建興亞婆豆腐花

營業中

休息中

之後可以話比人聽食過啦系人都話去南丫島必食就系哩檔，估計系-最早一檔豆腐花，所以檯椅都好舊，好在都乾淨。- 可能以前系啊婆賣，要比面。-另外近似附近環境，因為都系室外，一邊食覺得好有feel。如果要靚靚裝修，咁你一定吾會同意比高分環境哩一項。- 可能系weekday，吾多客，所以一叫就有，仲系熱辣辣，剛剛做好。- 15蚊一碗，又真系貴絕我食過的街邊豆腐花。- 啊婆就吾見啦，啊姐比豆腐花的時候已經落糖水，而且超甜，又吾可以自己加黃糖粉，有點可惜。- 豆腐好似系黃豆味，又好似系燶左，疑點利益歸於被告，所以算啦。

見之前去親離島都係去長洲，今次轉一轉，去南丫島榕樹灣，印象中好似未試過去呢邊，之前都係直接搭去南丫島碼頭😅今日入到去時間有啲晏，所以無乜機會試啲野食，下次早啲入去行埋過去索罟灣先🤣🤣不過既然行上南丫島風采發電站，睇下香港首個大風車段路係會經過呢間 建興亞婆豆腐花，48年既老字號，當然點都要到此一遊試試佢，幫襯下呢啲咁有意義既生意仔👍🏻👍🏻雖然間舖健立與樹林當中唔係特別美觀，不過佢啲豆腐花真係好滑，口感又香，加上佢落既糖漿同出面唔同，除左甜味仲有淡淡既黃彊味，味道混埋一齊好夾😋大家行得呢度點都一定要買番碗支持阿婆，佢每日凌晨起身親身整架👍🏻

好似每一個島/行山徑都會有啲豆腐花咁 今次都唔例外😂😂呢個係喺你由榕樹灣行去索罟灣嗰條路嘅前半段度 係由一個好可愛既婆婆經營既☺️佢啲豆腐花都幾滑 而且都幾香豆味 係咁熱既天氣食真係一流 不過如果大家想去食嘅話就要早啲啦 因為我哋食完之後無耐 婆婆已經話冇晒凍嘅豆腐花 佢雪唔切🙊🤣🤣嗰陣時只係兩點幾 可想言之佢有幾受歡迎😏·📍建興亞婆豆腐花南丫島榕樹灣大灣肚1號·#rbyeat #rbytravel#rby港式#rby南丫島

入南Y島，最出名的不是海鮮，而係阿婆山水豆腐花，真的不是用石膏粉的，真的磨豆而製，日日新鮮，看著一盤盤熱辣辣搬到，賣完收工。 我當然選擇食熱，熱的感覺新鮮些，滑些老公食凍，凍了豆腐花比較實，我熱辣辣豆腐花就不同，脹卜卜，好滑，滑到輕微移動都會走出來感覺入口還要小心太燙，易滑入喉嚨，我建議小朋友食凍安全些。不過以前好像有黃糖?現在沒有了。 另外有檔推車賣魚蛋，豬皮，我們點了豬皮15元，個辣汁好好味，堅辣惹味，令原本白灼豬皮升級。

跟好友來說到南丫島行山，我們的共同回憶就是亞婆凍豆腐花！行山必食！由學生時代就已經食，到現在味道還是一樣！連一向不吃豆腐花的我也喜歡上！而且也只吃這裡的豆腐花而已！一如以往的滑，即使加了糖水也不會太甜，反而味道變得剛剛好！不管是凍還是熱豆腐花也很推介！也是最適合行山人士食的！

在洪聖爺灣游完水，順路上埋南丫風力發電站參觀，跟住去揾阿婆食碗豆花，但今日阿婆唔係檔口，有個阿叔in-charge。豆花已經加價到$11一碗了，仍然不斷有食客幫襯。雖然不是木桶豆花，但豆香仍濃郁，只略嫌凍豆花唔夠冰凍，消暑唔到囉

今日去了南丫島，目的地是風力發電廠~~~所以我們在榕樹灣落船後，就沿指示行去風力發電廠沿路會見到阿婆豆腐花，很多很多人呀！因為才剛剛開始行，人又多，所以決定回程才吃~~回程的時候，剛好肚子都餓啦~所以就下山，去食豆腐花~依然好多人呀，不過幸好剛巧有人走，所以我們都順利有位坐豆腐花暖暖的，豆味香濃，滑嘟嘟的，配著薑味濃郁的薑糖漿食!好味！其實它不算是最好食的豆腐花，只是辛苦過後食到它，是真的別有一番滋味吧~~~

同朋友C南丫島一日遊第一站就係阿婆豆花。好幾年前黎個時都食過, 真係好好食, 而且食得好有country feel。今次再黎, 嘩, 好多人排隊, 而且好多普通話既遊客。排隊既時候發現, 唔知係唔係多左人, 以前既「山水」豆花 既出處, 依家「山水」條渠臭左幾多真係未食, 已經無左一半食慾。買左豆花, 嘩, 入面好多人。豆花同以為既好唔同。隔離檯既兩個操普通話既男仔不斷係度用話「好滑 」「好滑」既時候, 我好想話, 梗係滑啦, 呢一碗豆花都未完全凝固。睇佢個出貨速度 (當日為閒日), 豆花都未完全凝固就賣左比人, 仲水水地, 我諗約凝固左8-9成到啦, 就當然係滑啦。其實我好同情, 因為根本做唔切, 咁多遊客, 老老實實, 我寧願係每日限量, 都唔好攪差個質素。

