越好

營業中

休息中

今日連續幾個會，開到下午茶時間先有得食。豬扒撈檬($43)：帶骨豬扒一啲都唔乾，同一般越式豬扒有啲唔同，佢除咗有魚露嘅香味以外仲有少少蝦醬味，醃得剛剛好。撈檬入面除咗有大量嘅花生碎乾蔥生菜同埋青蔥之外，仲有青瓜，醃蘿蔔同埋鹹酸菜。雖然幾特別搵到鹹酸菜，但係味道上面並不算突出。炸蝦餅($12)：熱烘烘嘅蝦餅質感尚算彈牙，可惜味道方面除了鮮味還有腥味。凍檸茶(+$3)：茶底唔錯喎。臨走之前聞到隔離傳來一陣香葉嘅氣味，原來係一碗熱辣辣嘅越南湯粉。熱力令到上面嘅香葉釋出獨特嘅香氣。下次有機會可以一試。

今晚收工之後專登入咗沙田搵個朋友食飯，佢收七點我過到去就岩岩好😀佢話呢度有間黎自馬拉既海外首間分店正宗越南菜想試，我當然有興趣啦！😆朋友叫咗生牛肉湯河同咸檸七，我叫左豬扒撈檬扣底同熱菊花薑蜜，另外加左碟清湯蛙蛙菜share～生牛肉河湯底非常濃郁，飲得出係真材實料淆制好多個鐘而成👍配埋嫰滑既牛肉一齊食，滿滿既牛味超正🤤🤤我既撈檬有超多配料😁 包括醃製過既紅蘿蔔同白蘿蔔，青瓜，生菜，芽菜，酸菜，樣樣都好爽口令人特別開胃🙊豬扒煎到金黃色好靚仔👏 完全唔會覺得油膩，肉質偏瘦但一啲都唔鞋口，食落帶啲香料香味，調味適中👍呢度撈檬既汁比起連鎖越式餐廳更濃郁，連鎖果種係無乜料偏酸，但呢度係偏多蒜同辣椒，所以食落會更加香辣惹味😋 清湯蛙蛙菜水準正常份量合理～熱菊花薑蜜既薑味比較突出但唔會話太辣，加左蜜糖同帶啲菊花香味就更加易入口😊除左檬粉同河粉呢度仲有飯類提供，我見附近幾檯都有唔少男士叫飯食，賣相仲幾吸引，下次可以再試😂