海膽了，可惜！注意，佢而家每碗額外加七蚊，話來貨價貴左，所以都真係幾貴！同埋佢收茶錢，話係宇治抹茶 。不過如果叫個外賣芝士奶蓋茶就可以免。上菜時個湯係好滾，值得讚。個海膽芝士湯芝士味濃，略嫌海膽個味唔夠出，不過整體上係一個邪惡同令人滿足既湯。我既芝士蟹麵係有得揀湯底，我要左龍蝦。龍蝦味濃，做得唔錯。我食完個湯俾我用左一半。湯入面既豬肉油脂好，亦好入味。相反麵上面塊肉同蛋有啲失色。蟹蓋上得好靚，芝士同火炙既味好重，少少蓋過蟹味！外賣既茶還好，奶蓋唔係特別出色。間中豪一豪ok，不過性價比唔太高。埋單要成百七蚊個頭。

雖然依家食沾麵既餐廳好多地方都有，但呢間餐廳小弟早兩年食過之後一直想搵機會再試，呢日終於同友人再度到訪！芝士海膽沾麵呢間餐廳吸引我再黎既原因一定係呢道既湯底！呢道唔係食豬骨湯底/地獄湯底，而係龍蝦湯底/芝士海膽湯底！ 湯底上枱時熱辣辣，賣相好吸引湯底裡面仲有d肉粒不過塊紫菜就淋左d，但係呢碗麵d麵條好掛汁，條條都可以沾上湯汁！仲有一件唔好既事就係落單時先知道因為來貨價上漲所以要額外收多$9😓 雖然只係加$9，但如果可以係店內加番d告示會好好多

好耐無寫食評，今次寫希望大家唔好中伏😥之前係佢地個ig留過言話難食，佢地會block你同delete comment。所以得番d好comment🤷🏻‍♀️之前見佢ig 成日賣廣告，d片好似好好食就去食。門口都幾多人排隊我同男朋友2人，我點左芝士海膽沾麵，男朋友點左龍蝦湯沾麵，再加一個蟹甲羅燒個d台同個環境都幾污漕下，痴粒粒咁芝士海膽沾麵個芝士石鍋係大個既，不過唔好食點大都無用好似用粉開岀黎咁，又無芝士味，又唔夠熱都唔知食緊咩個板海膽真係一板的，但好唔新鮮。不過呢個價錢我都無預佢會比咩靚海膽。但佢唔新鮮到苦又過份左。好似擺左好耐係唔唔夠凍既雪櫃咁個沾麵係冰凍又有d生水係抵，感覺好像洗完放左係雪櫃再拿比你食🤮🤮個龍蝦湯沾麵都係咁，無龍蝦味，個麵又係好嘔心Overall大伏，大家睇下呢到d差評先決定去唔去食🤢🤢因爲佢地會delete ig 差comment

厚福街有不同種類既餐廳，每當晚飯時間都湧現一大班人，還好趕上在七點前到達不需等候就可入座！店鋪內都坐滿食客，好大部分是旅客，畢境真的好方便！點了兩客沾麵同一客小食元祖龍蝦沾麵🦞麵質彈牙同微暖，湯汁熱到不斷起泡泡，味道頗濃偏鹹，塊紫菜係「林」既，雖然筍干係爽口但好似有種浸住係水好耐既感覺😅湯汁中有幾嚿肉，又唔算係叉燒，好似住家湯入面啲瘦肉咁🤔龍蝦湯底頗濃，湯汁掛麵程度高👏🏼👏🏼芝士海膽沾麵🧀如果係一名芝士控會有啲失望，湯汁質地較稀，個味道似忌廉湯跟拉麵不太合配！同樣塊紫菜係「林」既海膽味道正常，份量一啖嫌少，明白一分錢一分貨湯汁裡原來都有不少海膽碎，尚有安慰炸軟殼蟹🦀餐牌上寫「必食」推介，但伏左！先係圖文不符有幫忙切開但賣相一般，二黎咬落好多油滲透出黎，炸得又唔夠脆，蟹肉感覺有啲霉店舖內有餐牌寫上「因食材價格上漲而大部分龍蝦及海膽沾麵需另加$9」及「每位需收取$6茶水錢」，雖然額外點飲品可扣除茶水錢，呢個價錢在同區食拉麵/沾麵都差不多🧐

