利寶閣 (已結業)

趁住聽日放假，又驚好似今朝咁地鐵訊號故障，所以今日都係早少少收工，既然早收就同屋企人食個晚飯啦，因為屋企人係尖咀行街又想食中餐，咁就再去之前食過係The One樓上叫利寶閣中菜廳，可能因為六點半都仲好早，所以現場都係得兩三圍枱食客，真係好好彩，唔駛等~ 一出升降機職員都有即時安排座位，呢度的服務都真係好好，有禮貌之餘，笑容都好好，感覺好親切~~ 安排入座後睇下食咩先啦，呢間中菜廳環境大，座位寬敞又夠靜，比較其他酒樓感覺會高級少少，食飯傾計一流。見到其他食客點既菜，賣相都幾精緻，其後靚女部長都有簡單介紹呢度比較受歡迎既款式。到最後，我地兩個人叫左幾樣試試，有蟹肉粟米羹、原盅佛跳牆，小菜呢就叫左一個蜜糖欖角骨、一隻石歧燒乳鴿、蝦籽柚皮，再要個部長話呢度最多人食既谷飼豚肉叉燒飯，兩個人食都應該夠飽啦掛? 等食期間，開左壺香片同有碟酸茶做餐前小食，一路傾下偈真係好寫意，等左我諗1x分鐘到啦，野食上枱啦~ 上枱啦~ 首先黎個佛跳牆同埋蟹肉粟米羹，佢呢個佛跳牆真係好足料，佛跳牆入面有花膠、遼參、雞腳同埋豬肉，另外鮑魚同埋魚翅就分開上，隻鮑魚好爽口彈牙，魚翅又夠大塊，加埋呢盅老火湯一齊食，清甜入味，

放假做乖女同媽咪兩個人去嘆茶，上次喺度食過晚飯覺得環境好舒適，所以就帶埋媽咪一齊黎喇！中午嘅環境又係另一種感覺，呢度中午時嘅落地大玻璃有充足嘅陽光照射，感覺好開揚，加上座位寬闊，可以好舒適咁嘆下茶。 午市唔算好多人，想靜靜地嘆茶呢度非常適合呢！ 午市有套餐啦，散叫都有炒粉麵飯同埋點心，價錢合理...另外有啲特價點心添，幾抵食... 上次晚市食過谷飼豚肉叉燒飯，食過返尋味丫！ 今次lunch都要食番佢！lunch嘅餐就配老火湯，價錢都相對相宜。$68就有一飯一湯大大舊豚肉叉燒，上枱已經好吸睛！媽咪平時唔好食叉燒都話呢度嘅叉燒非常好食，好嫩又甘香！老火湯係蓮藕湯，個湯好濃，夠溶，好足料！韮王原隻鮮蝦腸 腸粉晶瑩剔透，每件都夾住一隻非常大嘅鮮蝦！ 蝦肉爽口彈牙，大大隻，啖啖肉！！鮮蝦香芒沙律卷 上枱熱辣辣，外皮好鬆脆，冇乜油，唔會好肥膩。配芒果沙律一齊食醒神開胃！北菇棉花雞 雞肉嫩滑，魚肚入曬味，正！鮮蝦拾菜春卷春卷炸得好脆口，又係冇乜油，值得讚 最後送甜品，係紅豆沙。熱辣辣，紅豆煮得好淋好溶，果皮味好香。呢度嘅點心全部都即叫即整，上台時熱辣辣，好新鮮！

聽朋友講有間酒樓有叉燒飯加佛跳牆唔錯，我第一時間就湧出星爺食神既回憶，二話不說就約朋友去試下係咩一回事。第二日放工同幾個朋友一齊去食，一坐底我已經決定要食谷飼豚肉叉燒飯配原盅佛跳牆，其他就交比朋友決定。過咗陣，我個黯然銷魂飯同超級無敵海景佛跳牆就到咗，叉燒飯大大件，咬落去夠彈牙好滿足，而佛跳牆就好足料，有鮑魚海參等，整體味道醇，去開既話可以試下依個組合。然後係蒜片和牛粒，和牛粒淋身牛味重但油份不足，配蒜片好夾。之後係明太子賽螃蟹，蟹肉十足蛋白亦好滑，平時好少食，但感覺唔錯。再黎既係啫啫遼參雞煲，雞肉好滑遼參爽中帶腍，蔥入哂味好好食。到肉絲煎兩面黃，湯汁另上可以保持麵質香脆，我自己比較鐘意唔落湯汁就咁食。最後係脆皮香芒蝦球，蝦球爽口，配個汁甜甜地淡淡芒果味亦幾夾蝦肉。食到尾叫咗個蘋果拔絲，糖絲外型華麗，蘋果表面好脆，果肉爽口香甜，係個唔錯既結尾。總結，依餐飯可以食到電影既感覺，整體感覺良好。

