正宗上海生煎皇 (已結業)

登龍街簡直是一個小美食天堂, 全條街都是食肆, 還要有很多不同種類的菜式, 必找到合心水, 食完正餐還可食埋甜品, 真是大滿足。先由街頭行到街尾看一次, 差不多行到街尾便被它吸引了…..大大個燈光招牌鑲在門口正中央, 還配上幾個燈泡, 門面好搶眼奪目。門口還擺放了一塊大餐牌, 亦貼上一張生煎包大海報, 看到一個個金黃的生煎包已忍不住了!內裏地方不多, 近門口是一個半開放式的廚房, 可稍稍看到各師傅們在製作生煎包、小籠包等等...大家都好投入呀! 左右泊牆設有一排長長的沙發座, 配上二至四枱, 座位不多, 地方略為狹窄, 大家要坐得親密啲呀！今晚就差不多座無虛席, 厲害！地方雖小, 但裝潢富心思, 牆上有大批報導和合照, 全部都鑲起來, 整整齊齊, 可見店主有多珍惜它們。另外, 還有大大幅菜式的海報, 非常吸引, 未食已令人不禁垂涎, 哈！店子雖小, 但所供應的食物一點也不少。細看點菜紙, 分別有招牌包點、前菜、小食、菜飯、熱炒、湯麵、拌麵、湯和飲品, 而每項都有很多選擇, 仲有兩款新口味生煎包。咁多選擇, 點揀好?******************************招牌包點是必

自上星期病倒後，XO仔晚晚返屋企都被迫食白粥清腸胃，唯一只可以靠午飯時間偷食。適奉萬聖節，因身體不適早已決定夜晚唔會出街狂歡，朝早就專登穿起功夫裝，大玩另類制服誘惑，中午行咗去登龍街間「正宗上海生煎皇」扮龜仙人搵「小籠珠」應吓節。透過地舖門面o既玻璃窗可望到師傅們忙碌地工作，個個帶哂帽，廚房整潔企理，感覺衛生良好。小肥一枝公搵位一啲都冇難度。午餐時段o既點菜紙合共有兩張，藍色面嗰張為閒日限時供應o既套餐。細佬一心為找尋「小籠珠」醫肚肚，唔洗多諗已選定要點小籠包黎食！灌湯小籠包（$33）：小籠包每籠有四隻，上枱時出哂煙，証明新鮮蒸出黎，大家都要小心睇熱。小籠包皮層巧薄軟熟，「珠」肉餡心幼嫩柔滑湯汁夠，個人覺得好好味。蟹粉小籠包（$35）：蟹粉小籠包一籠有兩隻，每隻o既頂尖位置都可清晰睇到滿瀉o既蟹粉。同樣熱辣辣o既蟹粉小籠包除咗皮薄之外，其蟹粉更鮮香撲鼻，食落即嚐到大閘蟹獨特o既鮮甜，單單食兩隻真係有少少唔係幾夠喉，嘻嘻，結果當然係要追加啦！「正宗上海生煎皇」環境企理衛生，服務生友善且效率高。小店雖然主打生煎包，但當日化身為龜仙人o既XO仔立心為偷食「小籠珠」而來，最終一口氣食咗八粒正爆

行銅鑼灣想平平地食餐中式又特別小小既lunch 咁啱見到呢間幾多人食 又可以係出面望入去佢點整 好似幾乾淨 幾吸引原來呢間唔只生煎包 小籠包呢啲點心 而且仲有唔少主食 好多選擇可惜我個陣一個人去所以就淨係叫左點心啦首先點左兩個上海生煎包（$18） 外表小巧 賣相吸引 原來個底煎到一層金色 咬開後皮薄肉厚 肉質嫰滑 仲要勁多湯汁 差啲食到爆汁 正呀原來枱面有張紙教我地點食生煎包架 真係要小心 熱辣辣另外都點左兩個蟹粉小籠包($35) 呢個真係必點雖然只係細細件 但真係勁真材實料 超薄皮 超大既肉餡 超濃既蟹味 正而且仲係勁多香濃湯汁架 果然係正宗蟹粉小籠包 好想encore最後都叫左杯豆漿（$10）豆味濃 唔會太甜 都幾好最後埋單只係六十幾蚊 但係呢區咁既價錢食到咁豐富好味既一餐 唔錯唔錯

