高興 (已結業)

星期日晚上想去觀塘搵d平靚正的cafe！記得好耐之前黎過呢度食，環境同食物都唔錯！適合聊聊天！所以就黎呢度喇高興應該出左名，黎到已經full曬，加上我地無訂檯，等左一等，就安排左我地坐bar檯！裝飾以老香港為主，會見到霓虹光管整的招牌同埋舊式髮廊的用品，都有打卡位韓式泡菜雞扒烏冬鍋每次黎我都差唔多係揀佢，一來比較平（$60），二來份量多，三來又真係幾好食！偏酸的泡菜，少少辣！雞扒好夠味，同埋有d菇襯托下，幾得！英式炸魚配粗薯條粗薯條會配有黑松露醬同蕃茄醬，我就喜歡點黑松露醬！而炸魚係大大塊，唔會太厚粉，反而魚肉好厚身！好好味！蕃茄湯肥牛烏冬鍋肥牛真係好足料，成碗都係，但就變成賣相好一般。而蕃茄湯唔夠多，好快烏冬就吸曬d湯，變得好奇怪

觀塘好多cafe好早收,難得呢間開得比較夜,收工即刻同閨蜜來撐檯腳~~~呢度D食物選擇都幾多元化,西得黎又日,滿足大家要求~~餐廳裝潢幾有玩味,黑黑地+霓虹光管,好正雖然食物份量唔算大,但對2個女仔黎講都ok~食少少正餐可以食甜品XDD我叫左個華爾道夫吉列魚柳沙律 平時D cafe 好少有華爾道夫,佢有之餘仲有埋吉列魚柳!!!佢D生菜好新鮮好爽,視覺上魚柳好似炸過火,但入口又剛剛好,加上有nuts同提子乾,成件事好fresh~令我有驚喜嘅反而係蕃茄湯肥牛烏冬鍋,首先佢用呢個鍋已經好過癮,佢D牛肉仲要多到睇唔到D面!蕃茄湯底好甜加上用左讚岐烏冬,所以好滑好彈牙,牛肉係打邊爐D牛肉,雖然"un"左少少,但整體係好食der~~~甜品黎講重點當然係pancake,諗左好耐最後都係選擇左玉桂蘋果pancake ~ 呢個pancake厚度適中,入口感受到厚實之餘依然鬆軟上面的蘋果肉切成條狀容易食仲好林好甜,連埋雪糕一啖送曬入口超滿足!佢最正係糖漿唔算太甜,可以更集中感受玉桂同蘋果的味道呢~~~~送上menu~

好開心見到香港愈來愈多小型cafe，岩晒我地放假可以真正地慢活一下。觀塘這一區真的有好多cafe，而且大部分都開在工廈裡。一早就約定朋友要黎哩間cafe，見到好多bloggers 都有推介，而且上網見到店內的裝飾都好有特色。我們晚上7點多來到，已經有好多食客在用餐，店員安排一張2人枱的給我們。我地張枱好近霓紅燈打卡位，好靚呀！等左10分鐘左右就有野食喇！哩個雞翼辣辣地好滋味，點埋自家製的醬汁好味道。雞翼炸得香脆而唔乾身，仲要隻隻都咁大。哩個蕃茄肥牛烏冬大大鍋$62蚊好抵食，蕃茄湯濃，烏冬好滑，吸晒d湯超正，仲有最愛既肥牛同菇。哩碟三文魚扒賣相好靚呀！最特別之處係用左燈醬，甜甜的和三文魚意外地夾，三文魚煎得香脆。朋友叫左杯凍士多啤梨朱古力。都幾大杯，飲左啖飲到香濃既朱古力和士多啤梨蓉，唔會過甜岩岩好！今晚黎既其中一原因就係想試下哩度既pancake。哩碟檸檬pancake 好可愛，碟子都好靚。我喜歡加入楓葉糖漿一齊食。軟軟的pancake 好食呀，覺得檸檬味好特別！

星期日無無聊聊搵野食，亂行之下搵到呢間餐廳。由於餐廳係位於工廈，所以我地夜晚8:00去到大廈正門已經落左閘，要由停車場入口入。入到餐廳即刻'嘩'左一聲，裝修超懷舊勁有特色😍未叫野食已經忍唔住係咁影相📸原來餐廳岩岩開左一個月左右，所以好新淨👍🏻我地叫左3樣野：1）蕃茄湯肥牛烏冬鍋 $62呢個烏冬好味👍🏻湯底好濃蕃茄味配稻庭烏冬❤️2）松露雜菌意大利飯 $70個飯正常味道，份量適中👍🏻3）抹茶拿鐵 $32比較多奶，抹茶味比較少，可以接受😊