The Tomato Story (已結業)

如果你都一樣熱愛蕃茄好像我我朋友，平日最喜歡飲蕃茄汁，食茄通，茄汁意，你一定要來試下，因為由飲品到主食，你都會找到蕃茄。 平日總要在memu找有蕃茄的菜式，今日可以任選了。結果我們今日叫了店家蕃茄飲品，燒春雞配芝士蕃茄飯，蕃茄天使麵，蕃茄焗雞塊飯。本人就是愛食蕃茄。蕃茄汁店家推介的飲料，一場來到當然飲推介的飲品，而不是咖啡或茶啦。店家話由台灣蕃茄制成，果糖本身就低。 飲落確不錯，特別是夏天，酸酸的十分開胃，而且裡面有少少蕃茄粒，清新。加上無加糖水及新鮮飲用，很健康黑松露溫泉蛋雜菌沙律在食主食之前，雜菌本身都是高纖食物，加上烤過及稍作調味，溫泉蛋汁絆在一起，又是健康之選。蕃茄龍蝦汁野菌天使麵天使麵，野菌，龍蝦汁，本身就是西餐常見菜式。加上蕃茄原來都好夾。而且麵好creamy, 配雜菌又不會太油。春雞配芝士蕃茄飯燒春雞與蕃茄又如何配搭?原來燒雞配茄醬又有種味，燒春雞本身就好食，茄醬是本身店家自制，裡面係茄蓉，加蕃茄粒。芝士飯，飯和芝士一起焗，焗到已經溶透，脆脆的與春雞十分夾。一口雞，沾一下醬再食，不錯。蕃茄焗雞塊飯由於蕃茄控太餓了，我地再叫了個蕃茄焗雞飯。這個平日餐廳都食到 特別之處是茄醬

盛夏天氣又熱又焗，仲要間中嘅過雲雨實在令人無心機，更無胃口。呢個時候好就係食返啲酸甜開胃嘅食物，放工經同事帶路，黎到呢間以蕃茄做主題，全天然無額外添加嘅餐廳，品嚐一下用60斤鮮蕃茄及蔬菜熬煮嘅茄湯。經典蕃茄牛肋肉長通粉。無額外添加嘅蕃醬果真更清爽，味道唔會過甜或過酸。牛肋肉慢煮而成，入味之餘咬落毫不費力，兩者味道一向都係咁夾。而杜蘭通粉食落煙韌帶麥香，混和蕃茄醬之後十分好味。鋪面嘅荷蘭小蕃茄飽滿多汁，入口爽甜令人印象深刻。蕃茄龍蝦汁野菌天使麵。有別於一般紅噹噹嘅龍蝦汁，原來係熬煮醬汁時無落任何茄膏調色調味，所以顏色偏淡黃但仍味道濃郁。醬汁稀稠度啱啱好，掛滿到每條麵條上面。荷蘭小蕃茄繼續清甜爽口，雖然食到尾先發覺係寛條麵，但厚身麵條更同龍蝦汁配夾。蕃茄特厚切豬扒焗飯。豬扒同樣用慢煮製作，咬落鬆軟。焗飯同樣以蕃茄湯煨煮，所以入口除咗飯香更有濃濃蕃茄香味。有時街外食嘅焗飯會覺得過酸，但呢個就酸甜適中，配上焦香芝士，真係零舍好味。整體茄味十足，因為標榜純蕃茄熬製所以食落都唔使就住就住，無添加更健康。 飯後行經太古商場份外感觸，但知道現階段未可以放鬆。路仍然很長但只要港人團結一定會見到雨後陽光。