一門 (已結業)

星期六睇完戲, 帶左女友黎到一門食晚飯, 由於已經9點幾,所以無需等位就已經可以入座, LUCKY!其實之前黎過幾次, 鐘意佢和風既裝潢, 柔和的燈光, 同比較靜的環境. 特別o岩情侶慢慢食,談談心.畢竟食野並唔係只為充飢嘛, 氣氛都好緊要!! =P是晚點左3款食物, 首先當然係一門最有名的厚燒玉子 (上面有寫住《一門》架!) 今日選擇左蟹肉口味. 有別於一般玉子燒, 厚燒玉子比較有質感, 當用筷子割開時蛋香四溢, 當中再以蟹肉配上帶甜的香滑玉子, 2種口感混合實在一級棒!  之後係女友點的東洋卷. 不得不提, 未放入口, 單看賣相已經好高分. 卷身係以班戟皮包上蟹籽, 牛油果同鰻魚. 牛油果既香且滑, 配上香軟既班戟同彈牙既蟹籽, 效果出乎意料的好! 值得ENCORE!  XDD再來是牛舌串燒, 牛舌夠厚身有口感, 亦夠入味, 已經比一般串燒店做得好. 但對比起東洋卷既特別就唔夠驚喜了

約左位同樣是識飲識食的朋友仔出來, 今次地點由她決定, 恰巧一門都是我其中一間想試的餐廳。本身想訂7:30, 但要9:00交枱, 因為不想太趕, 所以訂左bar枱, 無限時交枱, 大家要去的話記緊訂定位先。成間餐廳都好黑暗, 只有很微弱的燈光, 入座時看不見門差點檻跌低。本想問侍應要茶, 但原來要收$15壺, 決定叫飲品。 柚子梳打燒酌$36: 平時都好少飲含酒精成份的飲品, 入口真的有少許酒味, 對於不飲酒的我都不難入口,最底有些柚子蜜,飲到最後都不會變淡哂。 蟹肉厚燒玉子$50: 絕對不能不叫,另有海膽、原味、葱、蝦等味。蟹肉很鮮甜, 玉子甜甜地而且好鬆軟, 感受到佢彈下彈下咁, 記得很久之前吃過一件極甜又實的玉子壽司, 令我不敢再試。坐bar枱有樣好就是見到師傅係在面前煮東西, 真是密密整未停過手, 煎好之後又會用個模印個logo係蛋面。 東洋卷 $48: 這個又是值得推介, 外面是軟軟的班戟皮, 甜甜的帶蛋香, 包住好creamy的牛油果、肥美的鰻魚、同埋滿有咬口的蟹子, 仲有少量沙律醬,真是意想不到咁夾, 但價錢可不便宜, 廿多塊一件。 燒牛舌 $25: 原來朋友仔也愛

一出電梯就眼前一黑, 好彩有心理準備. 不然以為自己去左玩鬼屋.這裏的環境真有一點格調, 好有果D地道日本居酒屋feel. 老板的確花了不少心思.我book 了7:30pm 二人枱, 但要坐吧枱, 9 點要交枱.我們點了 :1. 蟹肉厚燒玉子 - 估唔到係咁甜喎. 雖然唔難食, 但感覺怪怪地.2. 香炸芝士 - 這個不錯, 唔係好熱, 剛好可以入口, 外層好脆, 裏面好軟綿綿, 好煙韌.3. 鰻魚鍋巴茶漬 - 個賣相只是一個gimmick. 可能d食物上得太快, 我們最後食這個, 個湯只是微暖, 鰻魚味道不錯. 整體只可以話 okay 囉.4. 煮豚肉 - 成道菜都好深色. 有豚肉, 有菜有豆腐, 都頗豐富.我們 8:15pm 已經差唔多食完. 剛放下快子, waitress 已經收碗, 洗唔洗咁呀 !!! 仲有45分鐘先到 9:00pm. 結果我地埋單去糖百府食甜品.如果想傾計, 千其唔好黎e到.

在芸芸眾多日本餐廳中，要留意到每一店的特色是絕無可能，而這間「一門」受注意，卻是從討論區起，看過食家介紹一個很經典的食評，惹來被三百多個留言回應和謾罵，而餐廳的經理和員工卻因而受到高度評價和同情，是始料所不及，也可能因禍得福。約了友人來「一門」，甫入門是漆黑一片，燈光微弱，我們被安排坐吧檯，因其他檯已訂滿了，也好可看看師傅的廚藝。我們商量後，點了眾多食友推介的蟹肉厚燒玉子，鰻魚鍋巴茶漬，帶子串燒，芝士雞肉串燒和牛肉石頭飯，而廚師推介了鮑魚給我們，餐牌上是沒有的。因他們不供應茶水，遂點了一壺日本綠茶。這店的服務是週到的，送來的一壺茶，侍應禮貌地告訴多浸一會待出味，雖然祇是一句話，但令人感到很體貼，然而，喝一口，發覺是自己不太欣賞的玄米茶，我沒有要求更換。我們先試串燒，帶子一串有四粒，肉質和味道算過得去，帶子不會是爽口彈牙的質素，芝士雞肉是新派做法，很多日本食品也加了芝士，比單吃雞肉串燒，多了些甘香。鮑魚一碟約有四隻，每隻的大小與五元硬幣相若，是先蒸熟再用汁煮，每隻切開幾塊，彈牙，所附有的醬汁太鹹，光吃較好。蟹肉厚燒玉子是這店的招牌菜，是日式奄列，蛋皮煎得很薄和嫩，內藏蟹肉，肉質鮮美多汁，

本身好鍾意食蛋，所以想試一門出名的厚燒玉子好耐，生日叫男朋友仔請我嚟食 蟹肉厚燒玉子 - 個樣真係好好味吸引咁，但食落味道又一般，咸咗d &唔係咁juicy 軟殼蟹沙律 - 好味，好大隻軟殼蟹 月見和牛煮 - 好細鍋，份量好少，和牛好味，但湯底一般 雞肉炒烏冬 - 用料&味道都好普通環境麻麻，燈光太暗，睇餐牌好辛苦，唔多鍾意，食物一般，價錢又唔係平，我諗都唔會特登再去囉...

我 第 一 次 幫 襯 ，但 由 訂 檯 到 埋 單 一 刻 都 令 王 子 印 象 難 忘 、激 節 讚 賞 ，星 期 三 下 午 打 去 book 檯 時 ，接 聽 位 仁 兄 極 有 禮 貌 表 示 是 夜 已 full ，如 8 點 半 前 交 檯 則 可 以 安 排 ，當 夜 7 點 去 到 ，果 然 勁 爆 場 ，全 程 侍 應 勁 好 招 呼 ，每 上 一 道 菜 仲 會 主 動 幫 你 換 隻 新 碟 及 清 理 檯 面 ，order 甜 品 之 後 亦 會 同 你 講 等 到 你 食 完 所 有 嘢 之 後 才 會 上 . . . 最 攞 命 係 王 子 影 緊 相 嗰 陣 ，侍 應 竟 然 默 默 咁 捧 住 另 一 道 菜 喺 身 後 唔 騷 擾 我 ，直 到 影 完 先 講 句 唔 好 意 思 至 上 菜 . . . . 嘩 ~ 咁 超 班 嘅 服 務 水 準 除 咗 喺 酒 店 及 部 份 高 級 餐 廳 ，去 邊 度 搵？真 係 冧 死 我 架 ！海 鮮 沙 律 睇 menu 要 $78 你 可 能 會 覺 得 貴 ，但 食 過 包 你 唔 會 後