丼燃食堂

營業中

休息中

好耐無去旺角唔知食乜好，見網友推介呢間就試下吧！賣相無乜特別，再睇睇個名，叫虎燃丼，咦？我係咪應該揀要火灼🙈不過唔緊要，味道是ok的，有4條蟹柳，3片三文魚，3（2？）隻蝦，聽落好似唔係好多，但都叫對得住個價錢

本人很喜歡吃丼飯，路過見到就嘗試了呢間，發覺價錢不太貴，性價比幾高👍🏻。✨虎燃丼（$68）食物有三文魚、蝦🦐、蟹棒、蟹籽，可以選擇火炙的做法🔥。醬料可以選擇海膽醬、明太子醬、蜜糖芥末醬、芝士蟹籽醬，我揀了海膽醬。幾好食，會有興趣下次試其他丼😋，上菜速度都快。

同老公出開旺角買新屋裝修材料，難得掟低個女，當然要食好啲，上openrice search倒呢間人氣丼飯店，一於去試試！雖然只係12點多啲，但餐廳已經七成座位滿，食到一半已經開始要等位。本來想試蟹丼，但lunch價格實在太吸引，所以最終叫咗2個午餐丼。- 虎燃燒可以選擇炙燒，我怕食食就選擇咗炙燒，有4種醬可以揀，我揀咗海膽醬。有4片三文魚，3隻蝦，4條蟹柳同蟹籽，份量ok!  刺身ok新鮮，海膽醬亦好惹味，配搭得好好。-海鮮丼由三文魚、三文魚腩、時令魚、帶子、蟹肉和少量蟹籽組成，呢款都可以揀炙燒，但老公比較鍾意全生，時令魚今日係吞拿魚，啱晒老公心水，帶子鮮甜，可惜得一粒，蟹肉份量唔多，但完全對得價個價錢！下次經過要再encore，試吓其他唔同嘅丼先

見可以OpenRice落單就揀咗呢間外賣！外賣嘅包裝都有啲心思！個外賣袋幾好睇 而個外賣盒令個飯睇落好似罐頭🥫🤣-虎燃丼有三文魚.赤蝦.蟹棒.蟹籽！仲有4款醬可以揀同要唔要火炙兩個飯分別揀咗明太子醬同芝士蟹子醬-味道係唔錯嘅 但外賣份量就係勁少食完一盒係完全唔飽 輕食咁🙈真係食兩個先覺得有飽肚感

位於旺角花園街嘅「丼燃食堂」主打日式刺身丼物，提供多款創意丼飯、卷物及小食。餐廳自2021年開業起，憑著無限創意、食物質素同親民價格，迅速成為旺角人氣小店，而家依然經常全場滿座🔥———「井撚食堂」… 呀唔係，應該係「丼燃食堂」先啱。啱啱想講，呢間丼飯專門店實在出色，153自己外賣食過一次之後對佢念念不忘，決定堂食再訪。———❝ 虎燃丼 | $68呢款丼飯雖然價錢唔貴，但係份量十足，有三文魚 (3片)、蝦 (3隻)、蟹棒 (4條) … 仲有數唔完嘅蟹籽。丼飯食材豐富，但153個人覺得個醬先係精粹。今次揀嘅明太子醬非常惹味，食晒成個飯唔使點豉油都仲得😍評分：8/10———❝ 海鮮丼 | $78海鮮丼就更加豪華，刺身用上三文魚、三文魚腩、帶子、蟹肉及時令魚，每款都非常鮮甜。153最鍾意各款刺身炙燒至微焦，食落非常香口。不過唔食火炙刺身嘅朋友，落單嗰陣唔揀呢個選項就可以了。評分：7.5/10———*以上兩款丼物均為午市限定食品（星期一至日，12:00 PM - 5:30 PM）。 餐廳另外提供自選丼物（可以自由配搭刺身）以及多款特色丼飯，價錢由$118至$248不等。最後差啲唔記得講… 丼燃食

