滔滔甜品

營業中

休息中

🪻豆花紫花園 $39 有紫薯雪糕、黑糖水晶、芋圓地瓜圓、豆腐花、紫米同花奶 坐低嗌左5分鐘都冇就黎左😹啱啱到嘅時候紫薯雪糕有d冰碎係面 觀感即刻扣左小小分 不過入口的確有紫薯味 唔會太甜 仲有d桂花係面 頗為用心👍🏻黑糖水晶同紫米令口感更豐富 味道就正常發揮 係想像到嘅味；芋圓同地瓜圓唔錯 大大粒煙煙韌韌 食得出各自嘅味；豆腐花就好明顯係超市d盒裝豆腐花 好hea😂死甜冇豆味 抔一抔就碎曬 btw舖頭員工幾nice 而且唔會趕客 因為店鋪內位置較少今日好凍唔想係出面食所以就等位 等左一陣佢有主動問要唔要坐低等🤡見舖頭有其他糖水價錢實惠 評價都唔錯 不過我1015左右坐低都有部分糖水售罄 想食嘅話可能就要早d黎～味道：3/5口感：3.5/5CP值：3.5/5

星期六晚同朋友食飽飯,未夠八點,當然要揾下場。路過見到有不少人買外賣,店內已坐滿人,出面已經開咗兩枱做生意, 睇落好似唔錯,於是入去一試。我叫了豆花紫花園(走花奶),有紫薯雪糕、黑糖水晶、紫米、芋圓同豆腐花,紫薯雪糕好特別, 第一次見,雪糕好有紫薯味又唔太甜,值得一試,芋圓同地瓜圓都好QQ,食到芋頭同番薯嘅味,豆腐花好香豆味, 配上紫米同黑糖水晶甜到剛好又有咬口,這個甜品值得encore。朋友叫咗黑糖珍珠檸檬愛玉,佢話略嫌有啲酸。

夜晚同朋友喺元朗食宵夜，見到呢一間甜品舖都係燈火通明，好多人排隊買外賣，所以又走過嚟食一次啦。叫咗個豆花紫花園，底下係豆腐花嘅底，上邊有個紫薯雪糕、黑糖凍、同芋圓，都好足料。佢個豆腐花底好香豆味！身邊嘅芋圓同地瓜圓都好煙韌，有芋頭味同蕃薯嘅味。黑糖凍都好有彈性，食落又唔算好甜，有淡淡嘅黑糖味。我覺得最得意都係個紫薯雪糕，紫薯味係非常非常咁濃，而且入面仲有啲紫薯粒粒，又唔係好甜，非常好食。最重要係呢一個甜品唔算貴，cp值非常高！

《冰烤🧊紫薯雪糕🍠系列》💖 豆花紫花園 $38裡面有：芋圓 蕃薯圓 黑糖水晶 紫米 -同朋友喺屯門行完山⛰之後搭輕鐵🚟（唔係騎牛🐂㗎）去咗元朗大馬路～ 一路行其實都見到元朗有好多好野食😋😋😋 但我地覺得太熱 出曬汗😓 好想食啲涼浸浸、凍冰冰🧊嘅甜品😆😆😆 所以我地專登去咗試元朗好出名嘅 #高質黃店「滔滔甜品」！！！💛小店地方唔大，而且長期有人排隊等室內嘅位，所以我地決定坐室外嘅枱。坐外面嘅好處係好快就可以有枱，但壞處係環境聲音🔊好嘈雜，同埋食食下會聞到後面路人嘅二手煙🙈😭😭😭 不過好彩我地好快都食完甜品走人 所以無所謂啦 嘿嘿👻👻👻👻-講返個甜品啦 好足料呀喂🥰🥰🥰 我本身係 #煙韌控 好鍾意芋圓 呢度嘅芋圓💜同蕃薯圓🧡都好大粒 好煙韌有嚼口！！！ 仲可以食到入面少少芋蓉！！！💜💜💜 🧡🧡🧡 黑糖水晶好滑身💎 紫米同花奶呢個配搭好match 無咩特別 底下嘅豆花都普普通通 正常豆腐花味道 無咩特別comment🤪🤪🤪-最最最值得講嘅一定係 冰烤紫薯雪糕🍠🍨！！！首先見到店家好有心思 灑了一些桂花碎在雪糕表面 賣相好靚🌼🌼🌼 口感方面～ 雪糕比一般雪糕/gelato較為結實 咬到啖啖都有

本身想食叁元豆花但賣曬😭因為咁意外發現另一樣口感味道都係perfect match嘅甜品😍✅豆花紫花園 (5分滿分，推薦程度: 🌕🌕🌕🌕🌖)⭐️冰烤紫薯雪糕除左有紫薯香味，食起嚟會食到小小粒嘅紫薯，多一層口感😍⭐️黑糖水晶超級有咬口，黑糖味足，呢個配料有驚喜⭐️紫米露中上水準⭐️芋圓口感十足，但可惜無芋頭味或甜味，所以我係雪糕+ 芋圓 + 紫米露咁食，令味道中和返總括嚟講，雖然芋圓控嘅我有少許失望，但佢其他配料真係好高質，尤其放埋一齊食，會覺得口中充滿紫薯+黑糖味，甜度適中而好有口感，絕對彌補到芋圓嘅缺點🤤