味道樂居酒屋 (河內道)

營業中

休息中

三文魚刺身係厚切架，大大塊，淡淡肉，好好咀嚼，所以食到好滿足。不過就唔算好新鮮，遜色左少少。帶子蟹膏飯卷蟹膏同帶子都幾夾，而家飯卷入面都有啲配料，食落去幾豐富。見到帶子有少少火炙嘅效果，見到有用心思去處理食材，如果賣相再好啲就再吸引啲。食左咁多壽司同生野，梗係要試翻啲熟食。忍唔住叫左個推介嘅櫻花蝦煙肉蠔，一見到個賣相已經好想食左先，睇落都好多料，個蠔唔會好腥，而且有啲汁，唔太乾，唔錯。炸一口芝士同芝麻雞翼都好唔錯，炸一口芝士味道唔會太濃，直接食左幾舊都唔覺得會太漏口。而芝麻雞翼外脆內軟，而且仲有肉汁，攞上枱個陣仲岀緊煙，熱辣辣新鮮炸的。最後叫左個牛肉壽喜燒，見到入面係有好多牛肉同雜菜，為左避免牛肉浸得太耐，佢地會將牛肉放係雜菜上面，客人可以自己決定牛肉的生熟。湯底亦唔會太甜，建議大家一試。整體黎講，食物選擇多，可以試到唔同野食。

今晚朋友同我補祝生日🥳 佢帶左我來呢間位於尖沙咀河內道嘅味道樂居酒屋🏮 佢話呢度地點方便佢🙈 而且食物嘅整體水平都好高，仲有酒飲添🍻所以佢平時久唔久都會來呢度食飯/飲嘢😯店舖嘅裡裡外外都滲透出好濃厚嘅日本風格🇯🇵餐牌超多野揀🙊 串燒、刺身丼、小食、炸物、卷物、壽司、手卷、飯/麵、一品料理都有❣️仲有餐廳已經配好嘅二人餐揀添❗️原條成田醬炭火燒鰻魚飯 $138超多汁好Juicy😍大條又肥美，好厚身啖啖肉食得好滿足💕咁大條來講算幾少骨☺️而且d骨都大條，好容易剔出👍🏻 鰻魚汁調得好好，味道適中，唔會太濃味而搶晒鰻魚風頭😆整體來講，份量好大好抵食❣️滿滿幸福海膽丼$278好多海膽呀😍 仲要唔係細細舊果d海膽，係一大片果d 上等大海膽來❗️下層嘅吞拿魚茸都得好碎☺️加少少Wasabi➕豉油撈埋啲丼飯一齊入口非常夾💕另上嘅三文魚子大大粒晶凝通透，新鮮鹹香，用嚟撈飯食一流🤤飯嘅份量同埋刺身嘅份量幾乎係一比一🥰食得好滿足❣️火炙北海道帆立貝蟹膏卷$88卷入面包住嘅青瓜➕蟹柳～鋪喺面頭嘅蟹膏亦唔算鹹，味道唔重，所以冇搶走帆立貝嘅鮮甜味👍🏻芝麻雞翼（3隻）$68熱辣辣♨️新鮮即炸❗️香脆可口，皮脆肉嫩❣️芝士免治雞肉棒$5

呢間日式餐廳食物質素真係幾高質，唔怪得吸引咁多食客，黎親都係滿座，要訂位先唔洗等咁耐，佢地既刺身好新鮮，每樣都食得出刺身既鮮甜同新鮮既質感🥰🥰帶子刺身好大粒，一份兩粒，呢度既吞拿魚同三文魚都好正架😋😋之後叫左幾個串燒，有雞肉同雞軟骨，雞肉燒得外層好脆，肉質又唔會老，醬汁岩岩好！雞軟骨用鹽燒既方式，食落好脆口好正☺️仲有呢串煙肉荔枝卷，選用既煙肉唔會太大陣煙熏味，肉質結實。呢款芝麻雞翼整得好好食，都係皮脆肉嫩，仲帶少少辣味，上面既芝麻香口令整體增加左口感既層次🤤今次叫左杯梅子燒酒梳打酸酸地好開胃😋😋呢間餐廳係值得黎試多幾次其他食物的～眼見仲有好多未食到😂😂

週年紀念，朋友介紹此間居酒屋質素很高，於是一星期前預約。地置位於K11附近，N2出口行幾步就到，相當方便。鋪內格局擺設精緻，杯碗用具亦居有特式。打開餐牌，不禁被「滿滿幸福海膽丼」$258吸引。老公就點了鵝肝雜菌石窩飯$138、帶子刺身$58、油甘魚腩刺身$78、鹽燒特厚牛舌$68、金菇牛肉卷$68、芝麻雞翼3隻$58。首先先來刺身，帶子大大粒，鮮甜新鮮，油甘魚腩爽身，厚切、甘香。一見到好多海膽，心裡‘嘩’左一聲，毫無入手舀飯，於是先將海膽夾在碟上，把吞拿魚撈均，一啖飯內有吞拿魚、三文魚籽加海膽，海膽鮮甜，冇腥味；三文魚籽粒粒分明，脆口彈牙。真係何其幸福😋😋胡椒炒雜菌做底，一上菜已經好香飯粒粒分明，鵝肝香脆，內軟鹽燒牛舌好驚喜！厚切令咬感一流！爽彈之餘，醃料恰到好處，加埋檸檬汁，更特顯味道！雞翼炸得香脆，咬開流汁、好juicy牛煎完一點也不韌，金菇索哂牛肉汁味今餐為週年紀念，作個完美回憶，每樣都好好味！

