私家廚房 (已結業)

裝修雅致、明亮，地方非常清潔，有水缸可以睇到新鮮海鮮。另外有包廂房，可以比客人開派對。辣酒煮螺🐚🌶（$168）辣酒煮螺，正到爆，啲汁充滿咗酒香，辣辣地，用黎送飯，好快就會成碗食晒！🤤螺肉非常彈牙，必然是新鮮貨物，沒有太多沙🤙🏻懷舊糖心皮蛋🥚（$58）皮蛋、漆黑色，味道香氣與別不同，聞起來震震幽香，黑色的蛋黃軟、烏色蛋白彈口，加上調味料，相當出色。這個小吃，令人食指大動！黃金炸魚皮🤩🐟（$68）用鹹蛋黃，香炸魚皮，極級邪惡，但非常好味。一定要叫！上碟之後，同女朋友不停爭食🤩，好快就清左一碟。果皮蒸大鮑魚（$48隻）新鮮鮑魚，本身已經去咗沙。沒有魚腥味、爽口彈牙，少少海鮮鹹香，用香蔥吊味，用筷子用力插入去，結實唔郁，可想而知有幾咁彈！廚師👨🏻‍🍳已經預先去取內臟、沙，可以安心大口大口食用！😄即叫即炒生炒骨（$118）梅頭肉、即叫即炸，唔會有腥味，不同於一般酒樓，預先炸好。這餐廳的生炒骨，咬下去會有淡淡豬肉香味散發出來，而且香脆可口。另外廚師使用新鮮菠蘿，並非罐頭，因此絕不會覺得膩。薏米水一大Jar，清熱解渴消暑食完同經理吹左陣水，餐廳重送生果、冰鎮新鮮菠蘿，好鬼正呀！

譽發大廈部Lift基本上都唔使點等，好快上到去餐廳。用餐環境好舒適，四個人的話基本上都係坐卡位，仲望住旺角嘅靚街景。而且，有半遮掩嘅窗簾，有充足嘅隱私度之餘又可以享受到侍應嘅貼心服務。薏米水 $68透心涼，又可以去水腫。而且，侍應仲會幫手將啲薏米撈出嚟，方便自由添加瑤柱海皇羹 $168非常熱辣辣，唔啱食main之前享用打下底，侍應非常貼心啊幫手分好晒個羹避風塘椒鹽大連鮑魚 $48 每隻 每隻鮑魚都鋪滿晒椒鹽粒，好入味，高質 薑蔥大連鮑魚雞煲 $198無論係鮑魚定係雞都夠入味XO醬爆雞球 $128 雞肉有好濃厚嘅XO醬味，加上鑊氣好夠 整體來講呢間餐廳嘅中菜都幾唔錯，服務到位，四個人一齊share食平均每位二百幾蚊左右，可以接受到嘅價錢。此外，我留意到呢間鋪頭呢起碼有三、四包廂嘅，應該都好適合一大班人，比如係公司聚餐過嚟食飯

同朋友出去旺角食野最怕去人多擠迫既地方。今個夏天又鬼死甘熱，我地4條友岩岩收工係旺角行左陣就身水身汗，淨係想快D坐低食野，HEA下吹下水。去食韓國野…排隊…去食日本野…排隊…去食放題…又排隊…救命啊！我地就決定人棄我取，你地班友食外國野，我地就食中菜，就比我地搵到依間「私家廚房」。沿住彌敦道大馬路行，好快就搵到譽發大廈，一睇就睇到「私家廚房」D廣告。唔知係因為未有人發掘依個荀盤，果然比我地估中無咩人排隊，所以好快我地就上到8樓歎冷氣食番幾味小菜仔。我地一出LIFE門，都唔知餐廳哥仔係咪有千里耳，好快就出來招待我地，仲安排我地坐卡位。成間餐廳都以白色同木系餐枱為主，仲有幾個小包廂仔，卡位就會有窗簾，環境真係幾好。一坐落去哥仔就拿拿聲比茶﹝飲落去有點普洱 + 另一種茶？ 好特別﹞我地飲，仲拿左本好厚既餐牌來比我地研究研究。我地一望真係睇到眼都花，鋪仔細細多菜式多多，仲要唔係平時食開既中菜名。哥仔可能見到我地睇到眼朦朦，就介紹左我地幾味，好似 避風塘炒蟹、豉汁蒸蟠龍鱔、好搞嘢啫啫通菜煲。雖然哥仔介紹完，甘我地做人都要有主見既，甘我地4條友仔就叫左：懷舊溏心皮蛋﹝$58﹞薑蔥鮑魚雞煲﹝$198

