新華茶餐廳

營業中

休息中

朝早食早餐，由將軍澳出黎深水埗。係另一間號稱最好食既茶餐廳食到隻隔夜蛋撻，非常難食。唔忿氣過黎新華食番隻正常蛋撻補數。好唔好食有樣睇，呢間既蛋撻起碼最基本，夠熱，蛋香，穌皮夠鬆脆。

繼上篇介紹完長沙灣金園茶餐廳，今篇食評將會寫長沙灣區另一間老字號茶記 — 新華茶餐廳。現在，全香港僅存有閣樓嘅茶餐廳只有4間，而新華正正就是其中一間! 所以我們到達後就先上閣樓看看有冇位，可能是下午三、四點關係，人流不算太多，夥記姐姐好nice問我地食乜嘢，而且環境寛敞乾淨，幾有懷舊feel!我們即刻就order了這裡嘅菠蘿油、蛋撻、奶茶和生炸雞脾薯條! 個自家制菠蘿皮鬆脆包感實在，再加埋塊牛油咸香，一個字形容「正」! 食完菠蘿油梗係要試埋個蛋撻啦，蛋撻都係熱辣辣好新鮮，食到個撻底就有啲曲奇餅感，我個人就比較喜歡食金園個酥皮蛋撻多啲! 食蛋撻當然唔可以唔飲杯熱奶茶啦，我個人覺得新華杯奶茶比較滑啲、醇啲，啱我口味多啲!而我老公就話杯凍奶茶沒有多大特別，跟出面茶餐廳差不多!最後，試埋個炸雞髀薯條，隻雞髀係生炸嘅，但略為炸得乾左啲囉，味道都可以! 薯條都算炸得ok啦!總括而言，今天很滿足，可以在一個下午試到兩間香港老字號的港式地道茶餐廳，本小姐一定會再來!

街坊介紹嘅茶餐廳，叫咗個沙嗲牛肉麵同埋叉燒意粉餐，就知道要慢慢座下等佢新鮮蛋撻出爐，喱間嘅沙嗲牛肉都幾出色，啲牛肉都好嫩滑同埋個醬都好濃烈，配上公仔麵沾哂啲沙嗲醬一啖擺入口，果然喺最好嘅配搭。餐飲方面就無咩特別，都喺普通凍檸茶同埋奶茶。蛋撻方面新鮮出爐嘅同唔係新鮮出爐嘅我都食過，唔係新鮮出爐嘅話，酥皮會有少少可能唔夠鬆軟，但係蛋漿都好綿密入口即溶。如果咁幸運遇上新鮮出爐嘅幾飽都需要再叫多一個，新鮮出爐真係熱辣辣，酥皮食落口係好鬆化，咬一啖好脆同埋會跌好多碎碎出嚟，中間個蛋更加唔使講，接近流心狀態，同酥皮融合，都係等大家過嚟朝聖。

長沙灣必食蛋撻🥕蛋撻$9⭐️⭐️⭐️⭐️⭐️🐰同朋友亳不客氣甘叫左5個，食完又再加單叫多左4仲🤣見住出完一爐又一爐既蛋撻，所以一上枱熱辣辣，酥皮勁酥脆，食得出整左好多層，又不會太油，蛋漿勁香滑濃郁蛋味，又夠多蛋漿，撻底同蛋漿既比例剛剛好！🥕法蘭西多士$35⭐️⭐️⭐️☆☆即叫即炸，炸得好香口，可惜花生醬少左d，如果多番少少會正d，糖漿俾成支你自己斟。🥕凍檸檬茶+$3⭐️⭐️⭐️⭐️⭐️🥕熱奶茶$21⭐️⭐️⭐️⭐️⭐️茶味出，不會澀，奶亦夠香濃香滑。======詳情======新華茶餐廳長沙灣青山道334號================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #長沙灣好去處 #長沙灣美食 #RR長沙灣 #RR茶餐廳 #RR蛋撻 #茶餐廳 #蛋撻 #酥皮蛋撻 #法蘭西多士 #西多士 #奶茶 #懷舊 #懷舊茶餐廳 #檸檬茶 #新華茶餐廳

