華鳥風月 (已結業)

🇭🇰華鳥風月·海膽松葉蟹肉拖羅他他$288 l 香煎金鯛配粟米蓉$188呢間新開既居酒屋裝修幾靚 而且佢啲野食擺盤好靚 佢個蟹肉拖羅他他超足料 蟹肉份量好多 食落好鮮甜🦀之後佢面頭既海膽都好甜 不過我自己就覺得佢個拖羅他他本身個味道唔算好出 可能太多料啦🤣🤣之後佢個金鱗鯛真係煎到好脆 口感好好 而且魚肉仲係好嫩😍之後佢個自家製既粟米蓉都好甜 好粟米 再杰身啲應該會會掛汁啲🌽😙·虎蝦雞皮串$98 l 德島縣產阿波尾雞翼$48 l 燒飯糰$48秋葵$28 l 大葱$28之後佢個虎蝦雞皮串好出色 佢隻虎蝦真係好大隻 肉質好彈牙 而且都好濃蝦味 之後佢出面個雞皮燒到好脆 配埋入面既紫蘇葉好夾🦐😍😍之後佢個雞翼都燒到好脆 好juicy 而且大大隻啖啖肉🐤佢個燒飯糰都做得好出色 佢係燒到個面脆曬 好香口 配埋啲醬汁好夾🍙我自己就中意明太子個個多啲 因為辣味噌對我黎講有少少太辣🤭之後佢個秋葵同大葱就正正常常啦😎·鵝肝茶碗蒸$78 l 靜岡縣水果茄沙律$78 l 蕨餅$38之後佢個茶碗蒸上面真係有舊鵝肝 都煎得幾香 而且個茶碗蒸好滑 仲有啲鵝油都唔錯😎個沙律就正正常常啦 反而最後既蕨餅我覺得麻麻地 唔

日本菜一向予人感覺都喺高級啲，夠專注，用料靚，更喺不時不食。今晚同朋友嚟到銅鑼灣食廈Cubus嘅「華鳥風月」，嘆嘆特色料理、串燒，絕對喺高質嘅演繹。餐廳佔地兩層，而要到訪餐廳，喺要先上25/F，呢一層喺新派時尚嘅居酒屋，而落一層23/F（餐廳有專用嘅樓梯）喺附屬嘅雞尾酒吧，餐前或餐後落嚟飲番杯都幾唔錯。走進餐廳，非常摩登型格，一室黑、白、灰，裝修簡約，牆上嘅和風彩繪頓成亮點。左邊一排喺吧枱位，可以欣賞到師傅整串燒，而右邊喺餐枱位，適合較多人一齊用餐嘅位置。 而走到餐廳到尾，見到一面仲有個廂房，不過，睇到有啲客，唔太方便走入去影相，所以，遠距離補一張。另外，近門口，吧枱之上，放咗一大盤「是日廚師精選魚鮮推介」，師傅話喺由日本漁市場直送到港嘅海產，客人可以選擇唔同嘅烹調方式，當然，師傅都會提供一啲建議食法嘅。食日本菜，一向啲餐具都特別精緻，就算喺今晚咁摩登嘅居酒屋，啲餐具都一樣好靚，所有餐具、容器都以天然石材造成，非常有質感。此外，招呼亦好貼心、有禮，喺一貫日本餐廳嘅高服務水平。靜岡縣水果茄沙律 $78唔止海產，好多食材都用上日本貨，定價略高，但質素自然更有保證。簡簡單單水果茄、沙律菜，再

餐廳打通25/F同23/F，入口必須係25/F。兩層既service環境都好唔同，簡直係一條龍服務。25/F係日式食物，刺身，燒物，主食既，23/F係飲酒，cocktail，shisha，小食等。所以我都食完晚餐後，直接經店內樓梯落去chill。✨味道79分，環境80分，服務80分。.🔸靜岡縣水果茄沙律($78)蕃茄好甜，青瓜絲，羅馬生菜，醃製紫色蒜頭，落埋沙律醋，整體酸甜開胃。.🔸海膽松葉蟹肉拖羅他他($288)有紫菜提供包住高質刺身，最底層係拖羅他他，中間層係松葉蟹肉，上面鋪左薄帶子片，最頂係海膽，魚籽醬。.🔸鵝肝茶碗蒸($78)⭐️蒸蛋既水量控制得幾好，滑得嚟又唔會太水。底下有蟹肉，白果，表面有一小件鵝肝，鵝肝油香，配上簡單調味既蛋，令茶碗蒸整體昇華。.🔶燒物店員介紹鍾意食辣可以加埋師傅調製嘅七味粉味道幾香幾辣， 配燒物好夾！🔸虎蝦雞皮串($98)⭐️虎蝦手掌咁大，包左紫蘇葉，最外層包雞皮。外面雞皮燒得好脆身香口，虎蝦肉質彈牙新鮮，中間加埋紫蘇葉味道更有層次。🔸阿波尾雞翼($48)好嫩有肉汁，不過唔太入味，所以落七味粉味道更好。🔸秋葵($28) 🔸大葱($28)正常發揮，再燒稔多少許