半熟工房 (已結業)

當晚，我們好幾個朋友到天后飯聚，食友妹妹送上購自 <半熟工房> 的小禮物給我！ 實在太客氣嘞！多謝她的心意！食飽飯，我好奇走到銅鑼灣駱克道，找找這間 <半熟工房>！ 原來這裡供應： 布雪、曲奇、芝士撻、芝士蛋糕、甜品、蛋糕...等！ 這些都是店子名物！為了保持食物新鮮及口感，我還是忍不住即晚走到希慎廣場地庫吃掉！原味布雪看起來好似忌廉濱，卻不是！ 雲呢拿忌廉滿滿的！入口芳香鬆軟，蛋味香濃，夾住幼滑細膩的北海道雲呢拿忌廉，整體甜度恰到好處！葉子派葉子外型的曲奇，簡單造型卻不失特色！ 表面香甜，千層酥的餅身鬆脆可口！

早兩天經過半熟工房就入去逛逛, 竟然比我遇見它: 葉子派....! 我之前到日本果陣都買過這種葉子形狀的食物! 而介紹葉子派的卡仔寫上 “由日本運送到港，每天於工房新鮮烤焗，保證做到《香、酥、脆》”, 感覺挺正宗的~ 就買一盒回味下吧~ 一口咬下去 入面係層次豐富的酥皮, 有多層次口感, 超酥脆, 而且牛油味好香, 味道不錯.. 葉子派上面仲佈滿粒粒楓糖, 令味道多了份楓蜜香味, 甜度剛剛好. 唔錯吖.

之前已經食過佢既半熟芝士蛋糕，超級好味，一試難忘，仲令我即刻有衝動寫番個詳細食評去表達一下～今日見終於有少少空閒時間 又再專誠去食多一次～今次依然保持超高水準～咬落去口感軟綿綿好creamy，質感好幼滑，食一件口腔都已經充滿芝士香～呢隻蛋糕之所以咁得我歡心。。係因為我真係未喺第二度試過有呢種口感既蛋糕～一咬感受到佢既軟滑。。誇張d都要講 瞬間係有種幸福既感覺超正！！仲有佢每件隋圓形的芝士蛋糕都會有條紙圍邊，確保蛋糕之間唔會黏起來，很細心呀！另外今日亦都係想試新出品：葉子派leaf pie～ 呢樣食物以往o係日本旅行時都見過～在當地應該係幾出名的洋果子～見到這個新出品的資料上寫了“由日本運送到港，每天於工房新鮮烤焗，保證做到《香、酥、脆》”～已經覺得好正宗＋好吸引了～ 一咬落去 口感好酥脆，真係幾好味，甜甜地～上面佈滿粒粒楓糖，好有楓蜜香味的～ 同埋重點係佢唔會好甜，甜度都係剛剛好～外型都好靚，成塊葉咁好特別～ 值得試下～