阿三大牌檔

營業中

休息中

大牌檔一直是本地獨特的飲食文化之一，趁著今日難得的空檔，前往阿三大牌檔品嚐幾道招牌菜式，位於大埔舊墟直街呢間新式大排檔，與以往舊式不同的是設有舒適冷氣環境，不變的是大排檔既穫氣依舊。首先上檯是燒乳鴿，肉質鮮嫩的鴿肉配上恰到好處的調味，外皮酥脆可口，難怪是必點菜式。接著是另一味手工菜蜜餞鱔球，鱔肉新鮮無腥味，炸得酥脆如花，肉質軟嫩配上甜香醬料，口感層次豐富。再來是蜜椒薯仔牛柳粒，牛肉嫩滑無筋，薯仔塊吸收哂牛肉同黑椒既滋味，二者融合非常協調。值得一讚是，阿三既菜品好味之餘，老闆同員工都愛心滿滿，見他們逢星期二都有善長膳心派飯活動，有需要既長者或有意支持者，可向職員查詢。

尋晚得閒又入太和搵朋友仔食飯, 朋友仔帶我去左佢經常食嘅呢間大排檔, 佢話除左呢度嘅小炒有好多選擇, 餐廳內近門口嘅位置仲間左一個區域, 可以食客俾帶埋寵物一齊黎用餐, 佢都成日帶埋狗仔嚟, 對寵物友善嘅中式餐廳確實比較好少見👍🥢蜜餞鱔球 $168呢道鱔球係朋友仔極力推薦, 鱔肉已起到冇晒骨, 厚切非常肥美,  口感好彈牙，蜜餞甜甜地帶有少少黑椒味, 堅好食!🥢梅菜扣肉 $128扣肉唔會好肥膩, 呢度冇芋頭底轉左白菜仔底, 冇左傳統食落好漏嘅感覺, 我個人覺得咁都幾好!🥢雲耳百合炒勝瓜 $98健康D清清地炒多個菜, 勝瓜加埋爽口嘅雲耳百合,  味道都唔錯！總結：有大排檔風味，但比大排檔座位舒適。除左有寵物友善區，裡面仲有好多卡位同大枱，一家人嚟食都唔驚坐好迫。

大埔近大中呢一頭，出哂名多好野食。趁週末去大埔行大運之時，行過見到餐牌好吸引，我最鐘意就係呢啲大排檔菜色！話就話係大排檔，不過係新式嘅🤗：地方好乾淨企理，坐得舒服，冷氣夠涼。好重要呀，食野除咗味道，環境衛生舒適度都好緊要呀👍！我地兩個人嗌咗三個小菜~😋脆皮咕嚕咕嚕豬頸肉($88)咕嚕肉就最睇得出師傅的手勢。上枱時熱辣辣，甜酸汁岩岩好包住每一舊肉同配料🤤，唔會過多。最怕咕嚕肉水浸咁多汁浸到淋哂。每舊豬頸肉都炸得好鬆脆，甜酸適中，入面有肉汁爽口。好好食呀喂！😚😋蜜餞鱔球($168)我同朋友都好鐘意食魚，見呢個係推介菜就要食下。同咕嚕肉一樣，外層炸到好香脆。港式味道就係咁複雜。有甜、有咸、有鑊氣，配合埋香脆的外皮😘爽口的鱔肉，一切協調得岩岩好，好香口，好好食。仲要好大碟，啖啖肉，滿滿的鱔球，好滿足呀😌！😋海皇粉絲雜菜煲($98)食咗咁多肉，要食返啲清清地的菜。唔好睇佢細細煲，入面都係滿滿的菜，加上帶子、蝦、魷魚同好多粉絲好足料。我最鐘意食粉絲，吸哂啲湯好好食。個樣睇落好清，其實都好夠味。食返多幾條菜舒服哂😌！我地兩個飽到食唔哂要打包。呢餐真係有驚喜，食到咁高質素、有鑊氣的小菜之餘，仲要乾淨坐

一直都好想男朋友教我騎單車，由年頭講兩第二年頭，今日終於去咗大埔騎，只係騎了45分鐘，已經好累……其實男朋友跟住我走都一樣累，為咗多謝他，就同佢食喜歡嘅嘢。佢揀咗男人的浪漫，就係大排檔，哈！這間非一般的大排檔，環境整齊企理，分內外兩個地方，地方夠大，裡面仲有卡位，坐得幾舒服㗎，唔係我想像中的大排檔咁！選擇好多，有小食、鐵板、燒烤、炸物、小菜、時蔬、炒粉麵飯、燒味、滷水等等…真係唔知點揀，就由男朋友攪掂。嘩！蜜餞鱔球 （$168）賣相和味道好得，心機之作。每件都肉厚肥美，爽口鮮嫩，外層沾滿蜜汁，食落微脆香甜，味道剛剛好，不失魚油香，十個讚！我哋都超級喜歡。脆皮咕嚕豬頸肉 （$88）加了菠蘿、三色椒、紫洋蔥等，色彩豐富，見到都好開胃。豬頸肉啖啖肉，有少少肥膏，油潤得來又唔太肥，外脆內爽。醬汁包住全舊豬頸肉，酸酸甜甜，好醒胃！男朋友最愛的尖椒爆雙腸（ $88）出場，勁有鑊氣。青辣椒香辣惹味，我最鍾意；男朋友緊係最愛雙腸，有粉腸和豬大腸，兩款都洗得好乾淨，完全無臭味，又唔算好肥，味道辣辣地，佢食到唔停口。啫啫蝦乾唐生菜煲（$78.00）上枱時發出吱吱聲，鑊氣十足又好夠熱。唐生菜翠綠爽口，加咗不

老友家住太和，知道大埔舊墟直街呢個鋪位礙於疫情，近年都轉過幾手，最近換上呢一家「阿三大牌檔」，話質素唔錯，性價比高，所以，一班單車友由大埔出發，踩車到大美督，再過新娘潭，落番鹿頸，然後兜沙頭角公路返粉嶺，回大埔，繞咗一個大圈，大概踩咗38公哩左右，之後，當然晌度食番餐好架啦，兼當喺開年飯，希望來年事事暢順，大家踩極都有。其實呢條街漸漸變成成條食街咁，平有平食，貴有貴食，豐儉由人。話大牌檔，但裝修沿用上家，似茶記多少少，當然，大牌檔之名主要喺將重點放番晌店家嘅小炒之上。店內地方都幾大，雖然裝修無咩特別，但最緊要喺乾淨企理，光猛整齊，坐得舒服，唔會唔自在咁。順帶一提，晌鋪面左邊，僻咗一角，喺動物友善區域嚟！翻翻餐牌，小炒種類非常之多，貼晒出嚟，唔花時間講喇。不過，溫馨一提，唔喺小菜套餐，叫飯、點飲品都另外計算，但就唔收加一服務費。餐具、糖包、牙簽……等等，就放晒晌枱邊，自由取用。蜜餞鱔球 $168呢個喺店員嘅推介，話喺新出品，問我哋有無興趣試，鱔球正吖，一於試試。每年白鱔都好大件，炸脆再配上啲黑醋蜜餞汁，食落去，啲鱔已好香口，又有油香，啖喺鱔肉，而個汁嘅酸味好沉實，唔嗆喉，帶有陣陣蜜香，大