達人烤肉 (已結業)

🇰🇷🇰🇷🇰🇷🇰🇷🇰🇷🇰🇷🇰🇷🇰🇷香港除左尖沙咀金巴利街(又名韓國街🇰🇷)係出名多韓國食店外，千祈唔好忽略柯士甸路一帶。一眼望去已經見到好幾間韓國鋪頭，今次就揀左最近冒起嘅達人烤肉😌同一般舊式韓燒有分別嘅，就係烤盤隔離條邊有烤蛋。中意食嫩啲嘅又得，熟啲嘅亦得，得左！😎 除左蛋之外，盤邊仲有粟米(好好食，落左芝士醬!!!😍)、洋蔥。(note: 本身唔知比唔比refill所以無叫到，但後尾見到隔離枱有refill啊啊啊😩)同朋友叫左達人護心肉，薄切五花腩、薄切牛舌同烤多春魚。首先講下個護心肉，黎嘅時候見到盤肉嘅樣同其他普通韓燒自己出去夾嘅肉無乜分別，係排得靚少少咁...😅不過烤完之後真係喜出望外。醃料味道同肉汁配合得好恰當，絕對唔會只吃到醃料醬汁味而浪費左食材。👍 但記得唔好烤過龍令肉質變硬。($150/200g) (7.5/10)超級迷戀五花腩嘅我，見到個薄切五花腩肉已經雙眼發光！！！✨烤肉出黎嗰層脂肪十分之香口，薄薄一塊又不至於太膩。不過烤嘅時候要有返啲技巧先得，如果唔係就黐埋一舊唔靚喇！($110/150g) (8/10)之後個薄切牛舌不得了！好喜歡嗰陣羶羶地嘅牛味😍😍燒左幾分鐘，佢

聽朋友介紹呢間野好好食，一直都想去呢間野試食，但係一直搵唔到時間，前日幾日終搵到時間去食，於是book左7:30 8個人一齊去試食    一去到其實都已經幾多人下，心諗好彩book左，唔係就要walk in 排隊 。呢間既設計真係好韓feel ，好大間，差唔多全部都係韓國侍應，又播住kpop,覺得自己致身於韓國 一坐底就有侍應擺定前菜，落蛋漿芝士粟米。前菜可以refill 真係正，仲有我最鐘意既炒年糕但係炒年糕因為數量有限，每枱只有一碟。侍應介紹左護心肉 同埋五花腩，呢度新出左兩種五花腩：竹筒紅酒五花腩肉$120 同埋 火花五花腩肉$120於是即刻每樣都叫左黎試。侍應同我地講呢度既特牛肋骨肉，烤生豬皮，烤牛大腸，牛舌好多人叫，於是我地都試左。竹筒紅酒五花腩 入面落左紅酒，燒完食落口仲有少少紅酒味，味道好特別，好新頴的食法 火花五花腩好特別既燒法，第一次見舊五花腩會著火，好型呀！而且仲有專人幫我地燒，手法好純熟，讚呀 護心肉聽侍應講護心肉係豬既橫隔膜，初頭以為係內臟，原來係豬肉黎，護心似係韓國好hit，好多韓國人鍾意食   特牛肋骨都好大舊，嫩滑新鮮好易入

柑太今日返完工好肚餓，提議去食韓國野，早排又睇左雜誌介紹韓烤，佢就好懷念以前去韓國食韓烤既回憶，咁岩呢間又同佢以前去韓國食過既風格最近，於是就去幫襯啦。去到大門時，時間仲好早，六點剛到，但都已經有人係度燒緊，問問侍應要唔要等位，唔駛就即時入席。入到去發覺地方好大，廿張檯，每張坐六七個既話，高峰應該可以坐到過百人。而佢地又好識得利用空間，客人坐既椅係可以抽起個坐塾，然後放個人物件入去既圓桶型椅，咁樣就可以避免客人將手袋背囊放係椅上而吸晒油煙(雖然都無乜油煙，後述)，而又可以多出空間坐多幾個人，有心思。裝潢好有韓國小店既風味，每張檯都有獨立既抽油煙機，後來發覺佢地抽油煙機油吸力好勁，基本上食完係無乜油煙係身。而多木既裝潢，古典風味之餘，仲令人覺得自己置身係韓國咁，足見老細下過心希望係韓燒林立既地方突圍而出。侍應見我地坐底後即刻上前菜配料，手腳好快，醬料方面，韓式燒烤醬食落有輕微既辣辣感，生蒜頭就無乜蒜味，其他兩隻醬我食唔出係乜野黎...由於唔食芽菜，果個芽菜件韓醬我比左柑太食，佢話一般無乜特別。蔬菜有好多生菜，用黎夾燒好既五花腩食真係好方便好好味，而紅蘿蔔同薯片燒左之後非常好食，薯片燒完後

聽聞這間要等位很久, 好彩朋友7:00前去到, 即刻有位.先講環境, 一定唔可以坐近門口, 真係熱到無得頂. 試過行入去睇睇, 好好多. 但因為我地Walk in, 入面無我地份.  我地叫左個牛肋肉, 護心肉, 青口湯, 冷麵, 豬皮兩個肉調味剛好, 肉質鬆軟, 有肉味, 個人喜愛護心肉多D. 青口湯清甜, 份量好多. 大醬冷麵. 軟硬凌剛好, 但唔夠凍豬皮: 好味, 無腥味, 煙 "un",  燒嘅時候又係會爆, 又驚嚇一餐總結, 曾試過 "喜X", "韓x", 有以下比較環境:  "喜X"前菜: "喜X"牛肋肉: "喜X"護心肉: 達人豬皮: 達人

之前喺雜誌見到尖沙咀又多一間新開的韓燒，之前的食評又唔錯，所以决定一試。原來星期五六日不接受訂位，星期六的晚上我和友人大约8：30pm才到達，前面都有人等，不過見店員清潔和安排入座的速度都很快，所以等了约15分鐘已可入座。我們Order了厚切五花腩，護心肉，豬皮。五花腩都好容易燒，面有少少脆，香口，不過可能希望越大，有啲失望，今晚的五花腩太肥，做唔到一層肉一層肥的效果，變成中間有少少肉，頭尾都厚肥膏。而且竟然有骨，不可以包生菜吃。護心肉（$150/200g)最多心，軟滑，推介！只是有一兩舊連心瓣未有切走，比較難咬。豬皮喺其他韓燒試過，一試就愛上。但呢度最令人失望。賣相唔靚，豬皮位超薄，換成厚厚肥膏，口感油膩，其他地方吃過的是擺放整齊，size相約，清理好的豬皮已切走皮下脂肪，吃起來煙韌，有比較之下，下次唔會叫了。抵讚的是最高大韓國男店員，可能始終是韓國人比較熟悉，是唯一經常會幫忙客人燒較難燒既食物如豬皮，因為多油，甚至會從爐中彈出爐邊。爐邊有滑蛋和芝士粟米，可以免費refill。反而生菜每枱只有一籃，有約5片生菜，三片薯仔，紅蘿蔔條青瓜條各一，好珍貴，冇得refill 要續客order