渝川菜館

營業中

休息中

渝川係正！呢度係逐位計既，今晚一行二人可以揀兩個涼菜三個熱菜，菜既份量就睇人頭啦，人多會大份d，總之就實夠食啦。涼菜我地叫左蒜泥白肉同蔥油嫩豆腐。蒜泥白泥既蒜唔算多但好香，而肉係腩肉切片，切得夠薄，不過就唔係好嫩了，墊底嘅係芽菜，呢個餸算不過不失啦。而蔥油嫩豆腐就真係好正，豆腐當然係滑啦，蔥油好多，味道較得岩岩好，唔太鹹又有蔥香味，亦唔會搶到豆腐既味，配合得好好。熱菜方面，我地有重慶辣子雞，睇落去好似好辣咁，食落去係好惹味，唔夾辣椒就唔會辣到飛天；雞粒都唔算少，不過就乾左dd，用嚟送啤酒一流。我就忍唔住就咁食左少少辣椒同乾蔥，嘩！無得頂，香口得黎辣味慢慢慘出嚟，不過都真係好辣，大家量力而為。老實講，呢個蛋黃蝦就麻麻地，蛋黃雖然整整包住全隻蝦，不過蛋黃嘅鹹味同香味就欠奉，蝦既size亦都唔大。最後呢個泉水雞係是晚高潮，佢用左大量青花椒去煮雞柳，所以好香好麻，雞柳嫩滑入味，搭配瓜既爽口，令人愛不釋手，唔嗜辣嘅朋友就岩曬啦。