靚靚打卡丼飯！之前喺網上見到好多人介紹呢間食堂，有好多款人氣丼飯。午市定價比較親民，性價比唔錯。靚啲、比較高人氣嘅丼飯就可能貴少少，今次我哋兩款都試吓，其實午市同主餐牌嘅丼飯都好好味，個人會鍾意價錢抵啲嘅。虎燃丼$68- 入面有三文魚、蟹棒、蝦同埋蟹籽，我揀咗火炙同埋明太子醬。丼飯暖暖地，味道偏酸，同明太子醬加埋魚生都好夾，分量合理，火炙之後更加香。推介！乜蟹都有丼$138- 打卡一流兼且材料豐富，有蟹蓋、蟹鉗、蟹棒、蟹籽、蟹肉、蟹膏，朋友揀咗海膽醬，佢話醬汁同蟹味唔會搶咗大家嘅風頭，都幾好味。蟹蓋用嚟打卡為主，入面好乾淨冇嘢食嘅。如果budget夠嘅話，呢個蟹飯都會滿足到鍾意食蟹嘅朋友。桂花冷泡茶$10- 茶味偏澀，蓋過咗桂花香味。

因為睇錯咗沾麵店位置，咁啱遇上口袋食店嘅丼燃食堂就二話不說走入去試了🤣午餐價錢都算合理，選擇都多👍🏻.虎燃丼仲有4種唔同醬料俾人揀，款款都好吸引咁(˶‾᷄ ⁻̫ ‾᷅˵)今次揀咗海膽醬加火炙，丼入面有三文魚、甜蝦、蟹棒、蟹子，三文魚經過炙燒後魚油香更突岀，而且冇筋，甜蝦都好鮮甜，刺身質素合格💮不過海膽醬份量稍為少咗啲，海膽味唔算岀😗.丼飯可以加$10配冷泡茶，白桃冷泡茶同桂花冷泡茶飲落都好清爽唔澀有淡淡茶香👍🏻👍🏻👍🏻-🐯虎燃丼 $68🐟海鮮丼 $78🍵冷泡茶(白桃烏龍/桂花烏龍) +$10-🍱丼燃食堂🏡地址: 旺角花園街3-5號鴻威大廈地下6號舖☎️電話: 34605078🕙營業時間: 12:00-22:00 (Mon-Sun)———————————————🌿以上圖文由Bobowannaeat版權所有，轉發需授權喔

之前去旺角經過呢間舖頭已經好想食啦今日終於嚟到 🙈🙈😋一入到餐廳完全感受到新年虎虎生威的狂熱氣氛 連呢度嘅丼飯都好吸引🔥🔥🔥🔥餐廳除咗招牌丼飯之外亦有自選丼飯可以自由配搭魚生及醬汁😋☺️我哋就叫咗一個招牌火爆丼飯及午市套餐-🔥虎燃四皇丼 $118丼飯上有三文魚 蟹棒 赤蝦 左口魚各2-3件 及蟹子 魚生有用火輕輕炙燒過更加突顯油香魚生油脂分布平均🔥原本醬汁揀咗海膽醬但店舖比錯蜜糖芥茉醬 令到飯的味道有點不夾🙈 -🔥虎燃丼 $68呢個丼飯冇咗左口魚及赤蝦但仲有三文魚 蟹棒 甜蝦各3件 及蟹子 而醬汁就揀海膽醬 呢個餐價錢十分抵食魚生同樣厚身 配搭海膽醬 味道一流👍🏻👏-🌊海膽忌廉餅 $12 炸到外脆可口 ☺️🤩金黃色嘅忌廉餅一切開海膽醬流晒出黎味道偏甜 整體不過不失 -🍑白桃冷泡茶 $10 普通樽裝茉莉茶 白桃味道偏淡 茶味香濃-🍽🍴總結 🍽🍴平時食開魚生丼飯都係Wasabi加豉油今次好特別有得揀唔同嘅醬汁午市套餐比較抵食下次都可以黎試唔同嘅款式 🤤🤤😋

