龍點心 (Eastcore)

營業中

休息中

趁住今日冇乜野做早放工，約埋阿媽去食個點心下午茶🫖呢間龍點心就係裕民坊斜對面，都好易搵😌龍點心有好多款創意點心，平時食點心食到悶，可以黎試下，有啲新意有驚喜🤩羊肚菌燉水鴨🦆🍲燉湯好足料🤩有羊肚菌、蟲草花、紅棗、水鴨、雞腳，啖湯超濃郁🤤燉湯將所有材料嘅精華聚集喺湯入邊，真係啖啖精華🤩🤤蟹粉菠菜香蝦餃🦀🦐蝦餃上面有三文魚籽，加上蟹粉同入面既粒粒蝦，成個蝦餃鮮味提升好多，入面仲有啲菠菜平衡返，食晒一籠都唔會覺得膩😋鹹蛋黃墨魚燒賣🦑非常貼心插住提示旗仔：爆汁💥果然真係！阿媽筷子一夾🥢入面鹹蛋黃醬汁咇出嚟😂食嘅時候真係要小心🤭墨魚燒賣好彈牙好有墨魚味，而且做鹹蛋黃芯好有心思👍🏻脆脆富貴紅米腸粉🦐有啲似炸両既變奏，脆得黎入面又有好多蝦肉，每啖都有蝦既鮮味🦐🦐🤤仲有三款醬汁可以俾你點，每舊都有唔同既變化👍🏻😋一口鹹水角👄呢個唔係平時食開鹹水角既味，真心有驚喜😳餡料味道有豉椒味，我覺得有少少似蒸排骨😋非常特別👍🏻鳳爪排骨飯🍚鳳爪同排骨都蒸得好腍，味道浸晒落啲飯度非常惹味😋👍🏻🤑 人均消費：～$150🤩 推薦指數：8 / 10📍 餐廳資料：龍點心 (Eastcore) (觀塘)觀塘觀塘道398-402號

這家點心店充滿玩味，從裝修到餐單的設計都非常有創意。特別是他們的燒賣，不僅款式多樣，而且非常可口。以下是我最喜歡的三款點心：首先是翡翠響鈴腸粉，這款點心的特色在於腸粉內層的響鈴非常鬆脆，而且裡面還捲著紫菜，沾芝麻醬或豉油都很不錯，讓我吃過不停。接下來是滷水鵪鶉蛋燒賣，這款點心上面的鵪鶉蛋和台灣的鐵蛋有些相似，很入味，而且裡面還加了少許川辣味，整體概念新鮮，又惹味。最後是蟹粉菠菜香蝦餃，這款點心看着就不簡單，咬下去能感受到蟹油的香氣，而且上面還灑了一些三文魚籽，讓整個口感更加豐富，實在喜歡。除了以上三款點心外，其他的點心味道也不錯，並且具有一定的創意，但沒有給我帶來太大的驚喜：鹹蛋黃墨魚燒賣（$42；圖九點鐘位置）、筍尖蝦餃皇（$40；圖兩點鐘位置）、松露野菌晶瑩餃（$38；圖中間位置）、羊肚菌牛肉球（$42；圖十二點鐘位置）、黑金流沙包（$38；圖三點鐘位置）和馬拉小籠包（$42；圖五點鐘位置）。雖然它們的配搭非常有趣，但整體味道卻沒有太多亮點，讓人感到有點可惜。如果你想要嚐試一些不同於傳統點心的口味，我覺得這家店值得一試。

雖然疫情期間要抗疫，不過有時都要透下氣，今日去左試新餐廳，地點係觀塘既龍點心，係一間主打點心既中餐廳。用手機落單。餐牌有蒸類，腸粉，炸物，主食，拼盤，甜品，飲品。今日第一次黎，點左幾款點心試試水準。一龍大滿足 $58 另加一一龍大滿足係一客6件點心，新張期間減$10。6件點心好精緻，用個木盤上枱，個蒸籠印左餐廳嘅龍字，熱辣辣。6件點心分別係：蟹粉菠菜香蝦餃：薄薄綠色餃皮包住類似豬肉餡同少少菠菜，上面嘅三文魚籽鹹香味好搶。酸菜魚鳳眼餃：係橙色餃皮包住類似豬肉饀，上面加左一細塊魚片，食落帶微微花椒味。松露野菌晶瑩餃：係藍色透明餃皮包住野菌碎，食落啖啖脆菌並有淡淡嘅松露香味。筍尖蝦餃皇：爽口啖啖肉，餃皮唔會過厚。碗豆桃子：其實係迷你壽桃包，中間有綠色豆蓉饀，如果多啲饀就好。臘味糯米燒賣：即係外皮包住臘味糯米飯粒，以燒賣造型上枱，味道不俗。龍燒賣 $38 另加一龍燒賣一客4件，都係新張期間減$10。造型別緻，分別有：懷舊燒賣：係蟹籽豬肉燒賣，食落啖啖肉，質素唔錯。麻辣牛肉燒賣：係彈牙牛肉球上面加一粒粟米粒，果然貨真價實帶麻辣味，好食得黎唔會太辣。番茄海鮮燒賣：有好香番茄湯味，上面加一片薄薄帶子

呢間專賣點心的新餐廳，經過Eastcore一定會見到，無他，餐廳裝修用色好sharp夠光猛，門口的龍公仔擺設非常搶眼！新年嚟食開年點心，賣相精緻味道唔錯一龍大滿足(6件點心) -筍尖蝦餃皇-酸菜魚鳳眼餃-松露野菌晶瑩餃-蟹粉菠菜香蝦餃-糯米燒賣-豌豆桃子>一口氣可試勻6款點心最啱心多多嘅我！蝦餃蝦肉爽口，酸菜魚鳳眼餃呢個口味幾有特色、少少辣味魚肉新鮮；糯米燒賣裡面有膶腸幾香糯好食；豌豆桃子嘅豌豆餡味道有新鮮感、粉糯口感唔太甜蟹粉菠菜香蝦餃 >綠油油蝦餃配橙色蟹籽好奪目！蟹籽卜卜脆配菠菜蓉和蝦，味道唔過鹹幾好食脆脆富貴紅米腸粉 >呢個好好食，裡面嘅油炸鬼酥脆香口，蝦肉爽脆唔在講，紅米腸做到煙韌口感，附上三個醬汁各有千秋：點麻醬香啲我最like，鍾意食辣有酸辣醬，點豉油就最正路嘅食法松露野菌晶瑩餃 >深紫色的餃餃令我心心眼！松露味都幾出更提升野菌鮮味，呢款清清地唔錯；呢間餐廳嘅餃皮全部都做到晶瑩煙韌口感、幾有水準黑金流沙包 >黑金雙色的包體視覺瑰麗！包包入口鬆軟帶點煙韌，一搣開流沙奶黃餡奪包而出好壯觀，味道香濃櫻花果凍天鵝酥>真係要讚點心師傅