今晚跟朋友去The ONE 睇 “超人特攻隊2”, 飯前當然醫飽自己先啦, 成日食西餐, 今次我們二人就去了利寶閣食中餐。之前中午跟Auntie 來過, 這裡樓底超高, 用上了巴羅克的建築設計, 天花手繪了天花的畫作, 為新人的婚宴締造浪漫的設計! 而且The ONE 地段很好, 可以飽覽維港及尖沙咀夜景, 就是今晚有點雨, 所以拍不到絕美的景色 餐廳的 Show plate 及茶杯用上了浪漫的碎花設計, 十分優雅鐵觀音 茶味甘香, 而且飲了一個晚上仍然有茶香, 不像坊間酒樓一般飲的是顏色 餐廳做緊promotion, 谷飼豚肉叉燒飯 跟 原盅佛跳牆竟然只需要 $188 而已想也不想就叫了! 原盅佛跳牆 (內有原隻鮑魚, 遼參, 魚翅, , 海鏍, 花膠, 瑤柱, 花菰, 啼根, 龍眼肉, 雞翼, 瘦肉) 十分足料, 意想不到的是魚翅是兩排排翅, 花膠都有2條, 湯汁有黏黏的感覺, 好似很多膠質一般, 原來是足料燉了7小時, 所以把食材的精華都煮晒出來, 啖啖也是骨膠原谷飼豚肉叉燒飯叉燒是用美國的谷飼豬肉, 梅頭位, 所以肉質很嫩及多汁, 肥瘦分佈平均而且廚房的大廚很懂得烹調, 叉燒是

今日做個乖乖女，專登去到尖沙咀同媽媽食飯。呢間利寶閣位於The One的17樓，餐廳唔算好大，一個長方型睇晒，夜眺尖沙咀夜景，地理環境都唔錯。利寶閣1998年起，用了20年的時間及經驗，成為鮑魚美饌的專家。餐廳最近推緊呢Set靚湯叉燒飯套餐，午市個湯為豐料老火湯、晚市就提供原盅佛跳牆。我同媽媽見到好多枱都有叫，而且唔需要叫人頭份量，所以我們叫左一Set試下。原盅佛跳牆的料除左夠多外，仲非常豪華！除了有雞肉雞腳外，仲有鮑魚、海參、魚翅、花膠、瑤柱、花菇及蹄根。個湯飲落好香好夠味，加上個湯夠晒熱辣辣，大家不妨試試。個餐的另一個Hightlight係呢個谷飼豚肉叉燒飯！睇落平平無奇的叉燒、煎蛋、菜心，但媽咪話食到「以前的味道」？！首先個叉燒醬油落左蜜糖，所以食落甜甜地，味道好香。而且個醬油係自己落，所以份量可以跟據自己的口味而落幾多。叉燒方面，唔似一般市面上的叉燒飯切開一小塊，而係兩大大大塊上。媽咪話佢以為食的叉燒都係咁。加上叉燒厚切上，口感十足做到啖啖肉的感覺。叉燒的肉質適中，唔會太乾，同時又有油香。聽到個名已經感到好正的大澳生啫唐生菜，職員會係食客的面前將生的唐生茶放入一個勁熱辣辣的窩入

月頭聽阿蘇在電台節目大玩派訪問利寶閣話事人，原來利寶閣已經20年了。節目當中，阿蘇大讚特讚個經典叉燒煎蛋飯，適逢廿周年，酒樓更推出午市價廿蚊有得食。午市，我邊有時間走去食呀? 但係又真係好想去食，唯有晚市走去食。今晚趁 Honey 做完 facial，就上嚟The One 利寶閣，都頗多人，莫非和我一樣慕名而來? 嘩! 啲水晶燈好有氣派啊!仲有海景位添 (雖然我哋對唔正)。茶杯、碗、碟都好講究，好精美。普洱茶非常香淳。酸菜都幾好食，唔太酸，但非常開胃。睇菜牌見到一個例牌谷飼豚肉叉燒價錢係$128，而一個佛跳牆就係$148，之不過，一個優惠餐 “谷飼豚肉叉燒 + 佛跳醬” 只係$188，識食梗係食優惠餐啦。再叫多兩個小菜就夠食喇。【谷飼豚肉叉燒飯】這個絕對係經典。記得我細細個時，媽子間唔中會叫我去樓下街市買餐叉燒斬料加送，嗰陣時，有叉燒食係好幸福。依家人大咗，想食叉燒時，多數去太興或美心，總覺得比唔上細個嗰陣食嗰啲。今晚食到這個叉燒，感覺番咗嚟，好好食，又腍又香。另外，就係有隻太陽蛋跟埋個叉燒飯，係煎到燶邊嗰種，即係阿蘇成日在煮餸節目時提到一隻煎蛋必需要達到的水準。我就覺得，除咗個蛋邊