吞POT 雞煲火鍋.住家菜

營業中

休息中

今日同朋友去旺角行完街 兩個人都咁夾想打邊爐！即興搵左呢間吞Pot 雞煲火鍋🐥🍲 上到去已經見到有好多檯客 好熱鬧 好有氣氛 剛剛入座 店員就即刻比左醬料比我地調醬選擇都有好多 可以按自己口味隨意調配😋見到呢到招牌係花膠螺片雞煲！估唔到打邊爐都可以養生滋補☺️😋 因為得2個人，所以就叫左半隻雞養生一下！ 個煲勁足料 有好多螺片花膠 好唔客氣😛 雞亦都十分嫩🐥 一上檯個煲仲已經好香好濃配菜叫左呢個爆芝響鈴 3件 我鐘意食脆響鈴 所以放左3秒就夠🥰 入口好芝心 好驚喜呢個配搭！不過3件岩岩好 食太多既話就會膩～～ 打邊爐點可以唔叫丸呢 另外叫左份手打蝦丸好足料 有成6粒😋 好濃蝦味！最後為左健康啲啲 叫左個菜菜籃🤪🤪 菜菜藍 金抵食 有金菇、生菜、白菜仔等等 食完無咁有罪惡感😋😋😋😋

天氣乍暖還寒， 但係仍然無阻香港人熱愛打邊爐嘅程度， 今日就去咗旺角 吞Pot食雞煲。重頭戲雞煲就叫咗一個滋補螺片花膠雞煲 $298，一上嚟 ，用殼一筆，就已經有滿滿嘅雞件。我急不及待要試下個湯先 ，飲得出質感好濃好厚， 有淡淡嘅豆味， 我估可能加咗椰奶或者牛奶 ，所以我湯好滑， 啲雞件我哋食到最尾都係食唔曬， 個湯仲有好多花膠同螺片 ，花膠煮到好冧，螺片仲依然好有咬口 ，個人嚟講十分推介呢個湯， 即使我哋加咗兩轉湯底個湯都冇太走味。另一個要推介嘅就係自製爆芝響鈴 $75有六件， 大大件放入湯淥三至五秒就食得。 頭一啖食落冇咩芝士， 以為中咗伏， 但係咬到落中間，啲芝士吧吧真係爆出嚟。雪花牛腩片$198 有十片，厚薄適中 ，擺落湯底拖幾拖就食得 ，牛肉味濃，齒頰留香。另外值得推介嘅就係 菜菜籃 ，啲菜好新鮮翠綠 ，$70蚊一籃有曬金菇，雜菇， 生菜同白菜仔 ，性價比十足。順便一提嘅就係餐廳做緊優惠，7七點半前埋單或者九點半後入座所有火鍋配料小食可享有半價。

難得7哥帶我食好西，一早就留定個肚，飲完早茶就等到夜晚🥴是日去726（對，大廈好似冇名嘅，就係彌敦道726嘅）。成棟大廈都係食的，唔同菜式齊全🤤 而且景觀開揚，地點就腳，旺角地鐵B出口一出上橋落橋轉彎就到 👏🏻為左避開人潮，就早啲食，點知原來有Early bird discount! 真係好好彩♥️「7半前埋單/9半後入座就有火鍋料及小食半價」（相影得有啲衰）其實晚市5半開門，2個鐘應該都夠食👍🏻Step1: 揀招牌雞煲定火鍋湯底黎得吞POT，梗係食雞煲啦！但淨係揀雞煲都花多眼亂🤨最尾揀左幾考功夫嘅胡椒豬肚雞煲 （半隻雞-$178）事後發現openrice 好似做緊全隻優惠，但點都食唔落咁多🤷🏻‍♀️，所以冇蝕Step2: 揀調味料（$12/位）Step3: 食雞煲！個煲一上爐已經係即食狀態，濃烈（但唔攻鼻）嘅胡椒味撲入鼻，口水直流🤤食落好滿足！豬肚夠厚身有咬口，雞肉滑嫩鮮味 ♥️♥️♥️ 快快手影幾張相已經係我嘅極限😂😂慰藉肚仔要緊Step4: 加水加火鍋配料-菜菜籃（$70）：大概有鮮冬菇、茶樹菇、金針菇、白菜仔、唐山菜-蟹子墨魚滑（$88）：鮮！實肉唔呃秤！不過兩個人黎講量多，刮到十幾粒🙈

