七福神和食亭

營業中

休息中

今晚同朋友去咗一間佐敦的居酒屋，就在佐敦站行1分鐘，交通方便。店內以卡位為主坐得舒服，以木係為主調，有好多日式佈置，可見心思。柚子胡椒豚肉炒野菜清清地炒椰菜，豚肉份量多，加咗柚子胡椒提升味道。鐵板牛柳粒粒憢用鐵板上枱，保證熱辣辣，，牛柳粒整得好鬆化，又不失口感。西京燒銀雪魚煎得好香口，有少許燶邊，銀鱈魚肉質軟綿。芝士焗蠔加咗芝士增添嘢味，新鮮焗起熱辣辣，蠔超大隻，芝士冚不住鮮味。味噌甲羅燒雖然加咗味噌，唔會太鹹，配咗紫菜飯一齊食，互相中和。石鍋燒香蒜牛肉飯石鍋上熱辣辣，飯焦十分惹味，牛肉份量多，醬汁惹味，混合一起吃，非常惹味。生忌廉吉士銅鑼燒店主推介，QQ彈彈，賣相可愛，銅鑼燒軟綿綿中間加咗吉士醬，但唔會太甜太漏。楓糖蕨餅楓糖漿分開上，可以自行決定甜度，蕨餅煙靭Q彈。綠茶雪糕綠茶味濃郁，我會同其他甜品一齊食，超好味。非常滿足的一餐。

同兩個好友去聚餐之前都食過兩次 覺得唔錯 所以今次就寫下食評啦.叫左個大份既蟹籽沙律 黎到發現😂 真係好大份不過係好食既 3個人都Ko到佢然後叫左份芝士焗蠔 有3只一人一隻岩岩好 呢個蠔我每次黎都必叫 因為真心唔貴又好食叫左份清酒煮蜆 份量都好足3個人都夠食 朋友都話 呢啲啲清酒蜆好好食仲叫左個蟹蓋 加左飯 （佢有得揀飯或者魚）我自己就覺得有啲咸但我啲朋食開重口味就覺得還好 仲話唔錯添因為係經openrice booking. 最後88折埋單 人均$150 食到咁飽都只係百幾蚊 覺得唔錯不過咁飽都因為個大份既蟹籽沙律🤣🤣

個個都話性價比高，我又唔覺得喎細蟹籽沙律$52$52有依個份量，係好ok, 蟹籽多，視覺效果幾好。芝士焗蠔$28Ok,味道中規中矩，正常坊間食到一樣。中間有煙肉，食到蠔㗎鮮甜味。原味玉子燒$58味道正常，甜甜地，有蛋香。但成$58得4舊，預期會厚d, 實物同menu相片大細差好遠，同埋拎出黎只係溫暖，唔熱。質素只係同日式超市熟食架上賣同一level18件壽司拼盤$238失望，比起係超市買，就算冇中蝦，起碼都有凡立貝，連甜蝦都冇，成盤都係d平價壽司（影個時已經食左幾舊重復的八爪魚同赤貝）。質量方面，齋睇相都知佢幾乾身，d魚生都幾薄。服務方面，本身book左17:30，甘我預早17:25已經到左，佢成17:38先開燈接客，齋企左十幾分鐘。大大間餐廳都唔守時。

跟一位很久沒見面的朋友吃晚飯, 餐廳是她收藏已久這天終於能嘗到. 我們這天星期六6時半準時到達就可以入座, 眼見餐廳2人枱比較少, 人氣餐廳還是需要預早訂凳的好. 這天我們點了以下食物:刺身拼盤: 刺身夠新鮮, 三文魚厚切全部也不錯; 只是那舊飯團真的只是飯團我們最後都吃不下感覺有點浪費.壽司: 三文魚腩真的很夠長 另外油甘魚, 帶子等也很新鮮味美.芝士薯餅?: 新鮮炸起很夠熱味道也好芝士焗蠔: 串燒拼盤: 有雞翼, 冬葀等一次過可以多嘗幾款, 不過這天調味有點過重炸尤魚鬚: 炸粉很薄, 也是新鮮炸起真澄清酒: 點了很多下酒物自然要點個清酒, 但我們其實都不太懂得喝, 只是覺得很重酒精味呢..入座前已知用餐只是1.5小時, 可是我們真的是一分鐘都沒有浪費都在點食物吃吃吃...才剛吃完原來已經到1.5小時了我們還未有時間好好詳談就要離開了啊

經吾知第幾次黎七福神食野啦，呢度既食物高質，但價錢合理，性價比高，所以我今次同男友再黎食，食物水準同以前一樣咁好。關西風玉子燒，好有層次感，有少少甜，蛋味香濃，吾需要加醬油，已經好好食，中意食蛋既朋友可以一試。芝士焗蠔，蠔就鮮甜加上香濃多汁既芝士，十分夾。蒲燒鰻魚，外皮有少少燒焦既脆，加上濃郁既鰻魚汁，好正，同埋分量十足，好好抵食。三文魚腩，厚切既三文魚腩，食落啖啖肉，十分鮮甜，中意食三文魚既朋友吾好錯過啦。七味醬油燒雞扒，比想像中十份，而且外脆內軟，雞肉一D都吾肥又吾乾，加上七味醬汁，少少辣，十分好味。北寄貝壽司，海膽壽司同火炙帶子同樣鮮甜可口，中意食壽司既朋友值得一試。七味軟殼蟹卷，賣相精緻，啖啖軟殼蟹，加上沙律醬，十分開胃，都只係$52，性價比高。S5芝士燒天婦羅蟹腳卷，芝士香濃手，天婦羅蟹腳卷香脆，兩者十分夾，值得一試。茘枝青蘋果梳打，酸酸甜甜好開胃。士多啤梨活乳酸，好有童年既味道。山型香桃雪葩，外表精緻可愛，有香濃既香桃味，新鮮制作，必試。

