尚香 (已結業)

平時好少黎旺角既我，今日終於為咗我最鍾意食既小籠包慕名而來啦！黎到廣華街，真係大開眼界。呢到365日都好多嘢食，有最出名既肥姐小食店，媽咪雞蛋仔，仲有啲台灣珍珠奶茶呀，彩虹雪糕呀，麻辣牛雜呀等等，唔怪得之啲人咁鍾意黎呢到掃街啦！ 今次黎到尚香，座落於廣華街既街頭，人流比較少。店名寫著 “舌尖上的中國”，似乎幾有睇頭。 店舖細細咁，但就提供四款指定點心。難得黎到不得不試佢地 signature 既巨型湯包。 蟹皇湯包用個筲箕器皿裝住，手掌size，好大個，好可愛。我好欣賞佢超多湯喔！我用飲管飲咗一啖，ummm… 覺得有少少腥，所以建議加啲醋食。個外皮幾薄，用竹籤戳穿會見到蛋黃色既蟹黃，一絲絲既蟹肉，但比例上就細啲。 哇！好熱呀！影完未呀？兩款小籠包都用紙兜裝住，所以佢話好熱… 嘿嘿。 蟹黃小籠包頭頂上面有橙色既蟹膏，好容易分辨到佢地同鮮肉小籠包既分別。兩款小籠包個摺口位好厚，但我鍾意，哈哈！ 每隻小籠包都有湯，嫩嫩的，味道上就差不多，但心裡上總覺得前者好食啲。 佢仲有糯米燒賣架。但我地唔食糯米，所以就無試到嚕

人多車多嘅旺角，夏天真係唔駛旨意我A姐過嚟呀！不過，嚟到冬天，就算都係咁迫人，但至少唔會熱到人想發脾氣先啦！之但係呢，約食飯就總有人遲到，好似我A姐咁又靚又守時，早到又肚餓點算好？不如去走到登打士街同廣華街一帶食少少小食啦！魚蛋？燒賣？牛什？臭豆腐？通通NO WAY！呢間打正『舌尖上的中國』旗號嘅尚香，好似好架勢咁！等我哋都排吓隊試試先！呢度選擇唔多，除咗唔會令你花多眼亂，店長仲可以做好每樣食物嘅品質：蟹皇湯包、蟹黃小籠包、鮮肉小籠包同糯米燒賣。蟹皇湯包($45 - 1個)好似我哋呢啲咁高貴大方又有儀態嘅女仔，望住成隻手咁大嘅蟹皇湯包...放心！企喺條街食都唔會狼狽㗎！首先你要用特製嘅竹簽啜咗入面嘅湯先，呢個湯好濃好濃嘅蟹味呀，勁鮮甜，加上喺呢個凍冰冰嘅環境下食呢個超多湯汁嘅蟹皇湯包，真係好溫暖呀！而湯包入面真材實料架，真係有蟹肉蟹羔同蟹粉㗎！記住，我A姐話嘅，盡量唔好落醋，或落少啲醋會更正呀！蟹黃小籠包($45 - 5個)真係皮薄餡靚呀！小小嘅包子但都無偷工減料，好鮮甜嘅蟹肉味，湯汁都係好香濃，一啖一隻至正呀 (不過小心熱喎) ！鮮肉小籠包($35 - 5個)雖然無咗蟹肉嗰種鮮甜，但

口感 8/10外皮都算薄嘅，透透地睇到入面，但又唔會撩兩撩就散晒，合格！湯汁唔會太油，濃得黎清澈。肉餡比想像中少，所以千其唔飲晒啲湯！只為齋食皮同餡嘅口感都幾sad sad🐷味道 8.5/10湯包入面嘅唔係普通小籠包入面嘅肉汁，而係非常香醇濃郁嘅雞湯😋👅🕳都好鍾意飲雞湯，所以好岩口味餡就同蟹粉小籠包差唔多，蟹粉味唔算好重，不過合格嘅。平時食小籠包，👅鍾意落大量醋。不過咦個湯包本身嘅味已經好正，另外加醋反而會破壞左整體嘅平衡。抵食 7/10其實啲湯真係好好飲！不過價錢真係高左少少，最悲哀嘅係食完第一個會想食多個🙈但係兩個加埋差唔多一舊水...所以都係食住一個，吊下癮😂