大熱天時，朋友話想吃雞煲，身為邊爐迷的我當然奉陪，香港人打邊爐食雞煲無分四季是常識吧！整橦726號的大廈現已全都變成做食肆，位於第二高層的就是這間吞POT雞煲，想不到大廈狹窄的入口上面竟藏着這間景觀如此開揚的餐廳，舖面的坐位闊落空間感十足，更重要是餐廳沒有一陣邊爐的油煙味，抽風系統做得十分不錯。剛入座店員就放下一大盤調味料讓我們慢慢”混醬”。我地點了胡椒豬肚雞煲，一上菜先喝幾口胡椒豬肚雞湯，味道充滿香濃雞的鮮味，清甜而不油膩，加上剛好的胡椒味，帶點辣又不會太嗆喉，我和友人都喝得停不了口！豬肚和雞件的份量很多，三個人也只是剛好吃得完，而且雞肉鮮嫩不似是雪藏雞，煲內更有我最愛的鮮腐竹，腐竹煮得入味，是整煲的精華！吃過雞煲已飽了一半，我地另外點了碟象拔蚌片，60幾蚊碟算是抵吃，而且食落亦爽口。蔬菜類我地點了碟萵筍片及菜菜籃，食材新鮮，特別是萵筍原本的清甜吸收了胡椒豬肚湯底竟是額外的鮮味。見餐廳重點推介其爆芝響鈴，當然也要一試。響鈴比一般街外的更大，浸過湯後食亦不失脆口，咬落滿滿的芝士還真的會爆發出來，果然是店內皇牌。黑豚豬腩片的份量多得驚人，而且有香濃豬肉鮮味。手打墨魚丸，食得出是人手製，鮮

一行幾人，有人想食雞，有人想打邊邊，咁食雞煲就搞掂啦！一雞兩味，一次過滿足兩個願望吞POT個名改得夠過癮，岩晒我呢啲翻工等放工既上班族一齊黎吞POT啦！門面有個大魚缸餐廳menu，選擇算多，而且有好多都係自家製野食未點菜之前仲有個調味盤比你混醬，唔似平時啲火鍋店要自己走出去搞胡椒豬肚雞煲半隻$148個雞煲一上枱打開蓋，就聞到好大陣胡椒味湯底清甜帶啲胡椒既辣味，冇得頂！啲雞肉好滑之餘仲吸收晒啲胡椒味，好好食西班牙頂級黑豚豬腩片$112$112估唔到個份量係咁多腩片肥瘦分佈岩岩好，食落黎唔會話好硬，啲肉質反而仲好鬆軟手打墨魚丸$72唔知係咪手打既關係，所以冇平時果啲咁彈牙，但食得出粒粒墨魚係入面自創爆芝響鈴3件$36響鈴一向都係我最愛，加埋芝士簡直令人難以抗拒！呢度嘅響鈴係自製，即叫即炸送上枱嘅時候仲係熱辣辣淥一淥就食得，芝士同響鈴配合得好完美，同平時食既真係差好遠象拔蚌片$62呢度嘅象拔蚌好新鮮，淥三四秒就食得，爽口香甜，正！菜菜籃$62本身驚食雞煲會好熱氣，所以叫咗個雜錦菜籃，估唔到份量多到咁，而且包括唔同嘅菜同菌類，配埋個胡椒豬肚湯索晒味，真係值得一叫！

一入門口就見到有風水魚，生猛。醬料自己調配，豐儉由人。款式ok多，名字得意，菜單上也附有解釋，清楚明白。麻辣雞煲，必食之選。凍檸樂，打邊爐必配。象拔蚌口感脆爽，鮮美。牛肉多汁，油脂分佈均勻，肥美。蔬菜藍一般，可以接受。蝦滑魚滑中上水平，可以一試。驚喜之選。一層層蜂巢狀似的冰豆腐，其小孔吸收了湯汁和醬汁，非常美味。埋單已經過了7:30，錯過了店鋪優惠（7:30前埋單或9:30后入座，配菜小食半價），下次會試下早點入座食！甘好ge優惠，咪走雞！