對日本菜有情意結，間唔中就會想回味一下日本既味道同感覺。呢間居酒屋設計用心，餐廳裝潢以木材為主，店內掛上小燈籠同埋擺放左各款清酒瓶、玩具擺設等，別有一番風味。火灸左口魚邊(兩件) $48左口魚魚肉彈牙，燒一燒表面令油脂更甘香馥郁，愛吃油份高魚類既朋友大推薦！海膽壽司(一件) $38要分海膽新唔新鮮，第一步就係睇吓佢有冇溶化既徵狀。壽司上既海膽色澤鮮明、肉質飽滿，唔蘸豉油先試一片原味海膽，食得出海膽既甜味，食材咁新鮮，抵讚~火炙北海道帆立貝蟹膏卷 $88蟹膏真係蟹味既精華所在，味道較濃。相對黎講帆立貝味道較淡，厚度適中。卷物餡料係蟹柳同青瓜，整個配搭相得益章。鹽燒厚切特上牛舌(兩串) $68呢樣野係我每次食日式串燒必點既！牛舌肉興嫩滑，咬落爽口，加上少少鹽調味再燒至微微焦香，食之前灑上檸檬汁中和肉既油膩感，讓人一吃愛上。牛肉壽喜燒 $98鍋物加上大量娃娃菜、洋蔥、大蔥等熬煮，味道帶甜。牛肉舖滿表面，再打上一隻晶瑩剔透既雞蛋，鍋內配料仲有冬菇、苟蒻麵等，好足料。底下有個火爐仔保持加熱，同朋友一邊傾計一邊慢慢食都唔需要擔心食物會凍曬~牛油香煎銀鱈魚 $168鱈魚係連埋個好熱既鐵板一齊上菜，表

上次試過LUNCH 後, 今次黎試下DINNER~我地冇訂台, 行到黎先知好多人訂左台. 好在重有位咋~帶個FD WALKIN 即興黎試~好想食赤貝. $98 2只. 呢個好似細只左D, 我EXPECT 呢個價錢會大只D~唔夠厚身~灸燒左口魚邊壽司. $48 2件.呢個好味, 灸燒完D 魚油出哂黎, 勁香~入口即溶.芝麻雞翼. $58 3只.. 隔離台上左個串燒雞翼先後悔叫呢個.我地冇冇到串燒個頁..LIKE FB 同OPENRICE 可得黑松露醣心蛋, 位上..朋友冇OR ACC 就冇得食...SO SAD!我既主菜. 滿滿幸福海膽丼. $258.呢個係貪心人必選, 因為佢有齊海膽, 魚子, 吞拿魚蓉3款野..好吸引!! 不過...個日D 海膽麻麻地..><我成日驚叫全海膽既野就係驚中招. 但呢個都有其他野配搭.朋友叫既炭燒鰻魚飯,$128朋友話咸左D. 同埋好大份, 食到尾已頂唔順, 食唔哂呀!我覺得呢度LUNCH 抵食D~ 同埋送醣心蛋呢個方法, 好多餐廳都只係LIKE FB 就夠.佢要BOOKMARK 埋OPENRICE.我朋友冇OR ACC 就冇得送..咁樣又

行完K-11 一出就見到呢間味道樂居酒屋，見裝修唔錯，就入去試下啦入面裝潢設計都好有日本風餐牌芝麻雞翼 $58剛剛炸好外脆內面嫩同軟 仲有肉汁添 加埋芝麻香口 大葱厚切日本煙豚腩 $58大葱我好勁鐘意食，呢一個咬落去中間爆汁都係第一次 勁正 個煙豚肉唔洗講野 半肥瘦你都望到啦 似食緊鴨胸咁 掂呀三文魚腩 $48睇相都見到肥美啦，無腥味油甘魚腩 $78油甘魚我既最愛，都係無腥味 鮮甜！仲厚切 勁滿足！帶子 $58帶子又係厚厚實實大大粒 呢個同友人搶食添煙肉櫻花蝦/芝士煙肉 燒日本播磨蠔 $100 講左個配櫻花🌸蝦先 好似唔洗錢咁 放滿係蠔到 一淡食落口 除左有勁多蝦味之外仲有蠔既甜味 完全唔腥！真係小小都無 呢個配合無敵必叫！芝士相比之下就普通左小小，不過都係正既！燒油甘魚餃 $128本人又係喜歡食魚既，呢條燒魚餃 唔算太油肉嫩 夾落唔散！讚呀(差不多係我一個人獨食哂）脆炸軟殼蟹反卷 $88卷物大致上都係咁 呢個軟殼蟹放左一段時間都無淋到 唔錯總結，估唔到係尖沙咀搵一間高質素既居酒屋！係到推薦比大家