天一閣

營業中

休息中

食故事呢個世界，原來除咗食裝修仲有一樣嘢叫食故事！首先我要將自己歸類，我應該被列為粗人！即係將食物放入口，答案就講出口，不外乎呢三個，好好味！幾好味！唔好味！我何來【天一閣】咁有文化，無論店名、菜式、老闆，樣樣背後都有個可歌可泣嘅故事！老闆元朗去到澳洲，店名浙江跑到去跑馬地，菜式又關隋煬帝下江南事……試問我又點可以唔去朝拜一吓！請先睇睇菜單陳皮鮑魚仔1 夠老實 尤其是「仔」呢個字2 好香陳皮味 明顯係靚陳皮芥末金莎魚皮香口 鬆脆 係咁多呢碟係唯一食到尾仲有淨嘅菜西班牙黑毛豬叉燒肉係靚 但甜咗少少又燶咗少少花膠螺頭燉雞足料 鮮甜香醉紅蟳好香花鵰味 隻蟹細咗少少濟公羊腩煲堅係靚羊腩 配料都好味一字骨OK 係咗多最後埋單一人七百幾(冇叫酒冇叫飲品)最後總結幾好味 但唔值係咁多！

公司嘅合作夥伴帶我地去左跑馬地呢一間私房菜共享晚餐。.本身冇乜期望因為小天后淨係對辣嘅食物有期望㗎嘛🤷🏻‍♀️不過呢餐真係大開眼界😃✨除左高質素佳餚仲有美食家Isaac為我地聲音導航介紹每道菜嘅特色、製作過程同歷史☝🏻.以下三道菜係小天后最鐘意嘅!.🥇香醉紅蟳(廿五年花雕蒸蟹配陳村粉)個汁係精華所在😍用花雕同雞油蒸😍🦀近期少食澱粉質嘅我都忍唔住要撈飯食😋.🥈葵花大斬肉多數人叫佢做獅子頭🦁係江蘇楊州傳統名菜斬肉係用上成隻豬最靚嘅部分嚟做人手剁到超級細膩，再用雞放喺上面用低溫蒸超過24小時(希望小天后無記錯)入口即溶，連肉筯都感覺唔到，油香滿載唇齒之間🤤.🥉西班牙黑毛豬叉燒本身超鐘意食叉燒呢度嘅煮法同調味好啱我口味肉質同脂肪比例啱啱好 同小天后一樣🤢😂正🤤.各道美食、知識 配上芳香馥鬱嘅25年陳年花雕真係一個難忘嘅晚餐經驗☺️

友人之前食過大班樓，覺得個花雕蒸花蟹配陳村粉實在太好味，一試難忘。今次早2個星期，預訂左大班樓既姊妹餐廳---天一閣。天一閣的地點十分不起眼，位於跑馬地。唔講都唔知有間餐廳我地預定左天一閣精選菜單 1酥炸金針菰桂花茶燻雛鴿西班牙黑毛豬叉燒花膠響螺頭燉雞湯廿五年陳花雕蒸花蟹(配陳村粉)隋王斬肉天一養生豉油雞薑汁生炒芥蘭蝦子蝦油蔥油拌麵桂花椰汁糕黑糖花雕凍飲每位$698+10%service charge 呢個炸金孤真係好邪惡，一食就停唔到口。雛鴿好特別，配上子薑味道一流個人食叉燒比較中意食較瘦既，呢個叉燒好瘦（隔離玫瑰花都可以食埋）燉湯好充料，好潤，唔知以為媽煲既，超足料！重頭戲黎了，終於到左今晚期待已久既花雕蒸花蟹配陳村粉。第一次食，隻蟹好大好鮮甜，陳村粉吸晒花蟹既精華，真係好好味整體黎講食物質素好好，特別推介花雕蒸蟹。只係個晚咁岩有一台好多人，比較大聲，不過都值得一試

多得表姐同姨媽重複推介，中秋節過後，大食會終於決定一試新搬去跑馬地o既私房菜餐廳「天一閣」，順道為成員之一o既Auntie M暖壽。隱藏於住廈內o既「天一閣」以木打造出門牌，低調樸實，襯托埋門外o既盆栽，望落真係好有古裝劇feel，彷彿將進入世外桃源般。廳內o既花瓶字畫裝飾極具中國色彩。牆上o既抽象油畫及鮮藍水晶吊燈卻又帶出潮味玩意。晚宴o既菜譜仲好有情調咁以玫瑰鮮花點綴於轉盤上，莫非「天一閣」o既主人係位女莊主？！餐店雖則合共有兩層，但因座位有限，只能招待預先訂座之貴客，菜單亦好順理成章地要提前定好。由於大食會各成員都係第一次幫襯，小肥就跟隨經理哥哥Andrew提議，為九人點選咗十一道菜o既「試食餐單」，唯一單尾由炒飯轉為長壽麵，每位$668，另收加一服務費。話明係暖壽宴，當然係要以靚酒祝賀一番啦！餐牌背頁道出餐店理念，XO仔喺短短兩小時內亦親身體會到當中所提及到o既文化、修養及態度。餸菜好有文化地續道上，以確保食客可以襯熱享用佳餚。用餐時，兩位經理哥哥除咗會講述大廚o既烹調功夫、菜式o既典故，亦會細聽客人o既意見，整個過程中雙方面都好有交流。酥炸金針菰：小肥其實好耐都冇食金菰，因為