一生懸麵

營業中

休息中

🏠一生懸麵 一直都見過好多唔同嘅朋友或者食評介紹過一生懸麵，所以其實bookmark左好耐，有一日終於的起心肝去排。果日好似係星期六日嘅晚餐時間嚟，嚟遠見到通菜街有條人龍都大概估到係佢了，等左都大概20-25分鐘，其中有個唔係幾好嘅小插曲係等嘅途中不斷見到有小強出現，都明白唔係店舖嘅問題，但都想提醒下排隊嘅各位，要小心🥹🥹 🍦花生醬味雪糕拉麵 $98 太多人討論呢間嘅雪糕拉麵啦，本人又中意食花生醬味嘅雪糕，所以就係柚子雪糕同花生醬味雪糕簡左後者~ 呢碗拉麵用左半支花生醬味雪糕，配上辛辣湯底，表面亦都灑上左大量花生碎。 因為太鍾意食花生味雪糕，所以喺上枱嘅時候都忍唔住"不"左一啖雪糕試吓，個雪糕係好好味，好濃花生醬味！跟住就試下碗麵，飲第一啖湯都幾辣下， 唔食得辣嘅我一飲完即刻要飲啖水🥵不過我諗枝雪糕嘅作用就係中和下咁辣嘅湯底，所以就撈勻左雪糕同拉麵再試一啖，可能我唔食得辣，我仍然係覺得好辣好辣😂同行比我食得辣嘅朋友都話覺得太辣，所以呢碗拉麵係唔建議唔食得辣嘅人嗌😂😂因為係會辣到食唔到...  🍜魚介豚骨沾麵 (清湯底) $79 因為我怕濃味會太咸，個人唔算係太重口味嘅人所以決定叫清湯版

雪糕係用想甜嗜甜🫶🏻 ✨花生醬味雪糕拉麵(期間限定)💰158💫評分: 7.5/10📝半個花生醬味雪糕同辛辣湯底，雪糕軟滑有花生碎，食一淡先浸落去，個cone仲係脆趁唔係點咗好多湯就要食，雪糕融入湯底似擔擔麵！碗麵有厚切叉燒、竹筍、半隻糖心蛋、椰菜、蔥，拉麵係比較粗身同有咬口，大概譚仔嘅十小辣，可以一試😋✨柚子雪糕拉麵(期間限定) 💰98💫評分: 7.3/10📝原本以為會好奇怪但係識落其實幾清新，好啱夏天食，柚子乳酪雪糕配柚子豚骨湯底，湯底微酸，乳酪雪糕偏挺身，食咗一半雪糕就撈入湯底個湯底酸度就啱啱好，仲有粒青檸可以再令湯底多啲層次，配料同上面嗰款一樣，多咗紫菜同火箭菜！一生懸麵 𝕀𝕤𝕤𝕪𝕠𝕦𝕜𝕖𝕟𝕞𝕖𝕟📍旺角通菜街73號地下(旺角🚇E2 出口行2分鐘就到)💫評分: 7.4/10💬叫咗2個小食唐揚雞(💰32)同雞軟骨棒(💰28)令到成餐更加豐富，仲叫咗啤酒透心涼🍻，旺角店星期六六點幾已經排緊長龍不過食拉麵唔會等好耐，覺得點都要試一次雪糕拉麵❣️其他分店❣️📍荃灣眾安街68號荃灣千色匯1期3樓3012號舖📍牛頭角牛頭角道3號得寶商場地下121號舖🏃🏻️再訪？🄼🄰🅈🄱🄴#一生懸麵 #ramenku

每次經過一生懸麵都見到大排長龍，今次專登早D黎到，排左20分鐘左右就可以入座。叫左一個「期間限定：花生醬味雪糕拉麵」$98。真係色、香、味俱全嘅拉麵，不枉咁多人排隊等位。雪糕係真係凍嘅雪糕，唔止係裝飾。湯底係辛辣湯底，加左雪糕同花生碎後，啖湯會creamy左，而加辣味都中和左，更加balance，感覺有少少似食緊擔擔麵。不過唔食得辣嘅朋友就唔建議食，因為辣味即使中和左，依然都係偏辣。

話說一直都bookmark左呢間好想去試，因為就係好想試佢個雪糕拉麵🤣 然後最近，我就真係走咗去試，諗住睇吓伏唔伏，因為見到好多人話好伏🤣 🧡柚子雪糕拉麵 $98表示以身犯險，食左個我平時一定唔會叫嘅湯底嘅拉麵（平時都會叫普通豚骨湯）要試就試到盡啊嘛🤣 我覺得好似無其他人講得咁伏首先我覺得湯底夠味，又唔覺太淡味，豚骨味重過柚子味，有少少柚子嘅甜味所以我又接受到🙆🏻‍♀️佢仲有個青檸喺入面，我諗有啲人話酸可能就係加左青檸？我都唔太清楚反正我就無加，所以都食唔到有酸味🤔🍦要讚嘅係我覺得個雪糕好好食，柚子味有，乳酪味都夠，又唔太甜，我覺得係似frozen yogurt嘅～ 但我個湯就無因為溝左雪糕而凍左，可能睇左佢個建議食法，本身就已經食左一半雪糕先撈埋淨底嗰一半落湯～撈左個味我又唔覺太奇怪，覺得成個湯可能就係多左啲奶味同埋杰身左少少～ 個麵無鹼水味，又入到味，我又覺得ok😚 同埋叉燒真係燒得幾好，炭燒味又夠，叉燒嘅質地又有多重層次，有肥有瘦又夠哂厚🤩唯一我覺得可圈可點嘅地方係浸雪糕筒落湯度食…我又唔覺浸完個質地會似腐皮，就係同平時淋左嘅雪糕筒一樣，我自己就比較prefer喺雪糕筒未淋之前食左

因為雪糕拉麵既熱潮店舖排隊既人龍不斷，想食又唔想排隊既，可以係傍晚6點左右到就可以避開人潮。雪糕拉麵花生味🥜既雪糕配辛辣湯底味道出奇好夾，雪糕平衡左辣度，湯底更濃稠，炙燒過既豚肉肥瘦平均，覺得半熟蛋稍熟過頭，建議雪糕筒快手食，因為浸稔左就唔會想食。柚子雪糕拉麵期間限定款，🍊桔味雪糕配柚子湯底，好清新好岩係炎炎夏日食，桔味雪糕味道好出酸酸甜甜忍唔住就咁食左。有塊青檸，再唧既話就會偏酸，唔太好酸既話就唔好再加啦。其他補充以拉麵價錢黎講，性價比高，所以都經常食。除拉麵外亦有沾麵，海老沾麵滿滿櫻花蝦都好吸引，下次目標就係佢。小食方面就平平不錯，唔算有太大驚喜。💕歡迎FOLLOW IG📳na.foodie_tour