極尚大喜屋 (銅鑼灣廣場一期)

營業中

休息中

好耐無食過放題啦，發覺人越大，好似戰鬥力越弱😅，太唔應該啦。朋友又係嗰種唔食生嘢嘅人，所以盆刺身都無咩氣勢咁。呢間都食咗幾次㗎啦，唔算差，又唔算太好，不過人均$284，假期嚟講算ok啦，食物品類都多，基本有7成我都無點到，因為根本係食唔晒嘅。味道都不過不失啦，我都收貸嘅，刺身新鮮，雪燕蛋白好味，但係天婦羅差啲，皮比較厚而且油。不過佢漏單情況比較嚴重，我用我手機點單，好幾次都無出餐，我點天婦羅，一品料理，幾次都無嚟，反而我朋友好啲，不過都有漏單嘅情況，以前嚟都無呢啲問題，幸好可以用我朋友嘅手機再點 ，如果唔係都幾掃興。希望餐廳呢點要改善吓。

極尚大喜屋日本料理係我既放題「首選」.....價錢抵(唔超過每位$300)之餘, 而且食物質素非常好....雖然有留單情況, 但留單情況尚可接受, 都明白多張柯打總會有遺留。坐位非常寛敝舒適, 環焙境乾淨但廁所就好似無人清潔......

今日公司請食中秋午飯當然食放題啦～真知同事心爽啊，竟然有花膠，鮑魚，花菇，烏雞湯，好食材，中午時間都有得食，但要排隊，每人一份刺身最愛，大大隻甜蝦，拖羅，三文魚，油甘魚，帶子等等，好新鮮，叫左好多次刺身壽司都好吸引，大件又好食，足料炸蝦都好味，又脆口蠔混入雜物及加上沙律醬去焗，超香，但蠔肉比較細粒，差少少就搵唔到羊架燒得超香，又有香草味，讚啊太多食物選擇啊，2個鐘太少時間，我好多食物和飲品都未試啊