南丫島風光如畫就系人都知啦！不過系南丫島入面有個勁出名既阿婆豆腐花又有幾多人知呢？但其實要去食呢個豆腐花系唔容易架！ 因為佢唔系碼頭附近，如果你系榕樹灣碼頭落船，就要向洪聖爺灣泳灘方向要再行一段幾長既路先到！如果你要去洪聖爺灣泳灘暢泳，風力發電站拍照，又甚至行去索罟灣食海鮮，阿婆豆腐花都系必經之路！假日期間，仲有不少慕名而來既遊客或行山人士駐腳tim！ 個日我地去到都已經5點幾，好不幸熱豆腐花賣完了，所以就試個凍既豆腐花！ 啊婆好熟練地盛好一碗碗既豆腐花比我地！隨便搵個位坐低就食lu！個豆腐花真系名不虛傳！有豆香，好滑好美味！ 但令人驚喜既反而系襯托佢既薑糖漿！！！ 食得有出陣陣薑味，但又唔會好辣，甜度適中，真系男女老幼都適合！豆腐花加埋薑糖漿一齊食，真系好食到可以令人忘卻疲累的身軀架（通常呢度行山集合點）！食完，又可以整裝待發！ 

相約同事去南丫島遊玩~係南丫島行到辛水辛汗...終於有個地方可以比我地坐低休息下~眼見好多人客都會光顧佢, 我諗應該都無死LA,,,,,一人一碗豆腐花點知極度失望!!! 豆腐花只屬一般貨色!!!唔幼滑都算LA....重要無咩豆味...真係食百福都無咁嬲....唯一令我驚喜的就係薑糖漿!!!!好香好好味~~結尾: 一碗豆腐花$10下次我比$10買一碗薑糖漿好過......報告完畢~~~

去親南y島必食的豆腐花，叫了一冷一熱，$10依家加價了，不過繼續要支持！熱死辣辣的天氣，凍的食落好涼快，冷熱都好出色，好滑！阿婆已經加左糖水落豆腐花到，甜度已經好夠，食到一半，手痕又加下檯上的黃糖，會更香！不過唯一唔好是好多蚊，所以急急食完就閃人。

12月31日, 嚟到南丫島點可以唔嚟食豆腐花! 同前幾次一樣, 呢度彷彿已經成為一個景點咁, 幾時都係咁多人~ 排隊都要排5分鐘先買到~::: 豆腐花 ::: $10豆腐花確實好大碗, 十分足秤~ 入口非常滑溜, 好清甜, 亦都好香大豆味~ 糖水已經加咗喺底, 所以唔駛再點落黃糖都已經夠晒甜~ 食完真係有一種補充嘅感覺, 又可以再起程~一人揸住一碗豆腐花, 坐低食15分鐘, 可以為成個南丫島之旅作為一個休息站~ 建興呀婆, 加油!

Plan左去南Y島要食既美食幾乎90%都無開檔或唔見左...不過仍然可以嘗試到拎獎既阿婆豆腐花,結果........浪得虛名!$8一碗,話貴唔貴,話平唔平,我地要了5碗!其實一入口,真係好滑,不過得個滑字無用!豆味唔濃,甜味就夠,因為老板裝左好多糖水!而且,老板裝到D豆腐花好散,根本唔係一片片咁,我個碗有部份係散到糊仔咁!不過老板年紀都唔細,又有禮貌,得佢一個人裝豆花,應該手都軟,因為旺到唔夠位坐!食既係山長水遠既一番風味,坐在樹下抖涼既機會!!

2010年5月28日 ( 香草原 - 1 ) 南丫島行山之旅，從香港仔乘坐全記街渡，在模達灣登岸，行程是經石排灣、蘆鬚城、洪聖爺灣至終點榕樹灣。首先在洪聖爺灣探訪香草原後，經過亞媽豆腐花，再到亞婆豆腐花，每次經過這裡，例必一吃。豆腐花賣相粗糙，質感腍滑，入口即溶，口感，我還是喜歡大埔亞婆豆腐花的幼滑質感，這裡的豆花帶點煙香味，是近期難尋的味道，喜歡者稱之為焦香，不愛者稱之為燶味 ，我卻欣賞這獨特的味道，如不愛這煙香者，不妨到大埔找另外的亞婆吧！這裡舀豆腐花，隨即會舀糖水，這裡的糖水有薑味，都幾甜啩，我就啱了，不過，我還是喜歡普通糖味多過有薑味的，如要選擇多糖或少糖，還是要早點揚聲好。大自然環境舒暢，也帶來大自然的煩惱，偶爾隨風而來之落葉細緻纖維，不幸之時也會落在碗內，蚊子間歇的騷擾，卻是少不了，甜絲絲的味道，也惹來螞蟻的垂涎。

全港最滑豆腐花! 入口即溶，配合薑汁真係一絕不過成$8碗有點貴