趁天氣仲涼涼地，梗係要繼續打邊爐啦！雖然我其實係一年四季都會打邊爐😂😂一出𨋢就見到呢個好有氣勢嘅魚缸！入到去環境都唔錯，唔會好多人污煙漳氣咁，枱同枱之間有足夠空間，坐得夠舒服。坐窗口位，見到復活雞😂望出去見到旺角街景，幾好view!今次就揀咗滋補螺片花膠雞煲，因為半隻雞都係＄158 ,但係啲食材就好似好名貴好吸引咁，所以就忍唔住叫咗呢個！呢個煲絕對冇hea你，因為真係有好多花膠同螺片喺裏面，啲雞又好滑，個湯仲好濃味，同朋友忍唔住飲完一碗又一碗，差啲飲晒成煲！好彩佢加湯係加豬骨湯，唔驚冇湯打邊爐！講番啲火鍋料，我覺得全部都好新鮮，特別推介芝爆響鈴！佢啱啱炸起熱辣辣脆卜卜，最特別嘅係佢中間有芝士，第一次食，好正！餃同丸都好多有特色嘅選擇，我就叫咗個手打香煎鵝肝蝦丸同蟹粉蟹肉雲吞，全部都真材實料，真係有鵝肝同蟹粉，好味！啲肉都好新鮮，叫咗一個肥牛同埋牛柳粒，好有牛味，牛柳粒好有牛味有咬口同埋唔會韌，推介！食完咁多肉，當然要食返啲菜，呢個菜菜籃好多款菜都有，仲擺得好靚好似一扎花咁，好有心機。總括來講，好滿意呢度嘅食物同埋環境，有機會會再嚟食過。

年廿九, 準備新年, 約左朋友上高一點既火鍋店, 有靘景, 野食, 寓意來年越搵越多, 越食越高級, 哈哈!  呢度23樓可以睇到晒成條旺角街及太子, 旺中帶靜, 而且成楝大廈都有其他食肆選擇, 今次我地揀左吞POT雞煲火鍋. 住家菜。胡椒豬肚湯底既雞鍋(半隻) $128, 湯底勁多原粒胡椒辣味夠, 配粟米清甜中和返吾會太搶, 雞件同豬肚都有胡椒味, 建議加湯打邊爐前, 可以試兩口原味湯底。接住就來 - 自創爆芝響鈴 6件$56, 即叫即炸, 店員還提我地盡快食, 可以先剩食香脆可口, 落鍋浸一浸, 內裡芝士溶化, 芝味入心, 最岩芝士控的我, 回味無窮。再來十全大寶丸 $128, 蟹粉墨魚丸, 黑松露墨魚丸, 黃金海膽墨魚丸, 香煎鵝肝蝦丸, 芝心牛肉丸, 款式配搭新穎, 新鮮冇雪味又夠彈牙, 其中芝心牛丸, 同鵝肝蝦丸我個人就比較喜歡, 因為丸心味道較濃。之後主打 - 牛三郎 $208 有雪花肥牛, 牛肋片, 牛柳粒, 剩係碟面已擺放得很吸引, 油脂分佈平衡既肥牛入口即溶, 爽滑味重既牛肋片, 牛肉味濃郁既牛柳粒, 厚切咬落多肉汁。蟹子蝦滑 $68, 蝦滑新鮮打造, 蟹子爽口, 落

忙裡偷閒真係件好事，忙得黎仲可以嘆到美食更加係賞心樂事，「吞POT雞煲火鍋·自家菜」位於23樓，可以一邊在高處飽覽旺角鬧市繁忙夜景，一邊食雞煲嘆火鍋。先揀雞煲或火鍋湯底，3-4人其實食半隻雞份量都夠，因為仲有大量火鍋配料都好味又特別，所以留多點空間俾其他美食。雞煲或火鍋都各有六款選擇，配料當然有牛肉、海鮮蔬菜等等，丸類及餃類尤其有特色，最吸引我是爆芝響鈴。點完雞煲及配料，店員會上醬料，自己調配合心水口味的醬汁用來沾火鍋食物，有八款醬料及豉油。我較喜歡生蒜及炸蒜，還有蔥花這類較香的配料，另外芝麻醬也好夾牛肉。雞煲黎啦，雞bb毛公仔好可愛，等食物時可以 selfie厄下like。胡椒豬肚雞煲（半隻） $128真正的雞煲到啦，有超多雞件、豬肚、粟米、枝竹、白蘿蔔及香菜等等，極之豐富。雞肉嫩滑有彈性，雞皮爽滑，雞件肥瘦適中。反而豬肚較韌，不過湯底有濃濃胡椒香味而不太辣，做得幾好。牛三郎 $208，有雪花肥牛、牛肩肉及牛柳粒。賣相吸引，鮮血色好吸引。牛肩肉較有咬感而且無筋位更易食，肉味濃郁夠香。雪花肥牛入口快要化開，牛脂香潤。牛柳粒肉味最重，加上厚切令咬感大增，好好趙口，仲要越咬越出味。十全大寶