L'attitude (已結業)

收工忽然想到去西環老居揾下新野食，於是上網睇睇有冇新發現，揾到尼間L’attitude cafe有D造型幾得意既飲料同甜品，加埋佢地既主食都幾大份下，老婆睇完都話有興趣，於是決定黎幫襯一下順便打卡。黎港島西比起以往確實方便得多，除左有地鐵之外，繁忙時間還有特快巴士直達，以後唔一定再局限去尖沙嘴或銅鑼灣區了。Cafe位置在西環最旺之卑路乍街中很容易便找到，舖面空間不算特別寬敞，但近大門位置設有一排倚窗high chair，內裡亦有部份長櫈劃為梳化位。甫進店內會感受到一份濃厚既少女風情懷，隨處都不難發現造型可愛既公仔擺設(兔子叫Tokki及熊仔叫Remi)與及咕𠱸，頭上的燈飾仲係一團團既浮雲，最岩成班女仔聚腳飮下野同傾計既地方。若果眼利的朋友更會發現到水吧近咖啡機旁有一對長長既啡色熊仔大耳朵，行近一點睇原來正正是Remi的大figure，別緻得帶點兒萌氣。食物方面基本上有cafe常見既意粉、Risotto或者burger系列之選擇，我地點左明太子炸軟殼蟹忌廉汁意大利麵，另一個主食為烤牛肉burger，最緊要係點返杯藍柑奶昔特飮呃下like。用上完整一隻軟殻蟹既明太子意粉，蟹身即炸來得乾身份

今日難得咁開心，去左一間睇到門口都令人充滿童既主題餐廳食飯，去到門口見到櫥窗見到三隻公仔排排坐等食，相當鬼馬！最岩一家大細去。入去到見到大大隻熊仔，如果小朋友見到瘋狂攬住隻熊仔。成間餐廳都棉花糖既吊掛裝潢，令人覺得好童話夢幻。坐底之後開始睇下有咩食，餐牌都十分夢幻，實在花多眼亂！之後黎左個外藉既侍應姐姐幫我地落單，我以為要講英文落單，原來對方係操一口流利廣東話，仲好好笑容！以下就係今晚既晚餐。藍柑奶昔 Sweet Dreams杯野飲一到我同我另一半好似小朋友咁好開心笑上黎，首先係一舊好似雲既棉花糖咁，上面有少少好似山渣碎，侍應姐姐都好細心，早已幫我地預備碟仔，方便可以將個舊雲空降係隻碟仔上面。棉花糖味道唔太甜，份量都相當足夠，兩個食絕對岩岩好。到砂冰部分，唔太水，食到起沙既感覺，味道似波子汽水。唔錯，奶昔質感夠幼滑，唔好有空心感。藍柑加埋奶昔既甜味，味道好獨特！羽衣甘藍配蕃茄湯　以賣相黎計，呢個餐湯係行緊精緻路線，精品。碟外面有紫薯蓉配紅蘿蔔蓉，比較少餐廳會用呢兩種食材做配搭。但味道出奇地好食！其次羽衣甘藍配蕃茄湯都相對少見，但以一個創新料理非常成功，羽衣甘藍方面經過有少少烘焙過處理，

同朋友去西環影相，之前做定功課，上網睇下邊度有好嘢食。搵到呢間，好夢幻呀! 公仔主題餐廳仲有特色飲品餐廳門口頂已有兩個公仔爬出嚟歡迎我哋，玻璃門也畫上公仔，夠曬吸引。入到去，餐廳播放悠揚歌曲， 天花頂吊住幾朵棉花糖白雲，地下放有一個大熊仔，牆上貼上趣緻公仔頭，仲有毛公仔陪住你食嘢，充滿夢幻氣氛叫咗羽衣甘藍帶子扁意粉， 附送沙律，例湯，飲品。 先來沙律，好新鮮嘅沙律菜。南瓜湯隻色好靚呀! 好濃郁! 羽衣甘藍呢期大熱，梗係要試下，帶子煎得微黃，扁意粉煙韌度恰到好處，醬汁濃厚順滑德州燒烤牛肉漢堡，有沙律菜同薯條。 我哋加咗$18升級黑松露薯條。漢堡包好足料，有生菜，蕃茄，煙肉，洋蔥圈，梗係唔少得厚厚嘅牛肉，漢堡扒帶着好香燒烤味。最期待嘅棉花糖飲品出現啦奶昔上面有一大球棉花糖，呢個一定係相機食先啦，我哋瘋狂咁影咗好多張靚相加$28 除咗飲品可以轉以上嘅特色飲品，仲附送雪糕，成杯雪糕份量十足，唔會話鬆泡泡嗰啲，雪糕好滑溜一間餐廳，滿足曬五感(視，聽，嗅，味，觸)要求下次要試埋尖沙咀店。

今日又係堅尼地城做嘢，心思思又想去”L’attitude “晚飯，嗰度啲食物擺設精緻而且價錢不太貴，經過間舖見到一舊舊雲好掛住佢杯奶昔，一於入去探下佢😉泰式生蝦刺身生蝦新鮮鮮甜夠大隻，點上少許辣汁非常惹味巴馬火腿配蜜瓜巴馬火腿鹹鮮有咬口夾在香甜蜜瓜食得好過癮法式龍蝦湯龍蝦湯味香濃厚身細滑法式香煎銀鱈魚銀鱈魚嫩滑無比，魚油在口腔久久未散，配上少許魚籽簡直是畫龍點睛，酸味味的醬汁零舍開胃黑松露海膽意大利麵黑松露醬汁掛在每條意大利麵上，意大利麵軟硬適中，海膽鮮甜入口即溶😋藍柑奶昔藍柑奶昔見到就興奮，可愛的棉花雲真係唔捨得破壞佢🤩軟綿綿的奶昔多多都唔夠飲百香果綠茶百香果綠茶賣相像啤酒😆味道清香不太甜陶氣蜜糖多士厚厚的多士外層脆卜卜，牛油蜜糖味濃郁，暖暖的一粒粒軟綿綿方磚夾上香滑雪糕，無得輸👍🏻🎉