食過2次都keep有水準👍最鍾意食芝士海膽沾麵🤩海膽味超濃郁，男友都話好味，最值得一讚係如果個湯底變涷都可以幫你加熱個湯，因為好快變涷😂下次都會在黎🙆‍♀️

日本麵食黎講 沾麵絕對是我的首選平時食既都係豬骨湯 醬油湯底食到都悶悶地 今次就試下d新野俾我發現佢加價都加得幾多我個麵加左成16%😱芝士海膽沾麵🍜💰：$95-我喺龍蝦沾麵同芝士海膽沾麵之間 諗左好耐食邊款好🤔 最後都係揀左芝士海膽沾麵海膽呀🤤成個湯底都充滿住濃濃既芝士味 唔知佢落左幾多海膽 基本上海膽連埋鮮味已經溶曬入芝士 殘餘既海膽熟曬 😂濃結既芝士湯又幾掛麵麵質粗粗有咬口的確唔錯略嫌分量太小 食唔飽呀🥺可值得一試但我呢 就食一次就夠喇🤝

依家店門口較小，所以一開始我都miss左，揾左好耐先搵到。今次特地為左試佢個芝士海膽沾麵，湯底極邪惡，芝士味十分香濃，芝士狂迷一定喜歡，內有少許海膽粒，味道不錯，麵都算有咬口。另外，點了店內招牌的元祖龍蝦沾麵，感覺正正常常，沒太大驚喜，只是龍蝦味的湯。

厚福街多美食就不用多說，今晚嘅拉麵之旅來到元祖沾麵專門店，門口雖小，但入內其實坐位都有三十幾個，背包可收納在坐位下的籃子裏。我點了人氣No.1嘅元祖龍蝦沾麵，麵條選了偏軟，份量選普通，都夠我吃。一上菜龍蝦湯已經滾到石窩邊，加了青檸汁在麵條再沾湯，龍蝦味濃厚，又帶微酸的青檸汁味道，十分特別，龍蝦湯味道像西餐廳的。叉燒肉脂比例剛好，燒得焦香惹味，不過薄薄的兩片不夠喉。男朋友點了芝士海膽沾麵，另外加了半隻半熟蛋，芝士味道勁重，真是芝味十足，湯裡有海膽和叉燒粒，不過味道主要吃到芝士。雖然肥，但真係好香好好吃，最後我們一滴都不放過，發現隔離位都係！自家製煎餃皮薄，都鎖住肉汁，值得一試。雖然價錢加埋一貴其他沾麵店兩三成，不過湯底幾特別，而且味道合我口味，會再來光顧。

之前上網成日都見到呢間野，「芝士」、「海膽」呢啲字眼已經好吸引到我。黎到尖沙咀唔係唔試呀話？佢就係♥元祖沾麵專門店♥，食沾麵既！芝士海膽沾麵 $88我無加任何配料，就咁叫左個芝士海膽沾麵。一碗麵再加一個石鍋，麵本身係凍既，沾左落個石鍋到啲麵就會熱！石鍋入面既芝士海膽汁係好熱既，所以食既時候要小心睇熱。麵質都幾好，彈牙有咬口，煙煙unun。個沾湯都好濃，落足芝士同海膽，每沾一下都見到好多海膽係到，食極都有。而且慢慢食落你會發現，原來沾湯入面本身會有啲叉燒粒係到，呢個係我覺得驚喜既地方。不過芝士食得多好易膩，呢碗沾湯都有同樣既感覺（咁證明佢真係落足料），食到咁上下就覺得好飽。但鐘意芝士同海膽既人，呢碗沾麵都值得一試既！