ABC Kitchen

營業中

休息中

嚟到港島區搵食，朋友推介呢間西式餐廳。一睇個地址有啲惡言，竟然係喺熟食市場裡面？一直覺得熟食市場都係普通茶餐廳，食吓粉麵、小菜咁樣，西餐真係比較少見。.環境上如我所料，都係一般熟食市場咁，冇乜特別。不過見到其中幾張枱鋪咗紅白格仔枱布，係一啲傳統西餐廳常用嘅設計，所以好明顯分辨到邊幾張枱係屬於呢間餐廳。.環境冇驚喜，但食物絕對有驚喜，直頭覺得係臥虎藏龍！我哋三個人，嗌咗幾樣嘢share，樣樣高質，大家都食到非常滿足👍🏻.😋西班牙燒乳豬配薯蓉及紅菜頭乳豬外脆內軟，面頭層乳豬皮燒得脆卜卜，中間乳豬肉質好淋好易咬，燒烤汁調味啱啱好，唔會過鹹或過甜，配埋紅菜頭一齊食，好惹味！薯蓉亦都好creamy, 食得出牛油香，食到停唔到口！.😋蕃茄水牛芝士香港食到好味嘅burrata 嘅地方唔多，不過呢度就食到！芝士食落好soft 好creamy, 配埋蕃茄一齊食，香而不膩，絕對係餐前小食之選，鍾意芝士嘅朋友唔可以錯過⭐️.😋西班牙海鮮飯熱辣辣嘅海鮮飯，用料上乘，有青口有蝦有元貝有蜆有墨魚，絕對誠意之作！加埋傳統西班牙配料（如西班牙腸）一齊烹調，非常可口！而且份量十足，我哋三個人食都仲有剩！.😋Pavlova

與太座到上環購物後，躊躇到哪裏吃晚餐，我想起這小店，太座並無異議，穿過寂靜的街道，來到這熟食市場。上到二樓，見有眾多類型的食肆，中式，泰式，印度，餃子店等，當中還有我要找的 ABC 西餐廳，其本上，這說不上是餐廳，像是街市裏的熟食檔，週邊的食肆，共用中間的位置作為人客飲食區，而ABC會較特別，用紅白格仔檯布舖好餐檯，睇落好似較高級，但講真，在這環境舖了這種檯布有點不倫不類，還是看慣了的膠檯布或深粉紅色的檯布較順眼。然而，不太識欣賞是閣下的事，來到這食肆，沒有位，正想離開，瘦削的服務員很積極為我們籌謀，竟然向隔鄰的餃子店商借一張檯子暫用，在遠離ABC的範圍舖了紅白格仔檯布，看似像一個殖民地，英國也有福克蘭群島是遠在阿根廷旁啊！椅背後放有幾個大黃芽白，檯椅下是溝渠，雖然看來兀突，但人家花了一番功夫又怎好意思推卻?餐單祇得一張，有六款頭盤，六款主菜和五款甜品，服務員說假期後 supplier 仍未開工，所以很多樣都無貨或賣晒，在選擇不多及價錢偏貴的情況下，(在這環境地方賣$158個牛扒而言)，我們選了雜菜沙律 $28 和西班牙海鮮飯 $168。先送來一籃兩個的餐包仔，熱熱地搽些牛油幾香口，也

由年頭知道ABC，年中都訂個兩次枱，不過都full house，亦知道walk in都只會摸門釘，所以一路都係waiting list既餐廳。攪下攪下到而家年尾，再次記起呢到，亦終於訂到枱，有機會食到呢間熟食街市西餐。睇見咁多食評，乳豬係今次既目標。紅色格仔好易認，坐底睇見餐牌，前菜主菜既選擇都係四至五樣，樣樣都想試下，黎一次掃餐牌。先黎香草餐飽，上枱果陣熱辣辣，幾軟熟下，食落有淡淡香草味，好吃，以餐前飽黎講，當然收貨。藍莓芝士合桃沙津，藍莓芝士一pat pat係個碟到，賣相已經麻麻地，藍莓芝士亦味唔太濃，奇怪，仲有d合桃，唔多脆口，唔係太特別的一款沙津。前菜叫左鵝肝，食落幾肥下，皮煎得唔太脆，脆d會更好。另一款係西班牙小食併盤，奄列粉粉地，蛋煎得有點老，火腿好軟，一分錢就一分貨吧，仲有d茄汁豆，印象唔太深既一款前菜。Starter仲有叫左三文魚子蟹肉雲吞，呢款睇賣相就最似樣，食落唔知邊d係蟹肉，不過個汁就有幾重蟹粉味，好味。到主菜，當然有今次目標乳豬，個皮非常之脆，好似薯片咁樣都無誇張，個肉幾肥下，肉亦腍身嫩滑，個底既薯容也不錯，很有水準既西班牙乳豬，好似$118蚊，這水準計都幾相宜