同同事咁啱要去旺角做野拍野拍到餓餓地 決定周圍睇下有咩小食可以填下個肚啦行行下見到有幾個人圍住間鋪頭 原來係賣湯包就決定同同事share一個試下喇尚香原來在江蘇已經開業左20年在大陸有大概30間分店然後終於係16年嘅時候開到黎香港喇只賣4款上海小食分別係 上海小籠包 糯米燒賣 蟹皇小籠包同埋俾能大陸知飲食節目《吞尖上的中國》所介紹過的蟹皇湯包咁出名就當然係嗌呢個啦$45/個 雖然係蟹皇 但講真 都係有小小貴嘅落左單就同同事企埋一邊等 我就掛住睇番頭先做野啲相正想同同事傾下啲相之際 就見到有客人好快買完即刻走左果下仲心諗 點解佢遲過我地咁快就有嘅問一問同事 原來尚香係可以買未蒸過嘅番屋企原來湯包都可以加餸 下次又買番半打番屋企扮係自己包嘅先終於等左一個字左右就有喇唔好以為個湯包有成個紙盒咁深其實個膠盤有幾深佢就得幾深下面嘅紙盒口係比大家易拎啲唔會辣親架咋另外 小編仲要提提大家食湯包嘅時候真係唔好心急 因為所有湯包都係即叫即蒸佢入面全部都係湯 而且仲係好熱最好就係等相機「食」先 之後先用店家提供嘅麥穗飲管插入包中慢慢品嘗佢嘅蟹鮮味飲到差唔多 就可以用竹纖吉開個湯包喇不過小編又要提提大家喇雖

旺角出名多野食 無論你走到咩街都會有不同特色既餐廳當然你要去掃街就一定要走到登打士街同廣華街一帶喇咁岩我又唔想坐定定係到食野 就走去掁掃街啦講到掃街文化 我諗由八九十年代開始 魚蛋燒賣牛什腸粉等等既小食車開始紅極一時然後又到台灣夜巿 真係掃街掃到窮時而勢逆 又要又要講衛生 又要講阻街不阻街 係一個又要威又要戴頭盔既年代 掃街文化都有好大變化要好味要多人食又要排隊咁先叫好野!!成日都係食開類似小食 有啲悶但比我發現有間新舖開左竟然係食小籠包?! 真定假先 小食小籠食 好高端喎!!!舌尖上的中國?! 好語重深長喎不過佢有湯包 又有蟹粉小籠 幾吸引神奇的包子 哈哈!! SO爆 我就試下你有幾神奇超卓頂級先!!!!!隔住望入去 見到岩岩蒸起既湯包熱辣辣 大大個 冬天食真係望到都暖呀!!!蟹皇湯包 $45樣子可愛 大大個 我諗有手掌咁大隻你係會見到啲湯係包入面走動皮簿而清 但又唔會好容易吉穿 唔錯!!其實係因為呢個湯包而入選「舌尖上的中國」呢個係中國央視製作既大型美食紀錄片入得去都係有一定水準同紀錄性 相當有級數!!!!!!!!!!支竹係通窿既 方便比你飲蟹湯而且唔用膠管係好細心又環保既做法入面

呢日美豬出城，出左市區覓食，黎到呢度，一嚐傳聞中神奇的包子。呢度主打小籠包、湯包等，因為無座位，食客一係外賣，一係站店旁食。嘩！因為要即蒸至好食，蒸包需時，需要耐心等一陣。好在呢日平日下午tea時段人潮唔算好多，都係等左一陣。湯包出場~~有枝竹管俾人先吸d湯汁，記得小心，真係熱，先細細啖試左溫度先，唔係會熱親條脷。個湯幾清，又未至於好鮮，不過都ok，去到尾要整爛個皮時，飲剩d湯係甘漏出黎，搞到有少少「呢 hea」，記得加小小醋落去提味，甘食埋個皮同d餡就更perfect，個皮幾好味，滑同薄。鮮肉小籠包   (唔知有無小鮮肉呢？) 都唔錯，爆汁，不過同有次喺上海食某間老店比，都係有少少距離。