東歐餐廳

我能夠出生於福地的香港，絕對是一件幸福的事！ 2022年，俄羅斯跟烏克蘭戰爭，烏克蘭居民流離失所，影響世界各地經濟...！有認識十年的朋友建議，我們一行5人約出來食飯，支持烏克蘭吧！他選址位於中環雲咸街，大館對面巴力大廈1樓的 <東歐餐廳 Ivan the Kozak>，好讓我們以味蕾探索烏克蘭！門口掛著烏克蘭國旗，基輔市的風景相作為背景！ 由門口到餐廳內，都充滿色彩繽紛的異國色彩！ 點菜用的銅鈴 Menu 以軟身真皮製作封面供應：烏克蘭菜、俄國菜及東歐菜式！店方的東歐菜，並非預期的重口味，而且以肉類為主！如果食客為餐廳上網打咭，便會送一小杯伏特加 vodka；盛載的雕花玻璃杯，亦都精緻；意想不到！我們竟然消費額達標，又送多一杯！烏克蘭羅宋湯 $68這是傳統正宗口味的羅宋湯，烏克蘭羅宋湯，加入紅菜頭及大量蔬菜，因此，湯色澤鮮艷！ 還加上一個忌廉球！袖珍豬肉餃子 $88一碟十隻的餃子，皮薄餡豐，滿載豬肉餡！招牌芝士焗牛脷盅 $88牛脷肉質柔軟豐腴又夠入味，配脆酥餅及加上醬汁，別有一番風味！鯡魚沙律 $88鯡魚以醋醃製，與薯仔及紅菜頭同i食，酸香醒胃！東歐椰菜卷 $88以椰

一直都知道東歐餐廳的口碑不錯，可惜一位難求，今次特意預早了兩星期預約，終於book到星期五晚的時段。餐廳的裝修十分有心思，彷如置身於真正的東歐。先來一碗羅宋湯。這碗湯的紅色是來自紅菜頭，而不是蕃茄，所以顏色上會比較清。味道方面偏酸甜，跟西式羅宋湯的蕃茄洋蔥味有點分別。最欣賞的是自家製的酥皮蓋，口感香脆似餅乾。盅內的芝士配牛脷亦非常惹味，口感軟腍，推薦！不能用中式的標準來比較，始終是不同風格，東歐餃子的皮偏厚，但這就是在東歐吃到的味道鹿肉味道屬正常發揮，不過不失但鹿肉比較少見，值得一試。蜂蜜蛋糕層次分明，蜜糖味非常濃郁。是在香港很少見的東歐經典甜品，值得一試

紀念日當然要搵特色既餐廳慶祝一下經同事介紹搵到呢間長期full book 既東歐餐廳，一入去已經好有特色，睇得出佈置好有心思重點連洗手間都係有放心機落去，當然都唔好意思影相，等大家自己去發掘所以第一感覺已經好好，食物仲更加唔使講好好味

今次我地發現一家小店，濃濃既烏克蘭風格，裝修精緻一入去就feel好似去左另一個國度！田園風光既木屋，感覺別有洞天嗌左燉鹿肉，蘋果鴨胸，蜂蜜蛋糕（甜品）我地兩個人食得好飽...因為點左兩個main course...鹿肉最好味，土豆燉牛肉既feel蘋果鸭胸有D接受唔到，果醬入面加左花椒既味道。蜂蜜蛋糕味道香醇，但係...甜得濟。人均300HKD，好飽啊，下次黎既朋友記得千祈唔好叫兩個main course

朋友剛去完海參威就話好掛住個邊嘅嘢食，所以就搵到呢間食東歐菜嘅餐廳。其實東歐菜係香港真係比較難搵，而且仲要正宗就難上加難。入到去成間餐廳紅卜卜，好有俄羅斯Feel。老闆話佢地其實係烏克蘭菜，廚師都係烏克蘭人，眼望就好似得老闆同佢個仔識講廣東話～Anyway入正題，先講嘢飲，手工啤酒我覺得係一個好大嘅 Bonus，呢度有5款手工啤酒，本身差啲叫咗唯一一枝德國啤，好彩老闆叫停我，原來係因為無曬另外個4款烏克蘭啤酒先會叫德國啤。Anyway 最後我叫咗黑啤 Baltijos，飲完落去最後會有啲蜜糖味，好中意。朋友叫嘅係白啤，係花香味嘅啤酒，但我覺得飲完比較酸。餐湯都好驚喜，叫左一個南瓜忌廉湯同埋羅宋湯。南瓜湯好香好滑，但絕對唔係開粉個啲，係食得出用南瓜蓉整嘅湯，而且上面仲有啲 Nuts有啲咬口。羅宋湯就仲驚喜，飲開個啲係椰菜生菜加牛肉煲嘅，但呢個係用紅菜頭煮嘅湯，清甜好飲，真係好好味。就算唔食其他嘢都要飲湯丫我覺得。食物叫咗個磨菇薯仔餃子，味道係幾好嘅，但就有啲濟。另外叫左個燉鹿肉，佢係用石鍋上，所以上菜個陣咋咋聲仲要好香，食落鹿肉燉到有啲似牛腩咁香淋，薯仔都索曬啲汁幾好食，不過就比較濃味