今天和朋友到佐敦配眼鏡，選擇在七福神用餐。很喜歡這坐得舒服、服務到位和食物有水準。今天開懷大嚼，越食越好味!士多啤梨煙三文魚果醋沙律先來個沙律開開胃口。煙三文魚沒有腥味，士多啤梨香甜，沙律菜清爽。牡丹蝦 $36/2隻 長度足有5、6吋的牡丹蝦，既新鮮肥美又爽甜。軟殼蟹手卷 $38/卷 外脆內軟的軟殼蟹很有蟹香。香甜的壽司飯份量適中。霜燒和牛卷 $88和牛牛味非常濃郁，肉質嫩滑。壽司飯香甜軟熟。芝士焗蠔 $58蠔身細細，很有蠔香又不覺腥。日式炸蝦餅 $38 吉列外皮不厚，內層爽甜的蝦肉頗多。七味炸雞籃 $42外皮比較乾身，幸而雞肉質爽，味道也不錯。神戶野菜炒 $48野菜有香菇、椰菜和洋蔥等，新鮮爽甜，夠鑊氣。菠蘿雪芭 $48雪芭帶濃濃香甜的菠蘿味，我把雪芭刮清了還是感到意猶未盡呢!

媽媽話想食日本野，就同佢黎左呢間朋友介紹既居酒屋。跟住地址，發現佢0係2樓，門口都幾易搵。樓梯乾淨企理，上落都算方便。一上樓，店員就安排我地坐卡位，主動介紹食物。佢地服務好好，每一位都熱情，有禮貌。睇睇menu，食物選擇都算多，而且價錢唔貴。最特別既係，刺身有得自選拼盤，夠哂彈性，可以享受到拼盤價又有得揀。而且佢地仲有生蠔，同埋海鮮拼盤，不過媽媽唔食蠔，我地就無考慮喇。睇下睇下，我地兩個人都叫左唔少野食。《刺身拼盤A C》刺身方面，我地揀左兩個拼盤，共6款。油甘魚切工未如理想，有少少筋。但三文魚同劍魚都唔錯，厚切軟滑，鮮甜味美。赤貝爽口但有少少腥。至於海膽，非常高質，味道好鮮甜帶清香，一d都唔腥，係有少少驚喜既位置。《芥辣八爪魚》八爪魚質地太軟身，唔夠爽口，但味道幾唔錯幾惹味。《炭燒雞泡魚乾》呢樣十分驚喜。大大的一塊魚乾，好有咬口，煙煙靭靭甘。稍稍燒香左令到佢好香口，配上少少甜既醬汁，更添一層味道。《鐵板牛柳粒粒燒》牛肉不過不失，燒到香香地，有薯容伴碟，醬汁唔錯，夠香濃。《芝士焗天火蠔》呢一道菜都係十分出色。生蠔好大隻好肥美，啖啖肉。芝士味道香濃，一大片完美甘覆蓋著整個蠔身。表面焗得少

又到月尾，同朋友想出街食飯又唔想太高消費，所以一直由尖沙咀行到佐敦睇下有咩平野食。行到佐敦地鐵A出口附近見到有好大個banner新新張優惠半價，包括大阪燒，甜蝦等等，賣相吸引都只係廿幾蚊，所以就入去試試。入到七福神，我地兩人被安排坐於卡位，十分舒服，侍應亦主動介紹優惠及加水，令我對呢間餐廳既印象不錯。八品刺身盛合-$238 （三文魚，油甘魚，吞拿魚，八爪魚，北寄貝，帶子，海膽，甜蝦）二百幾蚊有咁多種刺身，我同朋友都忍唔住要試一試。刺身盛合既賣相精美，每種刺身都有三片，並提供紫菜比你包住海膽同食。刺身比想像中厚，店家並唔會因為價錢咁抵而切薄d，所以刺身咬落非常有口感。個人最鐘意油甘魚刺身，甘香肥美，而海膽亦沒有腥味，值得一試！串燒5品盛盒 $68一定要讚既係呢度既串燒燒得十分出色，特別係豬頸肉同雞翼，兩者都做到外層香脆，但內裡仍能保持肉汁，豬頸肉更是爽口彈牙，帶有咸香，所以我同朋友都忍不住叫左梅酒來配串燒！芝士鐵板燒豆腐 $46燒豆腐香脆既外層上佈滿半溶既芝士，當夾起一件既時候有牽絲既效果，令我非常興奮！豆腐內層十分滑溜，一半豆腐一半芝士一齊食口感同味道都很出色！芝士焗蠔 $20 一隻我