長沙灣係蛋撻之地梗係要食埋新華啦~酥皮個TEXTURE唔錯但我個人認為個蛋味唔夠，反而有D甜度過多~因為當日食埋另一間所以我個人認為新華就係因為甜度問題輸個馬鼻啦XD不過好好彩既係食個日唔洗排隊買~ 我已經覺得好開心了

新華茶餐廳係一間傳統舊式的茶餐廳，坐位都是窄窄的，而且仲有閣仔雅座，必有一番風味呀！茶餐廳點餐一定要快，也不可以猶豫，還好目標一致，很快就點好餐了，一來便即刻點了新鮮出爐的蛋撻。蛋撻酥皮略厚，隱約看到酥皮的層次，色澤頗金黃，幾有酥皮香，吃落有種化開的感覺，口感也豐富。 蛋心：蛋香突出，甜得來不膩，夠滑，蛋漿濃稠度恰到好處。份量多，很大件，有滿足感。另外都點了一個特餐 。凍奶茶先上場～ 香淳濃滑的奶茶通常係熱嘅，但係今次呢杯凍奶茶卻飲到奶香而不會搶去茶味，味道平衡得剛好，放耐咗也不會比溶化的冰塊溝淡奶茶的味道，這杯奶茶絕對喜出望外。👍🏻👍🏻然後就到特餐的主食沙嗲牛肉麵，呢個絕對係最令我意想不到嘅美味的沙嗲牛肉！可能因為無期望便沒有失望，正當我以為只會同一啲普通嘅快餐店一樣用「嗱」到肉質散亂的牛肉，點知🤭沙爹絕對不是一味死鹹死辣死糊, 沙爹醬不會過量, 差不多能夠把每件牛肉包裹着, 食嘅時候，沙嗲醬濃郁而帶花生香，微辣鹹香，牛肉嫩滑的，吃得到有花生香氣，牛肉是有少許被「嗱」過的滑質地，但竟能吃得出牛肉的鮮味來, 沙爹味道也沒有把肉鮮味道掩蓋, 那肉鮮味是根本不能夠用人工方法去偽造出來，鹹與

三點三又夠鐘食下午茶啦🕒蛋撻都係都係下午茶之選長沙灣有兩大出名嘅蛋撻其實兩間只相隔一條路仔🔛試過兩間個人比較鍾意金園多啲✨✨*❣️傳統酥皮蛋撻 $8一直食蛋撻都只會食曲奇皮嘅我令到我對酥皮改觀待諗暫時應該都係得呢間🥺能夠令到一個唔鍾意食酥皮嘅人都會食食多幾次都得 比例太好啦實在💓蛋漿又軟滑 啲酥皮又鬆化🥚🥚🥚又唔係太甜 厚酥皮諗起都覺得正 想即刻再整返件😍🥰每次行過經過必買必買其實已經食過好多次 encore再encore🤣一盤又一盤新鮮出爐可能係因為賣得太快手差唔多件件食落都係熱辣辣🔥🔥見親件件蛋撻都係脹卜卜

長沙灣真心越來越少茶餐廳有自家製麵包出品剛剛喺附近同媽媽飲茶，經過長沙灣，見到門口有自家製麵包，即刻望下有咩好食，行到過去，個大叔話小心小心熱辣辣新鮮出爐，忍唔住買返過嚟試吓，香噴噴，今次特意買個餐包試吓，麵包結實，蛋味濃郁，上面還有甜甜地的蜜糖，現在出邊連鎖店絕對冇咁嘅出品，連鎖店多數好似食風咁，即刻有以前細個時候嘅味道出現，我見到出面有蛋撻，葡撻，雞批，椰絲撻，仲有我至愛嘅瑞士卷，下次必定試埋其他重熱辣辣

久咳成病，無胃口食晚飯。去咗新華茶餐廳，點咗杯熱lemon加一個菠蘿包同埋蛋撻。埋單$32。飲咗杯熱lemon。暫停咳嗽。個菠蘿包好大個。好抵食。個蛋撻好新鮮。新鮮出爐。間茶餐廳歷史悠久。好多電影取景自這間茶記。

