影片
更多
2010-09-24
152 瀏覽
上個禮拜去完同一層的名家食完，發現到呢間朝陽好似唔錯，於是中秋節前一晚一家人去食飯，可能唔係正日，早一日打去BOOK位都仲有位。去到等了一會，坐到海景位，個ＶＩＥＷ 好得。早一日訂位時好彩餐廳個人提我要鴨的話要預訂，於是訂埋隻片皮鴨，但仲未決定要唔要個$888烤鴨四人餐(個餐包片皮鴨,），去到見到個餐無豆腐餃子（睇ＯＰＥＮＲＩＣＥ食評好似一定要叫咁），於是便散叫（其實個餐應該抵過散叫）。但叫了之後個ＷＡＩＴＥＲ話豆腐餃子賣哂，於是又叫番餐。個餐有以下食物：冷盤四小碟：燻魚（一般），脆魚皮（很好味），生菜釀糯米（好味）片皮鴨(一隻)：佢單叫要＄320,仲要只係一食，要用埋Ｄ肉煮另一碟菜要加七十幾蚊﹐如不煮的話，佢片皮後會完隻俾你帶走雲吞雞：Ｄ湯好好味，雲吞也好食，有幾多金華火腿豆酥桂魚(半條)：起哂骨，Ｄ肉幾滑，好味海參：本身唔係好鍾意食海參，但有好多，足料朝陽炒面：食到呢個時候己經好飽，食了好少，但都幾香高力豆沙：唔油膩，好食，除糖粉外，有士多啤利醬點，幾特別Ｄ冷氣好大，Ｄ野食好快凍。上菜上得都幾怏，有Ｄ食唔切的感覺。其餘都ＯＫ，會再來，下次要試下個豆腐餃子。加埋茶錢同小食，埋單要過千
去到等了一會，坐到海景位，個ＶＩＥＷ 好得。
早一日訂位時好彩餐廳個人提我要鴨的話要預訂，於是訂埋隻片皮鴨，但仲未決定要唔要個$888烤鴨四人餐(個餐包片皮鴨,），去到見到個餐無豆腐餃子（睇ＯＰＥＮＲＩＣＥ食評好似一定要叫咁），於是便散叫（其實個餐應該抵過散叫）。但叫了之後個ＷＡＩＴＥＲ話豆腐餃子賣哂，於是又叫番餐。
個餐有以下食物：
冷盤四小碟：燻魚（一般），脆魚皮（很好味），生菜釀糯米（好味）
片皮鴨(一隻)：佢單叫要＄320,仲要只係一食，要用埋Ｄ肉煮另一碟菜要加七十幾蚊﹐如不煮的話，佢片皮後會完隻俾你帶走
雲吞雞：Ｄ湯好好味，雲吞也好食，有幾多金華火腿
豆酥桂魚(半條)：起哂骨，Ｄ肉幾滑，好味
海參：本身唔係好鍾意食海參，但有好多，足料
朝陽炒面：食到呢個時候己經好飽，食了好少，但都幾香
高力豆沙：唔油膩，好食，除糖粉外，有士多啤利醬點，幾特別
Ｄ冷氣好大，Ｄ野食好快凍。上菜上得都幾怏，有Ｄ食唔切的感覺。
其餘都ＯＫ，會再來，下次要試下個豆腐餃子。
加埋茶錢同小食，埋單要過千，每人二百幾蚊，但有咁既食物同環境﹐都唔算貴啦。
張貼
