番茄師兄

營業中

休息中

在深水埗黎左番茄師兄食lunch，平日1️⃣點幾都勁多人等位，證明真係好受歡迎，同個朋友黎到又出左去行左個圈，番黎先唔駛等位🙈 餐廳環境唔大，牆度有d裝飾。我地兩個人分別叫左滑一滑番茄濃湯麵&豚豚圓圓番茄濃湯麵🍜，各加$6配個有機凍豆漿。落完order，店員就立即出單據同上飲品。等左10分鐘，兩個麵終於到。望落都好靚、顏色對比好吸引，番茄味都好香，食慾大振。我既滑一滑番茄濃湯麵，餸係牛肉同滑蛋。朋友仔既豚豚圓圓番茄濃湯麵就係豬頸肉&腩肉。三個字「好好食」。我推薦揀拉麵，麵質比較煙韌，口感正D。最後我地兩個都飲哂d番茄湯，因為真係好好味，下次一定番黎再食。