▫️薏米水 (HKD 68)🌞連續幾日35度，所以一上黎就即刻要左一jar薏米水，淡淡地唔會好甜，夏天飲就岩哂啦～⠀▫️薑葱麻香撈爽滑魚皮 (HKD 68)🐟好適合做餐前小食，魚皮好爽👍🏻夾埋薑葱 辣椒大葱等一齊食好正，麻油香令到爽滑魚皮更正，仲有啲花生🥜增加口感，不過味道淡左少少⠀▫️老輝造法砵子焗魚腸 (HKD 168)砵子睇落好懷舊FEEL，上面係油炸鬼而下面係魚腸蒸蛋，夠濕嫩唔會太乾。每啖都有魚香味，第一次食覺得口感幾特別⠀▫️XO醬爆花枝珊瑚蚌 (HKD 188)足料大大碟，花枝珊瑚蚌食落冇雪味，係西芹硬左少少⠀▫️冰鎮菠蘿船❄️🍍⛵️最後老闆仲送左冰鎮菠蘿船比我地，菠蘿好新鮮好甜，凍凍地岩哂飯後食⠀▫️座位⠀▫️Menu

今日約左舊同事I去旺角行街，同佢好耐冇見，一見就雞啄唔斷XD行下傾下，眨下眼就已經係晚飯時間。I話平時我地見面唔係食西餐就係食米線，今日不如食小炒嗰類中菜丫，於是乎我地上openrice睇餐廳啦，見到私家廚房貌似唔錯，就決定食佢。Staff都好好，主動推介佢地有咩招牌菜，環境都幾舒服，唔會好逼好焗促。我地叫左海葡萄日式麻醬冷豆腐（$78）濃郁嘅麻醬配上清涼軟綿嘅豆腐，係一道夠曬透心涼又開胃嘅前菜！鄉下佬炒雜菜（$118）同椒絲腐乳通菜（$88）我鐘意前者個汁多d，好惹味！但兩者都係菜夠新鮮、鑊氣十足，叫兩碟菜係因為我地有感身為都市人，平時食得太少菜喇XD薑蔥大連鮑魚雞煲（$198）鮑魚煮得夠腍夠入味，雞肉鮮嫩柔滑，正呀！飲品我地揀左自家清熱飲品（$68）是日飲品係薏米水，啱曬我地可以去水腫XD估唔到旺角商業大廈都會有呢種咁好食嘅小炒中菜，下次可以同男朋友一齊食！

因為朋友推介上黎試下食呢間私房菜，上到黎見到細細地 真係好有私房菜feel 裏面有細房 想招呼朋友自私傾計可以上黎 我同朋友喺廳食飯 一樣傾得好開心天氣真係好炎熱 上黎就即刻要左一jar 薏米水 因為平時自己喺屋企都會煲下薏米水 見到呢度既薏米無炒過先煲 咁既生薏米會偏涼 但係唔怕既話 夏天飲就好好清熱去濕啦 薏米水顏色好靚 足料之後嗌左個黃金炸魚皮 真係幾好食 因為新鮮炸出黎 拎出黎仲係新鮮熱辣辣 真係好爽 覺得鹹左少少 但係如果送酒就一流啦 呢個魚皮真係 你七仔買嗰啲就算啦食完魚皮就上左個粟米羹清一清 粟米羹好清甜 唔會感覺好味精 而且落左魚肚粒 令到件事無咁無聊 口感豐富左 喜歡～雞 感覺都唔錯既 呢個雞都算滑 見到呢度既雞好似係本地農場揀過 見到都好新鮮 因為我係蔥既重度愛好者 所以稍嫌蔥味唔夠 但係同台既正常蔥人都話好好好好好食 所以應該對於正常蔥星人黎講 係啱啱好既 跟住係我既摯愛 生炒骨 超！級！好！送！飯！食一食即刻重左三十斤 但係真係好好食 入面係用新鮮菠蘿炒 所以酸酸甜甜既感覺剛剛好 而且好清新 肉質好好 所以好喜歡魚新鮮程度唔錯 而且我地坐喺魚缸前面 望住啲蝦蝦魚