一眾頌揚人又一同晚餐, 是晚的選擇是ABC. 不是朋友的貼圖, 又真是無辦法想到這個熟食中心有如此水準的美食. 一早訂了張大臺, 不然的話真係又排等.環境其實也算可以, 起碼冷氣充足. 當然, 來得這裡, 最重要還看食物的水準吧.香草軟包: 先一人一個香草軟包, 熱辣辣, 外面夠脆, 入面幾軟淑, 加上點點香草味, 是有誠意的餐前小吃.馬賽魚湯 $88 x 2: 8分, 在熟食中心竟然也有Bouillabaisse, 當然要一試, 就要了兩客大家分吃. 份量不算很多, 但就有不少湯料, 除了主角的魚之外, 還有蝦, 魷魚, 青口等等, 都幾鮮甜, 湯也幾濃郁, 不過就未算好熱, 溫溫的. 面頭也有塊rouille多士, 蒜蓉味幾香, Bouillabaisse的精華也帶到出來. 這個當然不是最正宗的Bouillabaisse, 但能夠用這價位讓大家在熟食中心一試馬賽魚湯, 其實已經收貨有餘.番茄意粉 $58: 8分, 為頌揚特別叫了客番茄意粉, 也試了兩口, 麵質不俗, 幾開胃的.瑪格烈特薄餅 $58 x 2: 8分, 薄餅在這裡是頭盤的食物, 果然份量不算很大. 焗得幾脆, 夠乾身,

八月十三日 (星期五)老公仔的朋友因為認識ABC的廚師,所以就應邀到來試試!其實一直都聽過ABC,不過要多人吃才可以試到不同菜式,所以來到此時才有幸一試!其地點都想像的更偏僻呢!卡拜拉娜扁意粉味道不錯,醬汁十分豐富我們始終較喜歡用Pasta,肥天使的會較好味而且份量真是少了點馬賽魚湯味道濃,海鮮料都很新鮮法式麵包點上濃湯吃,味美非常西班牙烤乳豬第一次吃西式的燒豬味道特別,而且肉質很稔連我不喜歡吃燒豬的都覺得好吃西班牙海鮮飯很多飯,要撈一撈才吃很多海鮮料,如青口,蝦等,新鮮而且可以飽肚---推介!!!海鮮汁煮青口是日的特別菜式青口大隻而新鮮肉質爽口,配上鮮香的汁料,很不錯!甜品是廚師特製的,有menu上多款甜品比較好吃的是檸檬梳乎尼其他如燉蛋等味道算是可以始終我倆對太甜的甜品都不太感興趣

又到了同事間的每月一聚餐,要找一家坐得下16人以上的大檯而又能容忍這班嘩鬼的餐廳不易,選址有一定難度!總不成每次也去同一家,這次人數小了一點,就想到來皇后街熟食市場,順道看看這數月來此店的水準能否保持,一行十三人霸佔了角落一張大檯,各人對湯類的興趣不大,於是就跳過這項直接吃頭盤.香草軟包----依然保持得到外脆內軟及每一口也散發淡淡香草味.軟殼蟹x3----炸得很乾身,沒有吃到一口油的情况出現.無花果兔肉沙律x3----甚少吃經烹調的無花果,始終不喜歡滲了油的質感.兔肉就像煲淋了的豬腱,沒甚味道.西班牙燒乳豬x4----乳豬皮鬆脆得用义一壓已發出響亮的碎裂聲音,和上次的韌皮版本大有不同!皮下薄薄一層脂肪散發油香,肉質非常嫩滑有肉汁!這次的出品可媲美Nino's Cozinha a la carte 質素(不是buffet任吃那款)但價錢只是1/4!春雞卷x2---- 雞肉焗得略為乾身了一點,中間餡料的芝士忌廉菠菜非常香濃!與淡味的雞肉非常配合.吞拿魚扒x2----無論是刺身或任何烹調方法也好,就是不喜歡吃吞拿魚!所以不作評論.瑪格烈特薄餅x4----和上次相比,質感是有明顯進步!餅底薄