不籽是咖啡 (藝里坊・1號)

營業中

休息中

不籽是咖啡西營盤分店位於地鐵站B3出口，一出就見到地點好方便！旁邊就喺藝里坊壁畫街，充滿藝術氣息。波希米亞風格嘅餐廳門口，有大量植物梳化打卡位，室內樓底好高空間感十足！夏天嚟真喺好Relax～🦀🥐蟹籽蟹肉炒蛋牛角酥窩夫 $88表面喺大量蟹肉絲同蟹籽, 中間喺厚身炒滑蛋, 底部喺牛角酥窩夫🥐 伴碟為菜苗同沙律菜~ 蟹肉蟹籽味道都幾香, 窩夫放耐咗少少需要用多啲力量切開～切開時上面嘅蟹肉啊蛋啊就會倒下🤣　窩夫食落都OK酥~ 🍰巴斯克蛋糕 $55估唔到表面有Cream同埋有塊乾橙片～蛋糕綿滑入口即化！焙茶味道好香芝士味夠濃🥰表面唔會太過焦，蛋糕大大塊下午茶份量剛剛好喔！🌺玫瑰茉莉花茶 $75茶色金黃，天然味道帶有清幽嘅玫瑰茉莉香味～食濃味嘢都可以去除口腔感覺☕Americano $40 

好耐冇黎呢間位於西營盤嘅不籽是咖啡。呢間分店地點非常方便，喺正西營盤港鐵站出口附近，不過其實係喺內街寧靜嘅一角。餐廳門口傢俱擺設好有特色，入到去樓底好高，空間感足。裝修以木材為主，仲有綠色植物同仙人掌，似置身園林。餐牌主食有燉飯，烏冬，意粉，全日早餐，沙律，小食，牛角酥窩夫，吐司同甜品。飲品除左咖啡之外，都有茶，朱古力，梳打，花茶，水果茶。冇加一。之前次次都食招牌菜式，今日一於試新野。乾炒大蝦蒜香意粉 $118乾炒大蝦蒜香意粉上枱唔算大大碟。意粉係幼身扁意粉，非常al dente，味道好有蒜香之餘又唔油，我鍾意。撈埋菇仔同洋蔥片一齊食好有口感，仲加左少少碎紫菜喺面增添味道。去殼蝦仁3隻，鹹香又爽口。蟹籽蟹肉炒蛋牛角酥窩夫 $88牛角酥窩夫即係將牛角包壓到窩夫咁，於是普通窩夫就變左有勁多層次嘅酥皮窩夫，除左當甜品食，都可以鹹食，今次呢個蟹籽蟹肉炒蛋牛角酥窩夫就係啦。牛角酥窩夫上面先放上厚身炒滑蛋，再有蟹肉同蟹籽，最後加上少少菜苗同香草。先空口試吓蟹肉，好鮮味喎。用刀切開個窩夫聽到清脆嘅切酥皮聲，食落都仲脆口，配滑蛋同脆卜卜蟹籽食仲有多重口感。伴有沙律菜同半粒車厘茄，沙律加左香甜柚子醋開胃