我不理會新開的蛋撻王店強調有多少層酥皮，始終是此店最好味。因雞蛋味極濃郁，不油膩，與澳洲牛奶的蛋味相近。經常出爐，熱烘烘。當年港督彭定康去了中環食蛋撻，造就了泰昌。如他來了此店，歷史會改寫。蛋撻與絲襪奶茶都是香港人偉大創作，調和了中西文化。無飲食文化（世上無英國菜）的英國人，當然讚嘆不已。今次是賣剩品，仍暖烘烘。旁邊有暖櫃，雞尾包保持溫度。如要懷舊，此茶餐廳正好，紙巾摺成雪糕筒形（平面），況且常餐口碑頗佳，主角是沙嗲牛肉麪。

這個蛋撻好有蛋味，撻邊又夠脆，保持熱度，可以入得口進食，食落去没有油膩感覺，這個唔錯，不過size就細一些，價錢都可以接受，6元一個，差不多賣晒，好快又會有新鮮出爐。

呢到嘅蛋撻。。。perfect!!望落酥皮雖然有點厚，但層次分明。咬落熱辣辣又鬆脆嘅酥皮吸引到不愛吃酥皮的，也忍不住一口一口的咬下去。那皮確是鬆到不得了。中間蛋黃是最愛。熱辣辣，滑嘟啫 (滑到可以用飲管啜！)，甜道剛好。檸檬水也很滿足！差不多有半個檸檬，水是燙的 (好夠熱)。p.s. 許多食店連簡單的檸檬水(茶)都可以很差。水唔熱, 檸檬只有1.5片已是閒事。一次喺米線舖點嘅凍檸檬茶嘅檸檬已篤過。以為上枱前幫客人篤埋，點知飲落完全冇檸檬味.. 😵

我諗大家都試過有豬一般既隊友，完全理解唔到既上司同同事。往往3點3下午茶就係治癒自己唔開心同不滿既時候啦! 特別當你身處係一個日日都有tea食嘅office，再加上超為食既性格，食野帶比你嘅幸福係無可取代既!就係發生上述不幸事情既時候，新華蛋撻送到屈小姐面前，前一秒屈小姐仲抱怨緊個同事，下一秒佢已經講緊:【個蛋撻雖然凍左，但都幾好食】【食晒啦，飽飽】根據屈小姐既描述，新華既蛋撻係咁既:1) 個蛋好滑好smooth, 唔會太甜!2) 個撻皮雖然食唔到一層層，但係幾脆，而且唔油3) 個撻比一般大隻4) 都只係盛惠$5.5難怪世人都羨慕有個為食既女朋友，果種幸福的確係難以形容#美食可以治癒女神既心

叫左唔記得係唔係常餐定特餐，沙牛麵跟餐包奄列要左凍奶茶少冰少甜。沙牛麵幾好，麵唔太林又夠沙爹汁。包同奄列普通囉，無特別。。。不過杯凍奶茶唔錯，夠茶味!!蛋撻熱辣辣，酥皮好香兼唔油膩(連平時淨食牛油皮既我都鐘意)叫左個干炒豬扒意炒，其實個味係好味，但真係油到爆。。。見到啲油真係驚。。。個豬扒味道好好好香， 但可惜真係好油啊!!!!呢度都好多人黎，侍應反應勁快，大家預左搭檯啦~~同埋張檯都偏細，會食得迫啲，但我覺得好有舊式茶記感覺

今日在家附近曬相，因為要等十五分鐘左右，所以在附近閒逛閒逛經過新華，剛巧蛋撻新鮮出爐，香氣撲鼻！好，就買幾件回家跟家人分享吧！回到家，蛋撻依然是熱辣辣的~新華的蛋撻是我最愛的酥皮，入口酥香鬆脆，蛋芯軟滑而且蛋味濃郁，甜度又剛好!真是最好的下午茶呀！