番茄師兄

營業中

休息中

在深水埗黎左番茄師兄食lunch，平日1️⃣點幾都勁多人等位，證明真係好受歡迎，同個朋友黎到又出左去行左個圈，番黎先唔駛等位🙈 餐廳環境唔大，牆度有d裝飾。我地兩個人分別叫左滑一滑番茄濃湯麵&豚豚圓圓番茄濃湯麵🍜，各加$6配個有機凍豆漿。落完order，店員就立即出單據同上飲品。等左10分鐘，兩個麵終於到。望落都好靚、顏色對比好吸引，番茄味都好香，食慾大振。我既滑一滑番茄濃湯麵，餸係牛肉同滑蛋。朋友仔既豚豚圓圓番茄濃湯麵就係豬頸肉&腩肉。三個字「好好食」。我推薦揀拉麵，麵質比較煙韌，口感正D。最後我地兩個都飲哂d番茄湯，因為真係好好味，下次一定番黎再食。

岩岩行開深水埗買電子野，順便search下附近有咩好野食。行下行下行到黎間番茄師兄，平時經過見佢長期排隊，難得下午茶時間好多位，二話不說入去試下。滑一滑番茄濃湯麵黎個滑蛋牛肉麵今次揀左烏冬，有咬口得黎唔太硬，牛肉明顯係新鮮貨，非常之林。令我最大驚喜係番茄湯底，濃度岩岩好，亦唔會似味精湯飲落會口乾，最尾差唔多清曬甘制！豚豚圓圓番茄濃湯麵豬腩肉明顯偏肥，個人不太喜歡，豬頸肉不過不失，最出色都係番茄濃湯。

🍜 豚豚圓圓番茄濃湯麵 | HK$59✔️ 上海麵、番茄、豬腩肉、豬頸肉、炒滑蛋 (+$5)、粟米粒 (+$3).湯底比想像中稀，但勝在夠香甜亦帶微酸，非常開胃！本身覺得番茄湯大多數都係配通粉或者烏冬，但原來同上海麵係出奇地夾🤪 豬腩肉同豬頸肉嘅份量十足，肉質夠腍又入味👍🏻 麵底份量亦唔嘢少，加埋份炒滑蛋真係差啲食唔晒🤣 不過滑蛋炒得好香有水準，值得加錢一試😋 .疫情期間，有店員幫每位進店客人量體溫，門口亦有酒精搓手液提供✨ 店員亦可為準備入座嘅客人預先落單，到時一坐低就有得食！🤩 .🎈Instagram: @tomato_c_hing