喺旺角鬧市行行吓街 搵到一間用心小店 即刻同鍾意食日本野嘅女朋友嚟食吓 全間店嘅風格都好統一😮 門口menu有好多百幾蚊嘅丼飯 款式都好多 本身都想食㗎喇 但原來係有lunch menu呢樣野😙 冇諗過星期日都有lunch set咁抵食 幾十蚊再加一就食到日本野 都幾開心☺️其實都幾多選擇 但唔知點解我女朋友要同我揀一樣嘅丼😑 所以都影唔到兩份唔同嘅野出嚟 不過都冇所謂啦 最緊要大佬開心😄 虎燃丼揀左炙燒 同明太子醬 一望就知有好多明太子醬 加埋豉油同wasabi真係好夾😋 入面有三文魚 甜蝦 蟹棒 蟹籽 每份魚生都係炙到半生熟 真係啱啱好 太熟會冇咗日本野嘅神髓 而且魚生厚度好適中 飯嘅份量都好多 女仔未必食得晒 不過我女朋友咁大食 就全部清晒嘅😮店員仲好細心咁斟咗兩杯熱茶俾我地 仲會主動加水 服務真係一流 呢個加一服務費係真係抵俾嘅🥰

由於疫情問題，六點後禁堂食，晚餐唯獨只有外賣，見門口咁得意，門口已經提供貼滿餐牌，熱愛食丼飯既我一於要試試，種類都多配搭，最後一於叫虎燃丼飯，講到好似粗口咁。虎燃丼飯：刺身有蟹籽、蟹柳棒、三文魚、赤蝦。另外亦可選醬汁，當然選海膽汁。就算係外賣，就連外賣都講究包裝，外賣袋使用循環再用嘅袋，飯盒皆為保溫飯盒，就連餐具包裝都別緻過人。丼飯既白飯唔算大份量底，但刺身都算多，每款三片，醬汁味道唔錯，基本上可以連豉油都唔使，刺身都新鮮。絕對可以翻食。

📍旺角 𝙼𝚘𝚗𝚐 𝙺𝚘𝚔❝火炙刺身丼🔥🍣可惜食落冇相咁吸引🤥❞新開既丼飯店 特登黎食lunch menu平d又少人d😚見好多人推介 我都有一定期望 但我食完覺得比預期冇咁出色☹️回頭機會唔大🔥🐯虎燃丼 $68 (3.5/5)有三文魚🍣蟹棒🦀甜蝦🦐蟹子 揀左炙燒但得三文魚有少少燒過既痕跡🔥☹️唔夠香口 另外我揀左芝士蟹子醬 點知佢係沙律醬黎既?!😫雖然都好食但我唔expect係咁🤥份量偏細我食完都未到好飽🙈唔知dinner會唔會大份d꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍丼燃食堂旺角花園街3-5號鴻威大廈地下6號舖

之前網上見到呢間餐廳，打鐵就趁熱喇一去到見到門外條人龍好長😱#虎燃丼 配 #明太子醬本身有 #三文魚 #甜蝦 #蟹棒 & #蟹子不過店員話無哂甜蝦，換咗做 #赤蝦 都幾鮮甜，不過有部分未解好凍，我食到冰呀...😂三文魚幾新鮮，而極大量嘅蟹子食落好爽口蟹棒就一般啦，整體都唔錯其實我猶豫咗好耐揀咩醬料，今次揀咗明太子，心水仲有：#芝士蟹子醬 (朋友揀咗，試咗啖，好creamy)海膽醬 (下次試啦唯有)#自選丼 朋友揀咗沙律底自選配料就係 #海膽 #大拖羅 & #火炙左口邊睇落超級引，朋友話係唔錯🤤另外我哋仲嗌咗 #海膽忌廉餅 同埋 #忌廉蟹肉餅前者其實只係用海膽醬，都幾濃味後者係真係有蟹肉，不過其他地方都好易食到仲有好多主食同小食都想試，下次再同朋友夜晚嚟幫襯先~P.S. 雖然好忙，但店員都好有禮貌👍🏻