蝦匠 (已結業)

放左工去九龍城買泰國野，途經被呢間勁大龍蝦招牌既餐廳-蝦匠所吸引住，差吾多到晚餐時間，於是就入去填下肚皮🙆🏻‍♀️招牌蝦湯配龍蝦半隻 (油麵） $88首先係擺盤方面都幾吸睛，如一隻手掌般大既半邊龍蝦放係最上面，配搭上旁邊既配菜，芫茜同炸洋蔥，令人眼前一亮。湯底方面，真係幾特別。豬骨湯，雞湯就見得多啦，蝦湯我仲係第一次見🙈豬骨湯就香，較多油。雞湯就清爽，不膩口。而呢碗蝦湯就鮮甜香口，每匙羹都帶有蝦既鮮甜，一點膩感都冇，即使飲完成碗湯，都吾覺得口渴，真係冇加味精既最佳証明👍及後先知，原來師傅先用豬骨，雞，青紅蘿蔔煲成清湯，再用8公斤既鮮蝦 蝦殼，蝦頭，蝦籽，蝦乾，蝦米熬足3~4小時，果然夠哂足料，鮮味十足呀‼️配菜方面有，龍蝦，蝦，扎肉，魚片，豆卜，芽菜。龍蝦厚身實肉，一點都吾腥，仲有埋蝦膏tim,正呀❗️而豆卜吸盡蝦湯既精華，食落湯水咇哂出黎，好juicy😍自選配搭 $44蝦匠湯 $20稻廷烏冬 $6芝士腸 $8炸午餐肉 $10形式有d 似車仔麵，不過入面既配料同粉麵更多元化，如有泡飯，龍蝦，美國肥牛等等。特別提下，炸午餐肉。厚切午餐肉，更有口感，炸過後既午餐肉更香更挺身，比未經炸過午餐肉好食

今日放假去左近近地嘅九龍城食晚飯，順便去日式超市行因為今日減價🙈揀左呢間餐廳因為見係新開張，評價又唔錯，我自己總覺得新開張嘅小店水準應該有返咁上下，因為佢地心目中有一團火😂兩個人叫咗個蝦餅，小食拼盤同埋花膠雞湯泡飯小食拼盤有雞翼，春卷同埋花枝丸～啱啱炸起新鮮滾熱辣👍 雞翼有少少椒鹽味，唔使點醬都夠味春卷好脆，裡面係白蘿蔔絲同木耳，餡料較淋身但幾夾花枝丸裡面都幾彈牙😁炸蝦餅係成塊上，自己鍾意切幾大舊都得，外脆裡面超彈牙！！絕對可以媲美高質素嘅泰國餐廳嘅炸蝦餅😱👏花膠雞係用鍋上，會點住火等個湯一路都滾住😄雞唔會太肥，幾滑， 花膠同雞嘅份量都好多，抵食👍👍店員服務殷勤同有熱誠，希望佢哋會keep住呢團火💪

大家都以為九龍城係食泰國菜嘅地方，原來依度有一間食平民龍蝦麵幾好味既地方，仲有我最愛嘅花膠添，舖名叫蝦匠，見到鋪頭門口已經好吸引，好大隻龍蝦做生招牌，經過一定留意到，店內裝修乾淨，舒服，座位寬闊，我同朋友每人叫左一個招牌麪試試，冬陰公蝦湯，湯已經包括青口，秀珍菇，番茄🍅，蝦，魚片，朋友加左$8叫左生菜，個冬陰公湯底酸酸辣辣好易入囗，又開胃，不太辣，連我朋友吾食辣都食到，另一個，叫左招牌蝦匠湯底，做緊推廣加$20有半隻龍蝦，心諗二十蚊龍蝦一定差，點知龍蝦大隻及多膏，肉質爽彈牙，正，大啖大啖肉，仲加左$15花膠添，$15有成三件花膠，平靚正之選，又養顏美容，加$8有竹笙，竹笙索曬啲湯底，好味牙，叫左兩款小食，台式花枝丸三枝$12，好有台灣風味，小食系蝦蝦霸霸$68，好大件炸蝦餅，炸得非常香脆，蝦餅用好多蝦砌蓉，所以啖啖蝦肉，而且仲有粒粒蝦肉添，口感彈牙，開心一餐

平時好少去開九龍城 但今日因爲係附近做完義工, 經過見到呢間新開食龍蝦既麵店 覺得價錢幾親民 就膽粗粗同fd入去試下皮旦(蝦匠) - $20一坐低整番個開胃小食先🤤皮旦可以配酸薑或蝦匠, 一場黎到當然要食蝦啦😂20蚊一份真係好抵得, 又香又惹味蝦蝦霸霸 - $68皇牌小食之一, 滿滿既蝦肉攪碎左, 再放個蝦餅去炸, 金黃色既外表令人垂涎三尺🤤一咬落去脆卜卜, 鮮蝦味隨即散發, 必吃之選👍脆香胡椒炸雞翼2隻 - $12平均只係6蚊一隻既脆炸雞翼, 淡淡既胡椒香味更引人入性😍炸台式花枝丸3粒 - $12塞滿左花枝粒既花枝丸, 一咬落去極彈牙👍摻摻麵, 冬陰功蝦湯配龍蝦半隻 - $88有得揀, 你至係老闆😂份menu好似揀車仔面咁, 有餸、湯底同麵底揀 任君選擇, 湯底我就揀左蝦匠湯配龍蝦半隻, 麵底就揀左店鋪推介既摻摻麵, 餸就揀左, 蝦匠滑, 魚腐, 同豆卜, 野飲就揀左檸檬天葵花 唔知咩黎不過都想試下🙈花膠雞湯泡飯 - $98 半隻我同個fd都覺得個麵既湯底 同泡飯既湯底都好正 超入味 👍🏽龍蝦啖啖肉又有蝦膏 $88呢個價錢黎講 算唔錯D雞都好滑 飯量超多🐷 下次可以叫少飯百香天葵

行街行行吓見到地面有個投影，舉頭一望，仲望到一隻大大立體龍蝦模型，再細看周圍，原來這裏是一間新開張食肆，招牌寫住蝦匠米線泡飯專門店，再望望門口餐牌內容覺得不錯，而且有不少客人光顧，就决定試試，況且炎炎熱日吃粉麵更爽。過了膠的餐牌與點菜紙是二合一，用炭筆點選後，可以用紙輕輕一抹，餐牌與點菜紙可以循環再用，極之環保。我點了$88蝦匠湯配半邊龍蝦摻摻麵（即係油麵加米粉，一碗試勻兩種口感。），龍蝦肉肉質實淨鮮甜，一對膠手套和鉗方便吃龍蝦，還有豆卜、鮮蝦、魚片、札肉、竹笙、芽菜......豆卜和竹笙同吸哂蝦匠湯湯汁，蝦匠湯味道和口感的確很豐富，小小香料還有炸蒜片乾、葱菜粒、芫茜，如錦上添花。現在鮮有食肆吃到葱菜粒，我却喜歡這小小心意！朋友A揀了$81清湯配摻摻麵，竹笙、芝心丸，走芽菜和香料。加$8的熱檸水。朋友B揀了$38蝦匠湯配摻摻麵，蝦匠滑、竹笙、豬腩片、札肉、鮮蝦。加$8的凍檸茶。還要一份有手掌心咁大的$68蝦蝦霸霸分享，肉質爽甜的炒蝦餅但畧嫌油膩少少。這裏還有泡飯，下次我要試試花膠雞湯泡飯！