一開始比個餐牌大家睇睇先價錢銅鑼灣黎講，便加上佢既質素就，抵鱔糊粗炒 - 這個炒的入味，鱔魚肉不會霉霉爛爛味道不錯，骨少，可以好放心大大淡食，值得試蟹粉小籠包 - 小籠包最重要皮簿而不穿，呢個菜式做得到，我夾住佢個頂，他不會黏著底紙，所以好輕易就夾起不會弄穿，咬開個頂，濃郁既汁香撲鼻，口入面既皮頂，好簿，好快可以咬碎吞下，再吃精華。醉雞 - 醉雞重酒雞香，兩者皆備者佳。呢個菜都做到佢唔會鞋口，雞味有，唔會有雪味，酒味都有，唔會蓋過曬雞味，味精不濃上海生煎包 - 這道菜，好吃，包皮不乾，包內肉汁多，足料生煎包👍🏻標準既生煎包原來係咁巧巧jet有機會再試～可以留意下大食評家既食評😎

第一次食依間小店，驚喜十足 星期六下午到訪，店內已經坐冇虛席，但等左一陣就有位啦餐廳的價錢定位不算高，係非常抵食，我和友人一共叫了四道小食加兩杯豆漿先來兩杯凍豆漿，味道唔太甜，且重豆味係健康之選另外叫了生煎包，外皮煎得十分香脆可口，內裡充滿鮮甜的肉汁，食多幾粒都唔覺膩冷盤方面叫了醉雞，酒味十分濃香，非常適合愛酒人士啊雖然店鋪出名生煎包，但都想試下依個蟹粉小籠包，一樣充滿肉汁啊，果然不比生煎包遜色最後叫了鱔鰗粗炒，用料十足，且份量多，足夠二人食用正啊總結來說，這餐性價比高，下次會再食

時代廣場附近，真的隱藏了不少CP值滿高的餐廳。選擇了這家專吃生煎包的上海餐廳，還真的是被它長長的人龍吸引到。我們吃了半個多小時的時間，真的是坐無虛席牆上都掛滿了不少飲食雜誌的報導，感覺我們找對了餐廳吧作為餐廳的皇牌美食，怎可放過呢！香脆的外層，加上滿滿的肉汁，我決定給個滿分！到底有多好吃，你們親身試試就知道！這個小籠包，皮的厚度剛剛！不會太薄，不易弄破浪費肉汁也不會太厚，影響口感喜歡酒香的朋友，可以試試這道菜。酒的味道，真的很濃很濃很濃很濃...最後來個鱔鰗粗炒，一餸兩食，作為完結還不錯！記好了，生煎包，必須吃

🖊朋友介紹銅鑼灣某間戶外用品店的東西很便宜，於是，一早來到銅鑼灣看看，看完後都差不多是食晏時候，於是，走入登龍街醫肚。登龍街這幾年不經不覺已經成為食街，各式各樣食店林立，當你在銅鑼灣區走得餓了，這條街的食店實有東西啱你吃。🖊今次我選了這家吃生煎包的！小店很乾淨企理，環境不會太迫，桌面有提示客人吃生煎包時要注意的標貼，有趣得來又貼心！☀️上海生煎包 $18 兩個包皮又薄又香脆，肉汁豐富，餡料調味恰到好處，好味！☀️蟹粉小籠包 $35 兩個是另一道得意之作，皮薄，蟹粉很鮮味，放在口中肉汁澎湃，正。☀️紅油抄手 $33 六隻皮薄得看到裡面的餡料，外形有點像雲吞，咬落啖啖肉，我叫的是小辣，很惹味!🖊整體來說，各樣食物味道不俗，價錢在銅鑼灣的食店來説算好抵食，而且不用加一，下次一定會再來😻◦🔚