酥妃皇后 (侯王道)

營業中

休息中

酥妃皇后雖然係名人店，但佢哋嘅酥皮都做得幾出色又充滿牛油香。鋪面唔大，但都可以有設企位。我自己就叫咗兩個撻外賣，係蛋撻同鮮奶撻。蛋撻 $10蛋撻係最基本嘅款式，可以比較到佢同其他麵包舖有啲咩唔同，一拎上手已經會感受到佢嘅酥皮嗰種鬆脆，會有少少嘅酥皮碎開。酥皮層次十分豐富，而且會有好香濃嘅牛油香味。而蛋味就係正常，唔會話焗得太老或者冇蛋味，配合酥皮，酥皮絕對成為主角。鮮奶撻 $12呢個都唔錯，鮮奶撻嘅酥皮同蛋撻一樣出色。鮮奶撻嘅味道唔會話過於甜，恰到好處。

每次見到新鮮出爐的蛋撻都會令我垂涎三尺。新鮮烘焙出來的牛油和蛋香味真是非筆墨能形容。對於蛋撻有些人會覺得酥皮比較香脆，也有些人會喜歡曲奇皮的質感。對我來說兩者皆可，關鍵只在於蛋溶液中。酥妃皇后以他們的酥皮蛋撻聞名。自製酥皮是一件艱難的事，其做法複雜，基本上要把牛油和粉糰利用特別的方法包著，然後反覆對摺方可做出多個分層。蛋撻的酥皮十分香脆，稍微有點咬口，牛油香味極重。蛋汁焗得十分完美，非常香滑，而且甜度剛剛好。順便都試試他們的半熟紫薯芝士撻和綠茶芝士撻。紫薯撻的味道不錯，和芝士配合得相當好，反而綠茶撻就有點過甜。而且我發覺芝士撻的餡料內有點空氣泡，可能拌勻的時候動作太猛烈，導致把空氣打進了。他們的芝士撻比較一般，蛋撻都算令人滿意。

星期六嘅九龍城比星期日少人，行過自從開店以來都要排隊嘅酥妃皇后，竟然唔洗排隊. 即刻要了半打. 盛惠$10一隻蛋撻. 剛出爐，新鮮熱辣, 即刻攞出嚟食. D蛋漿好滑, 焗得啱啱好, 個酥皮冇可能食得出300層不過真係好鬆化. 建議大家唔好怕肥要同人share, 因為一切應該就會散. $10 係我食過茶樓以外最貴嘅蛋撻，不過個size 又大, 又好味. 我覺得值嘅. 喺店門口見到有其他款色嘅pastry 好似好吸引, 下次可以試吓.