Y Pasta

餐廳原來空間都頗大，裝修都清新。法式芝士浮台洋蔥湯 湯質地濃稠，帶有淡淡嘅酒味。佢仲附上一支小小嘅威士忌瓶子，話可以滴一至兩滴入個湯度，幾特別。整體嚟講味道令人滿意。麵包上芝士嘅味道較重。酥皮忌廉黑松露野菌湯呢個野菌湯非常杰，但我地額外加左酥皮就唔係幾夾啦。因為個湯好杰，再加埋啲酥皮，撈埋之後，個賣相好似一pat 麥皮咁樣，唔多開胃嘅賣相。味道就正常嘅。酥炸廣島蠔牛油檸檬乳酪意粉 意粉質地都幾彈牙爽口。但最唔掂係個炸蠔，炸到勁燶！炸到個皮苦苦地，覺得食完會擔心自己健康果種燶嘅程度。冇美味可言。至於個汁就係檸檬忌廉汁嘅味道，冇咩牛油嘅味道。普通。羅勒香草醬開心果仁烤菜手製寬帶麵 $153手製寬帶麵質地都OK，但係冇咩蛋香味，可能因為唔多夾個羅勒香草醬。好似食唔到咩開心果嘅味道。羅勒香草醬就正常水平。菠蘿小龍蝦薄餅薄餅質地薄薄脆脆，好似餅乾嗰種質地。菠蘿係直接將罐頭菠蘿放上去，冇烤過嘅效果。整體味道正常。環境： ★★★☆☆ 食物： ★★★☆☆ 推介指數： ★★★☆☆

係好運中心翻新後新開嘅西餐店，價錢當然親民過新城市廣場嘅店，係沙田西餐好選擇。我哋openrice book左7點，去到即刻入得，都唔滿唔洗排隊，環境舒服，每張枱相距遠，唔會好逼，基本上都唔會太聽到其他客人傾計講乜，而且有位嘅話都會比客人隔住枱坐，冇咁擠逼。掃qr code自助落單，意粉好多款應該有差唔多20款，可話咩味道都有，肉醬千層麵、冬蔭公意粉、檸檬意粉、墨汁意粉都有，仲有pizza、小食、好多飲品。我哋3個人，每人叫1個意粉，再share個pizza同薯條，佢啲意粉都幾大碟幾多，每個人都好飽。枱面仲有盞燈比大家，個氛圍特別好，影啲食物相都有feel啲意粉可以自選想要天使麵、意粉、扁意粉定係長通粉，意粉選擇多，乳酪 川味 伏特加 黑松露 明太子 海膽忌廉味都有，仲有戒指粉同寬帶麵，難怪店名都叫pasta。意式豬面肉卡邦尼蛋汁意粉 $148意粉份量都好多，加上卡邦尼同蛋汁，好飽，不過豬肉唔算多刁草檸檬煙三文魚意粉 $138檸檬意粉原來幾fresh幾好食，一啲都唔怪，煙三文魚都好嫩芝士牛肉醬千層麵 $148要用刀好似鋸扒咁食嘅千層麵真係第一次見，份量好大，一個人食晒真係未必得，入面超

沙田好運中心個邊都差唔多陸續翻新好咗，見佢附近多咗好多餐廳好吸引😆今次幫襯咗間日系裝修好打卡able嘅西餐，主打食意粉🍝，睇資料佢哋嘅意粉係來自本地香港手工意粉廠，有好多特別嘅手製意粉好值得一試🤩另外都有pizza同扒類可以選擇。賣相都相當唔錯~意粉都幾有咬口，除咗海膽仲有三文魚籽，每條意粉都有海膽醬嘅味道，但加埋三文魚籽食整體就略嫌鹹少少🤏🏻佢哋嘅pizza係薄底，上面小龍蝦細細粒咁，分量亦唔算多，另外菠蘿香甜多汁，整體好fresh，唔會太飽肚，唔洗擔心會食到濟🤓飲落唔算好濃郁但係好smooth，牛奶量好足，都有淡淡嘅抹茶味，岩哂唔中意飲太苦嘅人~😆乳酪味好出，飲落唔會太酸，同埋雜莓唔會有藥水味，份量都好大杯，最後飲唔哂🫢🤣一款好有秋天氣息嘅甜品🍁好大件蛋糕呀！整體食落似係普通cheesecake多過係basque cake🤣食落茶味幾濃，唔會好甜，質感都幾細滑，入口即溶；栗子蓉少少甜，同焙茶都幾match。