影片
更多
2023-04-17
1795 瀏覽
今日同舊同學行一段中距離，由深井經「大欖自然教育徑」行到入屯門大欖水塘，再晌「掃管笏」離開入番屯門市中心。雖然要行4個鐘，但大部分都喺郊野公園內嘅車路，最高點都應該唔過300米，所以唔難行，就晌出發前一於喺深井食餐好嘅先再起行，搵一搵，見到「July Coffee」幾人氣，就晌度悠閒地嘆一嘆。從門面已經可以睇得出，餐廳裝修簡約，店內以灰、白色系為主，加上木系元素，打造出一種悠閒空間。我哋亦專登早啲嚟避開高峰人潮時段，所以感覺更加舒服寫意，無拘無束。兩位女店員殷勤有禮，有啲關於咖啡嘅問題，都好細心解答。餐廳本身無提供餐牌，故此今次都俾唔到餐牌大家參考。落單採用時下流行嘅二維碼，細心位喺有啲菜式會寫咗有咩材料。7月早餐 $112即喺慣常所講嘅「全日早餐」，落單時晌網上餐牌都有標示用上咩材料，包括：沙律菜、炒蛋、香烤啡菇、牛油粟米粒、法式烤焗薯塊、雙煙肉，而且，有多少少彈性加錢轉為櫻花蝦炒蛋、黑松露炒蛋、薯塊轉為酸種吐司或再加配其他食材都得。賣相幾唔錯，老友就話所用嘅食材都喺高質貨，好似啲沙律菜新鮮爽脆，大啡菇好有菇香充充滿菇汁，煙肉唔喺充滿肥膏嘅劣貨，而且煎得脆邊。又唔會太韌，就連個薯餅都
從門面已經可以睇得出，餐廳裝修簡約，店內以灰、白色系為主，加上木系元素，打造出一種悠閒空間。我哋亦專登早啲嚟避開高峰人潮時段，所以感覺更加舒服寫意，無拘無束。兩位女店員殷勤有禮，有啲關於咖啡嘅問題，都好細心解答。
餐廳本身無提供餐牌，故此今次都俾唔到餐牌大家參考。落單採用時下流行嘅二維碼，細心位喺有啲菜式會寫咗有咩材料。
7月早餐 $112即喺慣常所講嘅「全日早餐」，落單時晌網上餐牌都有標示用上咩材料，包括：沙律菜、炒蛋、香烤啡菇、牛油粟米粒、法式烤焗薯塊、雙煙肉，而且，有多少少彈性加錢轉為櫻花蝦炒蛋、黑松露炒蛋、薯塊轉為酸種吐司或再加配其他食材都得。賣相幾唔錯，老友就話所用嘅食材都喺高質貨，好似啲沙律菜新鮮爽脆，大啡菇好有菇香充充滿菇汁，煙肉唔喺充滿肥膏嘅劣貨，而且煎得脆邊。又唔會太韌，就連個薯餅都加咗啲芝士喺裡邊，比平時喺麥記食過嗰類喺好唔同。
香蒜白酒蜆肉意大利麵 $77白酒蜆肉意粉肯定唔喺第一次食，不過，呢碟嘅賣相完全睇到師傅嘅心機，逐隻逐隻咁圍邊，呢個位已經要加加分啦。入口啲蜆肉非常之鮮甜，帶微微酒香，絕對唔係啲咩雪藏貨色，而啲意粉煮得啱啱好，夠晒咬口，又充滿蒜香，整體嚟講都，簡單得嚟，師傅烹調手勢紮實，喺高質素嘅出品。
西西里檸檬咖啡 $45老友都喺鍾意飲咖啡之人，見到呢杯西西里檸檬咖啡好似好勁，就即管試試。其實簡單嚟講，就即喺檸啡，不過，用咗意大利檸檬，酸香得嚟好清爽，又加咗一枝露絲瑪莉，所以，浸多一陣先飲，有點點香草幽香，果真更具風味。
椰汁咖啡 $42正常小弟去到啲咖啡店鮮奶咖啡近乎喺必然首選，不過，今次都試試新嘢，就喺椰汁咖啡。因為真喺無諗過將椰汁溝咖啡，其實好大程度都喺一杯鮮奶咖啡，不過加咗椰汁，初初飲可能未攪得勻，等飲到中後段，椰汁跟咖啡最平衡之時，感覺特別香濃，兩者好夾，確有少少驚喜。
平日午餐主食就會包飲品（特飲除外），咁星期六、日、假期只有散點，所以，夾夾埋埋會貴少少，不過喺度慢慢歎，環境唔錯，食物又很有水準，加上招呼用心，令整體嘅用餐體驗都好好，讓我哋起步都起得開心啲。
張貼
