蛇王燊

營業中

休息中

香港難得有冷的日子, 抓緊機會食蛇羹和煲仔飯。選了A餐, 即是蛇羹, 煲仔飯和龜苓湯。蛇羹調味正常, 有蛇肉,雞肉,木耳, 跟餐的是細碗。煲仔飯可選蛇腩/滑雞/田雞, 雖然餐牌上還有黃麖/羊腩(加錢), 但依我經驗, 次次都沒供應。今次吃了蛇腩煲仔飯, 有飯焦, 又有冬菇和果皮, 好香, 好有風味! 以前除了街鋪, 人多時會開對面大廈的樓上雅座, 但今天沒開樓上座位, 只開街鋪有限的座位, 要等位。座位有店內的, 也有店外路邊的, 本來坐室外路邊, 在冷空氣下吃著熱乎乎的蛇羹和煲仔飯甚是過癮, 奈何要食伙記的二手煙, 希望大叔們離遠一點抽煙。

是日行完婚展就search下附近有咩好食朋友話想食蛇羹之後就搵到呢間自己都好期待食蛇因為已經無食好多年最後做咗個餐有蛇羹蛇湯同埋煲仔飯首先介紹蛇羹明白到咩叫做啖啖肉真係好豐富味道真係好好之後就係蛇湯飲完之後暖笠笠好夠味道啊！加左錢要咗個糯米飯因為真係揀唔到煲仔飯定糯米飯好最後貪心地兩個要晒雖然細細碗但係真係好好食勁多花生！最後再介紹煲仔飯！因為我本人好鍾意食田雞佢啲田雞都好大隻！又係啖啖肉！等候時間都需時好趕時間嘅你就要考慮一下啦

秋風起，一班同事都想去補補佢，為身體打個底。所以就去左灣仔最出色食蛇的蛇王去食個蛇羹！我點左最鍾意的套餐組合「蛇羹+蛇湯+田雞煲仔飯」。煲仔飯其實重有好多種，例如臘味飯丶滑雞飯丶蛇腩飯等等，但係田雞飯係我的至愛！點完餐就去左對面大廈2樓的露天天台度等食，好有風味。裝到超滿的蛇羹非常足料，蛇肉一絲絲唔會硬，木耳夠爽口，口感非常好。勁鍾意佢台面任食的蛋散，同蛇羹真係一個無得輸的組合。食完岩岩好煲仔飯黎到，再焗佢一陣，貪佢有飯焦。飯已經調左味，所以唔需要用到台面上的煲仔飯醬油。田雞肉勁鮮甜，肉質好爽口，每舊田雞肉都好脹卜卜，夠哂肥美。而且田雞每舊都好乾淨，証明店家好用心處理食材。冬菇肉質都好厚，菇味好香。食到最底有少少飯焦，脆卜卜勁惹味。食完個飯重有一個蛇湯，有少少杞子同藥材煲，甜甜地又消膩，一個美好的句號！

蛇王燊就在我工作地方的附近，步行時間不到5分鐘，雖然如此近又有一定的名聲，但我一直都沒有光顧過，原因不是因為討厭蛇，只是興趣不大而已。但這天同事邀約，又當好是秋冬時節，正所謂「秋風起，三蛇肥」，也好，就去試一試正值時下之物的味道如何。當時是下午三時左右，我和同事避過了繁忙的午市時間所以不用等位。甫一坐下，眼看面前有兩個膠盒，放的分別是檸檬葉絲和薄脆，看來和我吃過的其他店不同，這裡的檸檬葉絲和薄脆是任加的，我喜歡加少略檸檬葉絲增加香氣，薄脆的話倒是不會加。看一下餐牌，有四個餐可選，既然目的是來品蛇我當然選了個全蛇宴的B餐 - 蛇羹、蛇湯和蛇腩煲仔飯，同事則選了C餐，包括蛇羹、糯米飯和油菜。點餐後店員立即送上蛇羹，我不太到蛇店吃的其中一個原因就是很多蛇店的蛇羹和街邊的碗仔翅沒太大差別，這裡的又如何呢？第一眼看到後我和同事都嘩然了，很足料，蛇羹有一半以上是蛇肉！！！其他如木茸絲、冬菇絲等用料豐富，吃下去蛇肉有咬口，不像其他蛇店用雞絲充數，毫不欺場這點就足以加分了。蛇羹的杰度適中、熱騰騰的吃過幾口後已然額頭冒汗。之後來的是同事點的油菜和糯米飯，油菜目測上和白灼無異，沒有油光；糯米飯則不錯，有不

