莆田 (PopCorn 2)

營業中

休息中

金湯佛跳墻上枱時比想像中細碗但好足料，入面有齊鮑魚、海參、魚肚、瑤柱、雞、鵪鶉蛋、菇等等。湯汁望落濃稠，但飲落完全另一回事味道好濃縮好似將所有材料精華溶合係一碗水，唔係用芡汁溝出嚟。材料食落新鮮同有味並非湯渣，一試無妨！🍲鮑魚辣椒小炒肉唔食得辣記得小辣！先講鮑魚，一隻鮑魚切成薄片大概有十片，雖然好薄片但係食落好彈牙一啲都唔韌，口感一流！五花腩🥓同辣椒🌶️呢個經典小炒肉嘅配搭無得出錯。廚房好貼心叫咗小辣特登將啲辣椒籽整淨小小，唔會辣得太過分，賣相唔係特別靚但係都尚算足料。莆田荔枝肉莆田招牌菜荔枝肉，呢個係一個重水果味版咕嚕肉食落冇乜荔枝味，但個肉炸得好味，甜甜酸酸好開胃。仲有青瓜蕃茄青椒同原粒荔枝伴碟好refresh！石鍋滑豆腐鹹香炸玉子豆腐好啱撈飯！上枱嘅時候仲係好熱，炸豆腐加埋雞蛋配埋鹹鹹香香嘅XO醬好啱餸飯，蝦只係配角，記得要襯熱食！用餐環境舒適寬敞服務周到，店員見我哋叫咗咁多嘢食即刻轉咗張大啲嘅枱比我哋。有別於其他餐廳，莆田提供嘅係枸杞菊花茶飲落好清香🫖。但可惜食物太重味精，食完要飲好多水。

星期日有時晏起身，我一家通常都去莆田食下午茶。莆田荔枝肉莆田荔枝肉好似廣東菜嘅生炒排骨,廣東生炒排骨用豬排骨和菠蘿,而蒲田荔枝肉用豬肉和荔枝做配料,酸酸甜甜,肉質入口鬆化,非常醒胃好味。莆田百秒黃花魚莆田招牌菜：百秒黃花魚熱辣辣上檯,魚香撲鼻,奶白色魚湯非常之鮮甜,黃花魚肉好嫩滑。黃金荷葉包黃金荷葉包酥炸脆皮,餐廳供應手套和刀义,將荷葉包拆開中間放入肉条和洋蔥,入口好有層次感肉味香濃荷葉包味似中式咸煎餅嘅味道,非常好味。石鍋滑豆腐熱騰騰嘅石鍋滑豆腐,啲豆腐係石鍋中滾動非常之吸晴,石鍋除咗有豆腐之外，仲有一啲蝦肉碎,豆腐嫩滑，蝦肉彈牙好食。福州紅糟蝦紅糟蝦一上枱全碟紅噹噹再加幾片酥炸薑,好有節日氣氛,紅槽蝦用香酒煑,有微微嘅酒味,蝦肉彈牙鮮甜美味。傳統海蠣煎莆田依家做緊海蠣節，呢碟海蠣煎跟潮州煎蠔餅相比，餸料勁多！蠔和香葱佈滿哂個海蠣煎。

中午二人去食左個午市頭等餐，價錢相對較吸引，食物都較岩個人胃口。荀乾不會太乾，甜甜的，還有小火令食物不會變冷，暖暖的，如送飯一流，或留一些來送米粉。扁肉湯是我最愛！ 😍細細粒，皮是煙煙韌韌的，連湯吃，口感更豐富呢～荔枝肉完全俾佢個名fake左，全碟好慶幸地有一粒荔枝肉咁多，全是肉，都不太吃到荔枝肉的香味。炒米粉是愛人最愛，我就覺得普普通通的，可再炒得更有穫氣。苦瓜是略微煎過，不太苦，挺好吃的。甜品簡簡單單，清甜，好吃！整體來說不錯，價錢比以前散叫抵食，份量都夠飽，尚算滿意。

之前食過莆田一次，因為小食炸紫菜好好食，一直都想再食一次不過今次的小食係雲耳同醃漬小食，無紫菜有啲失望🙁莆田紫菜燜飯餐牌圖片只供參考燜飯的肉幾少，主要得飯同紫菜味道較單調，只有紫菜同鹹味，口感濕濕黏黏正常唔特別莆田荔枝肉醬汁酸酸甜甜好開胃，肉粒夠淋荔枝肉有2粒，好甜，帶有荔枝啫喱味，估計係罐頭荔枝(左上) 軟煎黃花魚本人很怕食多骨的魚 ，但魚肉都算嫩滑加上濃味汁，妹下妹下就食左好多如果有少骨魚選擇會更好😣(左下) 糖醋皮蛋甜甜的皮蛋爽口彈牙，不錯的小食肉鬆茄子茄子炸得鬆脆因為茄子唔多，唔太食到茄子味相比其他菜，較單調乏味

第一次去莆田，Popcorn 果一間食晚飯，因為米芝連的排頭，有點期望，結果係名不虛傳👍，沒有失望。一坐下來，即送上龍眼肉，每人一少碗，小朋友最喜歡❤️上菜速度屬世界級，好似即叫即上咁，同步齊驅。第一碟最快出現係上湯時疏，菜有啲疏少，皮蛋就多多，味道👌接著招牌菜興化米粉，米粉很幼，料又多，炒得很香口。有米粉也有飯，來個馳名的包菜飯，一定要熱食，菜連飯一同食，很爽口。不能凍食，否則很濕。另一亮點，九轉小腸，唔鍾意的都話好食，因為沒一般腸既內臓味。同時用🔥㷫著，食落冇咁油。再來傳統海蠟煎，非常大碟，都要即上即食，點辣醬更香囗。酥炒芋芯都不俗，皮很甜，已經很飽，原來不能跟上一碟一齊點。肚子難同時消化。莆田荔枝肉，一大塊荔枝肉伴著，跟其他菜比較，有點平凡了。最後來一碗豆腐湯，清甜，很足料，豆腐沉晒底。價錢唔算便宜，但可接受，食咁多嘢，一千留下。