癡膠雞 (軒尼詩道)

營業中

休息中

灣仔高質街坊小店，平日Lunch和Dinner時段都有頗多客人，9成都在吃招牌雞米線。原本以為平平無奇的一碗粉麵，怎料卻被驚艷到啊！椰子雞米線 $60 | 藥膳黃酒花膠雞米線 $68每隔幾個禮拜就是吃的椰子雞和藥膳雞，感覺較健康，比起一般常吃的中西餐較輕量少油。這個椰子和藥膳湯底正中口味，特別是奶白色的椰子雞湯底，濃郁不過火，藥膳湯底則較清澈，濃度適中。不得不說，主角雞件也是一大加分位，嫩滑又有雞油香。除了米線外，也有米粉、上海麵和米飯選擇，跟爐上菜隨時都吃得到熱騰騰的溫度！金磚豆腐 $42 | 蜜糖雞翼 $42香口小食很受歡迎，特別是外脆內軟、One-Bite Size的金磚豆腐，單吃不沾醬就讓人一口接一口。蜜糖雞翼的炸皮薄脆，內裡熱騰騰又有肉汁，加上惹味的蜜糖，十足像小時候最愛的下午茶零食！ 

今日唔係好舒服，想食啲暖胃嘅嘢，咁啱發現Office附近有一間專食養生湯麵嘅餐廳，就同同事入咗去試吓，點知出乎意料地好食!招牌湯米線可以跟爐上，唔使$70就有打邊爐嘅體驗; 加多10幾蚊就可以有鍾意嘅配料，食到最後都仲熱！唔想跟爐上的話就會用石頭鍋飯個兜上，包保夠暖！招牌花膠雞米線$68 （轉左跟飯）+ 竹笙非常足料，雞嫩滑，花膠都有三四嚿，湯底濃郁。竹笙吸收晒濃湯，非常好味！人蔘雞米線 $60 （轉左薯粉）有雞髀位，非常驚喜！啲雞都係一樣嫩滑，除咗人蔘仲有蟲草花，夠晒養生！因為跟爐上，個湯去到最後個人蔘味越嚟越出～蜜糖雞翼 $42總共有四隻雞翼，個雞翼皮係脆㗎！入邊啲肉都煎得啱啱好，調味到位，超好食～手拍青瓜 $28份量非常充足，辣醬值得推介!

自從有次同呀媽食完花膠雞煲之後，佢就愛上咗，於是我就搵咗幾間同佢逐一拜訪。今日我哋去咗位於灣仔嘅「癡膠雞」，其實我之前已經食過太子店，係覺得唔錯先敢帶佢嚟😝。灣仔店座位比太子店多，但如果坐滿人，就會有少許迫。店內掛上唔少粉筆畫，上面畫咗漫畫角色，幾得意😎。印象中太子店都有類同嘅畫，絕對係餐廳嘅一大特色。小店主打雞類菜式🐓，而灣仔店提供嘅食物種類更多，包括各式飯同小食等。餐廳定價相宜，大部份飯麵平均只售$5X，實屬經濟之選。花膠雞煲翅($148/半隻)，雖然食翅唔環保🙈，但間唔中食一次就算啦，難得呀媽開聲話想食。花膠雞煲連埋熱鍋上，全程可以飲住熱辣辣嘅雞湯🔥，超正，如果係冬天食就更加不得了。雞湯味道濃郁，唔會過鹹，而且並無味精，飲完都唔會口乾。餸料方面，兩個字形容哂：足料！🐔半隻雞份量多，有齊雞髀、雞翼同雞胸等，大大啖肉啱哂我，肉質長期滾住都無變嚡；而呀媽就好滋味咁噒骨，仲話噒到口都攰埋，哈哈。另外，花膠同魚翅同樣係爆多，出手闊綽👍。魚翅大大塊，明顯見到一疏疏，而花膠更估計有成十片，好滋補呢。米線($15)，呢個係跟雞煲追加嘅配料，除咗麵之外，佢仲有牛肉、竹輪同菜等選擇。🍜粉麵底可揀上海

行完美食展成個人都散晒，行經灣仔呢間食花膠雞平平地又幾有人氣就幫襯下，叫左半隻「癡膠雞$108」另加左蘿蔔、生菜、竹笙，當打邊爐咁食🤣 哇 上碟黎到真心唔講笑地勁吸引😨😨😍 半隻雞好足料，花膠仲有成10零舊👍🏻 個湯底無味精又夠濃味，本來想後加米線後來都食唔晒隻雞就無加，另外好欣賞佢搵個火爐一直燒著，keep著個雞湯熱度好緊要👍🏻👍🏻.另外叫左個「胡椒豬肚雞米線$60 」，呢個都抵食，又有爐跟，如果叫米線嘅話，雞就有雞髀成隻，份量都ok既，胡椒豬肚個湯底好正，胡椒味夠重辣辣地😜比較惹味。.小食就叫「金磚豆腐$32」同「蜜糖雞翼$32 」，越係冇期望就越係覺得驚喜😅😅🤣 真心正wor, 雞翼炸到脆卜卜加蜜糖甜甜地好夾，金磚豆腐又係炸到岩岩好，夠香口。.野飲+$10有桂花烏龍冷泡茶，就算加可樂都係$5，😉😉 補充一句，餐廳有個姐姐好好Service 😊 落單又介紹我地食咩，又會主動執野咁，好有❤️既小店。

今日嚟咗灣仔，見到呢間米線店—癡膠雞，望落個名幾有趣，於是決定入去食dinner😚招牌花膠雞米線 ($68)- 花膠雞果然係招牌，一上檯就好有visual上嘅衝擊，大大嚿軟淋嘅花膠、黃油雞件，仲有奶白嘅湯底，最重點係有明火嘅小爐煮住，熱辣辣超惹味😎椰子雞米線 ($60)- 椰子雞都係冇得彈，湯頭清甜，有滿滿嘅椰子片同木耳，爽身脆口，米線份量都好足，滑脫脫😚蜜糖雞翼 ($34)- 雞翼揸得超級有驚喜，外脆內嫩，金黃脆身嘅雞皮下完美鎖住肉汁，每啖咬落去都格外juicy 味道仲係香甜嘅蜜糖，滋味爆登😍黑椒薯仔牛柳粒 ($38)- 牛柳粒都吵得幾有鑊氣，香甜嘅表皮少少微焦，肉質保持到其鮮嫩， 幾有咬口，薯仔都煮得唔錯，軟硬適中😆金磚豆腐 ($32)- 金磚豆腐都好高質，金磚豆腐外脆內軟，係椒鹽嘅加持下更加係風味倍增☺️手拍青瓜 ($28)- 手拍青瓜好有驚喜，調味好惹味，酸辣可口，而且青瓜好正，咬落清脆爽口，作為小食一流😋飲品方面叫蜜桃烏龍冷泡茶 (+$10)，茶底甘香，適合一啲唔鍾意甜飲嘅人；泰國梳打 (+$10)解暑一流，有汽嘅飲品果然喺炎炎夏日冇得輸😊整體食得幾開心，飽到捧住肚仔走😄