午飯時段在同事介紹下到公司附近的蛇王燊品嚐蛇宴。因店舖細小，輪候食客不少。點選套餐有蛇羹蛇湯各一碗，另有煲仔飯一窩，只索價六七十元，都算抵食。蛇羹非常足料，味道濃郁，輕輕配上少許檸檬葉，更能突出蛇肉的味道。滑雞煲仔飯以瓦煲盛載，即叫即整，出品熱辣辣。煲底沾上一層薄薄脆脆的飯焦，帶點微微焦香，烹煮時間合適。面上有為數不少的雞件，肉質的確嫩滑，只是味道略略鹹了一點。吃畢煲仔飯再來一碗蛇湯，蛇湯湯底雖清，但味道頗醇無欺場。當中夾上少許藥材香氣，實在滋保暖胃。

最近天氣嚴寒，最適合食蛇，兩個星期內已吃了幾次蛇羹，到製衣業職公會吃過一次蛇宴，早幾天連下午茶也食碗蛇羹暖身，蛇王燊是小弟多年前在灣仔工作時經常幫襯的蛇店，最愛吃它真材實料的蛇羹，它不像別店般大部分用肉絲代替蛇肉。 一直想試較少見到蛇腩煲仔飯，今晚放工後落單一個人食晚飯，便專誠老遠坐車來試它的蛇餐，店中共有四款蛇餐供應，定價由五十七蚊至七十二蚊。 較有特色的有鹿筋蛇腩及黃麍肋柳煲仔飯，這晚我選擇吃六十二蚊的蛇B餐包括花膠蛇腩煲仔飯、蛇羹及蛇湯。 由於街舖地方所限，食客可選擇坐在對面大廈樓上的單位，雖然裝修極其簡陋，但坐位會比坐在舖內或街邊多及寬鬆一點，坐樓上要先在舖面找數，店員在舖面依人頭取了蛇羹及蛇湯再引路上樓，煲仔飯預備好稍後會有專人送上樓。蛇羹蛇王燊在我印像中是港島區最好食的蛇舖，每碗都有很多真蛇肉，碗碗料足味濃，湯中有土伏苓的中藥清香味，但藥味不及蛇王如般重，但不代表味道就遜于蛇王如，孰優孰劣視乎個人囗味問題，現在散賣巳由多年前廿多元加至三十三元 一碗，檸檬葉及薄脆放在檯面任加，但跟其它蛇舖一樣獨缺從前常見的菊花，記得幾片菊花瓣已能給蛇羹帶來一股幽香，將味道提升至較複雜

是日晚餐, order 如下: 蛇羹 - very good! 跟餐係細碗 size 但係盛到滿滿一碗! 一 d 都冇扼秤! 仲好足料, 好多蛇肉! 抵食!! 花膠蛇腩煲仔飯 - very good too! 熱辣辣又多蛇肉, 又係足晒料! 正!overall d 食物 gei 水準同份量都 100 分~可惜佢位於街市內, 去食晚餐時周圍收緊舖, 仲好大陣垃圾味~由於唔係餐廳, 所以周圍 gei 人不停食煙都冇王管, very 影響食慾!!!見到隔離 table order 左蛇酒 (2 兩為一小杯), 老闆倒到岩岩好一杯滿晒, 冇瀉到, 功夫超好!!就係"賣油翁" gei 道理?!

2008年11月29日，12:20和太座到小魔怪學校"見家長"後，便到灣仔買烏雞，隨即到這店開餐。一個餐兩人吃，因我祇好蛇羹，太座喜歡蛇湯和煲仔飯，本想要黃獍飯，店員笑說不會再供應。蛇羹：仍是濃味和足料蛇湯：喝了一口，呈奶白天色，我覺味香濃，但太座卻說比日前淡了。田雞煲仔飯：雖然是交來貨色，但絕對是即製，田雞嫩滑，香菇味濃，飯粒偏軟。店已不敢在店外多放桌子了，食客們要耐心點了。題外話：見家長時，老師向小魔怪發出警告；還有幾個月要會考了，小魔怪你要好自為知。