梅光軒 (杏花新城) (已結業)

𝟚𝟟.𝟘𝟟.𝟚𝟘𝟚𝟚📌 梅光軒 (杏花新城) (杏花邨)杏花邨盛泰道100號杏花新城地下G39B號舖🔎#hkfoodieat_杏花邨 #hkfoodieat_機場 #hkfoodieat黃店💛 💸人均消費: $68-130🌿評分: 4/5🈚️加一服務費一直都好想試下屋企樓下呢間良心過江龍拉麵店🍜今日終於有機會同🧸嚟試下💗環境幾靚幾舒服😌加上食物質素都對得住個價錢🌟係值得去懲罰嘅黃店🌷ꕥ 蝦魂(蝦味噌拉麵) ($98) 湯底好重蝦味🦐一飲就覺得好有鮮味✨加上配料好足🙌🏻有兩隻開邊大蝦之餘仲有一大塊叉燒🥹仲有半邊糖心蛋🥚蔥嘅份量亦都好多🍜拉麵係曲麵份量多而且都幾彈牙🌟同埋都幾掛湯🥳本身略嫌佢少貴😣但見到咁足料同咁好食都覺得值回票價😚ꕥ 旭川拉麵 (鹽味) ($80) 相較之下呢個拉麵會遜色少少(事關蝦魂真係好岀色)🌷拉麵一樣彈牙份量一樣都多👍🏻如果細胃口啲可以叫半份😼($68)最欣賞呢個拉麵係佢啲荀🙀總共有三舊(唔係片)😻每舊都有5cm厚✨對於鍾意食荀嘅🧶真係好爽🙌🏻ꕥ 餃子(三隻) 因為係套餐😼所以跟拉麵會有小食同罐裝汽水🥤我哋兩個都揀咗唔使額外加錢嘅餃子🥟懷疑係整定🥲所以有啲凍同埋唔脆😢

梅光軒-被譽為最能代表北海道「旭川」的拉麵店，於1969年開業，亦是首家獲得旭川拉麵大賞之【最優秀拉麵大獎】，北海道本店亦獲得米芝蓮推介食店之美譽。以上堆嘢係COPY AND PASTE，講到好似好犀利，朋友又話聞說「好似攞哂獎，好出名」，咁就試一試啦。有拉麵套餐，當然唔會單點啦！蝦魂拉麵套餐($98 + 加$10 魷魚鬚 + 包汽水)蝦魂拉麵：湯有蝦味，尚算不錯，都會一啖接一啖；有兩隻開邊蝦，蝦肉正常；一塊薄豚肉，口感略鞋；拉麵無得選粗幼度同軟硬度嘅情況下都尚可接受；溏心蛋再溏心少少會更理想。魷魚鬚 ：炸皮唔夠脆，食落成口油，諗返起都驚驚地。Ｗ豚拉麵套餐($98  包粟米粒同綠茶蕨餅)W豚拉麵：鹽味湯底，只能說唔太合我口味，愈食愈咸，頂唔順；有兩塊灸燒五花叉燒，味道同口感不過不失。粟米粒：牛油粟米原本係我好鍾意食，但梅光軒嘅粟米簡直係挑戰我底線，似蒸耐咗嘅地們粟米，食剩一大兜！唔香又唔甜，需改善！綠茶蕨餅：咬落唔會好淋，味道都唔錯，算係當晚除咗蝦魂個湯外算唔錯嘅食物。總括而言味道：★★☆☆☆服務：★★★★☆性價比：★★☆☆☆ENCORE指數：★★☆☆☆

放假去海邊吹下海風，見到這間拉麵店，落地玻璃，座位比一般的拉麵店寬敞，所以就入左去試下。我們點了蝦味噌拉麵（蝦魂）和麻辣拉麵。蝦魂有兩隻蝦，而且都幾大隻，有蝦味，仲有日式叉燒，感覺好抵食，個湯底都好有蝦味。麻辣拉麵就有豬肉粒，見到上面有一層麻辣油，好香，不過若果減肥就要選其他了。兩個拉麵的份量都比一般的拉麵店多，所以應該夠飽。相反，如果嫌太多，可以叫半份，好有彈性。剛好我們坐在落地玻璃旁邊，好光猛好舒服。

每次去梅光軒，都忍不住翻點蝦魂，蝦新鮮燒得很香，溏心蛋剛剛好，最重要的蝦湯底濃而不膩，洽到好處！如果平日午間，就一定選炙燒五花腩丼，燒得油花香味四溢，加上煎日本蛋，撈飯一流，仲有小食同飲品，六十元不用，性價比高！門口賣的日本蔬果好多時都有驚喜，價錢合理，日本洋蔥也只是十元三個，日本蛋五十元兩盒。

每年都會去北海道旅行, 每次番香港之前都會去機場拉麵街食碗拉麵先番香港, 近幾年都一定會揀梅光軒, 今日帶阿囡去杏花村參加佢既同學仔生日PARTY, 之後去商場買波鞋, 換泊車優惠諗住離開, 突然見到一間好吸引既店, 再望招牌原來係梅光軒, 就好自然入去食碗拉麵先走, 香港店選擇比新千歲機場店多, 但經店員介紹下, 就點了蝦魂一試, 因為做緊PROMOTE有甜品或餃子送, 蝦魂一碗要$98, 比日本食還貴, 但係現今香港食到一碗有質素拉麵$98都可以接受, 先講湯底, 好濃味既蝦湯, 但一點都不油膩, 真係食到用好多好多蝦去餚出黎, 香港梅光軒既拉麵同日本都好似一樣, 曲麵, 夠彈牙, 掛湯, 配料好豐富, 有2隻大蝦, 開左邊, 唔駛整污糟手, 店員又好細心比定隻碟放蝦殼, 值得一讚, 仲有索晒蝦湯既芽菜, 蛋, 叉燒, 紫菜, 好滿足!總括黎講, 香港梅光軒同日本梅光軒一樣, 好高質素, 原本一年只有一次機會食日本拉麵, 但現在隨時都可以揸車去杏花村頂當先

搬到杏花村已有8年, 終於有一間真正的日本拉麵店上月先開張的梅光軒日日都排長龍, 直到今日1:45左右, 見人龍只有5個, 就把握機會試試, 等待期間, 店員好有禮貌經常出黎講唔好意思, 仲要等多等..... 服務態度不錯當有位, 店員會給一張點餐紙及水筆點餐, 非常好, 夠環保, 餐牌上有一款開業限定麵叫蝦魂, 仲有草莓大福送, 不用再選即刻落單, 怕大福送晒, 同埋即刻選定顏色, 怕想要既味送晒檯面有日本茶供應, 調味料都有好多款揀, 突然間聞到一陣蝦味, 原來我叫既蝦魂已到, 第一口入湯, 全部都係蝦味, 好濃, 應該真係自己煮既蝦湯, 唔係溝出黎, 真係好夠味, 湯又夠熱, 勁正. 再黎食麵, 因為蝦湯好濃, 麵條攣攣的, 一夾起連湯一齊入口, 感覺好正, 配料有2隻大蝦, 仲要好貼心開左邊, 容易入口, 唔需要再拆殼, 又有叉燒, 又有菜, 蛋, 超級豐富, $98真係值, 麵條好等別, 雖然似公仔麵, 但真係完全不同, 彈牙, 唔會太淋, 口感好好, 問番店員, 原來梅光軒既食材全部都係北海道黎, 麵都北海道做, 但睇番成個餐牌價錢, 真係豐儉由人,  由最平$58, 到最