渝川菜館

營業中

休息中

灣仔近利東街有間樓上私房菜, 川菜款式多到你唔信👀四川涼麵😋😋😋😋😋咁多款最辣既一味, 麵條好爽口, 店員親自係面前撈醬, 又香又麻又辣, 係一款唔洗任何配菜都已經好好食既麵🍝蒜泥白肉😋😋😋😋😋絕對好食過譚仔, 超級夠濃!香麻泉水雞😋😋😋😋😋第一次食時完全驚艷到我呢個#麻控 的一道菜🤩 麻而不辣的雞肉嫩滑到一唔小心可能滑入喉嚨🫣見到表面d花椒應該都估到有幾麻啦, 不過食時都好輕易可以撥走花椒粒👌🏻水煮牛肉😋😋😋夠麻夠辣但牛肉唔算好嫩滑重慶辣子雞😋😋😋整體好入味, 炸得香脆而唔油膩~ 腰果比雞肉出色江津酸菜魚😋😋味道酸味重, 魚肉好散, 一夾就爛… 主要係食d粉絲同酸菜💰人頭收費$338 - 視乎人數可以選擇菜式的數量不同👆🏼例如4人可以選3款涼菜 + 5款熱菜🍲每人包括白飯一碗🍚 + 每枱炒菜一碟🥬全個餐牌有50款辣 + 18款唔辣, 多到眼花撩亂🤪愈多人食可以試到愈多菜式💓➡️份量好大, 每次黎都一定食唔晒雖然可以包走但其實都有d浪費🥺 建議定價可以低少少, 份量可以細返d🧐➡️餐廳只有熱茶同汽水提供, 如果可以有多d解渴飲品同解辣甜品就更好☺️

妹子愛吃辣，是個川菜迷，閒時會約一班辣友一齊試菜。雖然近年香港愈開愈多川菜館，但呢間喺廈門街唔起眼嘅渝川會所，多年來都係我辣癮發作時嘅必然選擇。渝川會所係按人頭收費，所以有時約唔齊辣友時，兩個人都照樣會去食，但人多的話，就可以點多幾味餸啦！不過兩個人食都唔錯㗎，可以點兩個涼菜，三個主菜，仲會附送一碟炒菜，都真係幾滿足㗎！我每次必點嘅係酸菜魚，唔好睇佢一D都唔紅，以為佢一定唔辣，事實上湯內嘅花椒、泡椒，令佢陰D陰D咁辣，但又非常過癮。湯底好好飲，但又一D都唔油，而魚肉又滑又唔腥，食到最後先食D粉絲，入哂味，超正！最鍾意呢間菜館嘅地方係，水煮、酸菜系列係可以添食㗎，啱哂大胃王朋友。多人一齊食嘅時候，我一定會提早預訂定蟹，因為佢嘅重慶香辣蟹真係食過番尋味，而且非常大份，雖然每隻蟹要額外加錢，但有買開餸嘅就知，咁嘅價錢有咁大隻肉蟹仲幫你煮埋，感覺非常抵！另外一味我幾鍾意嘅熱菜係虎皮青椒，比起其他肉類，可能唔係一個「抵食」嘅選擇，但呢碟完全唔起眼嘅尖椒，竟然係出奇地好食，一入口，係充滿住屋企永遠都煮唔到嘅鑊氣味，加上咸淡得宜嘅調味，係多人食時我一定會點嘅一道菜。多年前曾經因爲工作關係，去咗重慶幾

渝川係正！呢度係逐位計既，今晚一行二人可以揀兩個涼菜三個熱菜，菜既份量就睇人頭啦，人多會大份d，總之就實夠食啦。涼菜我地叫左蒜泥白肉同蔥油嫩豆腐。蒜泥白泥既蒜唔算多但好香，而肉係腩肉切片，切得夠薄，不過就唔係好嫩了，墊底嘅係芽菜，呢個餸算不過不失啦。而蔥油嫩豆腐就真係好正，豆腐當然係滑啦，蔥油好多，味道較得岩岩好，唔太鹹又有蔥香味，亦唔會搶到豆腐既味，配合得好好。熱菜方面，我地有重慶辣子雞，睇落去好似好辣咁，食落去係好惹味，唔夾辣椒就唔會辣到飛天；雞粒都唔算少，不過就乾左dd，用嚟送啤酒一流。我就忍唔住就咁食左少少辣椒同乾蔥，嘩！無得頂，香口得黎辣味慢慢慘出嚟，不過都真係好辣，大家量力而為。老實講，呢個蛋黃蝦就麻麻地，蛋黃雖然整整包住全隻蝦，不過蛋黃嘅鹹味同香味就欠奉，蝦既size亦都唔大。最後呢個泉水雞係是晚高潮，佢用左大量青花椒去煮雞柳，所以好香好麻，雞柳嫩滑入味，搭配瓜既爽口，令人愛不釋手，唔嗜辣嘅朋友就岩曬啦。

茶樓既feel，不過係私房菜，要提早book位晚市係人頭計算，$240一位，2個人就可以簡2個前菜同2個主菜份量都算多蒜蓉白泥——好普通，無乜令我有眼前一亮既感覺 同埋都幾辣，可能我食辣程度未到可以食川菜魚蝦干鍋——口感有點過干，不過味道幾香同吸引

環境類似私房菜，又話會員制不過我估係因應商廈嘅法列規定人頭$240，又限制住幾多個冷盤同熱菜係有啲唔多like不過食物係唔錯---指辣菜未入門口已經嗅到陣辣味水煮個香味真係好好食食到1條芽菜都無剩但係唔辣果D呢，就認真麻麻地如果忽然好想食水煮野，都有回頭！