漢發麵家 (大南街)

營業中

休息中

往深水埗買雜物，路經大南街192號漢發麵店，看見廚窗貼有很多明星相到訪，尢以發哥的相片最觸目，於是入內叫了一碗豬潤麵。店員會問配何種麵，亦主動推介公仔麵。上檯時大大碗裝滿濃湯好有薑味和豬潤味，鮮甜美味，豬潤有五大塊厚切，軟稔無渣，食哂一滴不留，只售四十六元非常超值！再叫多一份西多士，從未見過如此厚身美觀漲起的西多士，為怕超標，於是取走面上的一片牛油，多士內另外藏有蛋和花生醬，咬了一口，既香且甜，不愧是最好食的西多士，只售四十元抵吃，再配上一杯十九元的奶茶，享用了一頓豐富的下午茶。食完剛剛五時，店員要求埋單，原來每天五時收工，星期日休息。

深水埗老字號茶仔由舊時嘅鐵皮檔入咗舖都有好多年歷史🍜豬潤麵豬潤厚切爽口，食落非常之有口感，上枱嘅時候仲有少少粉紅色，係僅僅熟。同維記唔同，佢冇薑絲嘅，取而代之嘅係一陣酒香味。🍞西多士同一般茶餐廳做港法唔同，佢係蛋黃同蛋白分開打，先浸蛋漿，炸之前在沾上蛋白👍🏻上唔到枱嘅時候係張卜卜。食落好香蛋味，口感就似疏乎厘，非常軟熟。要留意返製造時間比較耐😉大約都要20分鐘🥟炸雲吞蝦肉爽口，雲吞皮炸到脆卜卜，配埋個Wasabi沙律醬！停唔到口呀😋

此店之厚切豬潤厚度簡直係同一塊扒無分別，口感爽，不乾不柴， 生熟度適中完全冇騷味，非常正對比豬潤麵鮮牛肉麵就有點失色喇， 牛肉有啲淋， 口感麻麻， 最重要係肉味較淡……西多士簡直係驚喜之作， 與其他餐廳煮法不同 ，脹卜卜， 好香蛋味再加埋用煉奶加牛油， 簡直係下午茶number one 熱奶茶好飲唔出奇，而家啲茶餐廳凍奶茶真係好難得飲到茶味， 呢度就畀到你

之前聽某YouTuber介紹，漢發麵家嘅西多係全香港第一，西多控嘅我一於搵啱時機去潮聖！之前去過兩次，原來小小麵家超有名氣，等候人龍排到街尾，懶得等所以調頭走；適逢雨天終於冇乜人，咁就可以慢慢食。兩大名名物豬潤麵 & 西多當然不會忽略，友人因為炸雲吞有芥末醬所以想食；友子話豬潤好爽，屬於好食級別，我就欣賞餐肉係厚切，仲有肉絲而唔係全粉咁低級炸雲吞係豬肉餡，唔係得一粒蝦咁少份量，幾ok，皮又夠酥脆西多上枱，個樣有啲似餐包而唔係四四方方，原來係索滿咗蛋漿！所以發到啲高，食落好有質感，中間亦有花生醬，遵從傳統。侍應識得問要配煉奶定糖漿，顯然知道唔同人對西多有唔同要求，而漢發麵家相信都係對西多用心研究！真係暫時食過最好食嘅西多！

由第二代接班人郭滿唐延續經營至今45年，光顧過嘅藝人有周潤發、林峰、金剛小儀等👨‍🎤大家注意星期日同公眾假期唔開，而平日淨俾開到下午5點半，認真巴閉唔憂做🤣但實際原因係老闆好注重親子樂嘅時間👨‍👩‍👧‍👦💗豬潤牛肉出前一丁($44)每塊黃沙豬潤都係1cm厚切，好似午餐肉咁，而且有5至6大舊😍好食嘅關鍵來自花心機泵乾淨血水，切片後再沖水，用自製薑汁酒醃一晚，最後大灼3分鐘。咬落去厚身口感十足，啱啱熟唔會太韌，表皮爽脆內裡粉嫩，甘香嘅膶味好突出，無渣無腥味。鮮牛軟嫩完全唔鞋，咬落爽滑彈牙，牛味亦幾濃🐮麵煮得啱啱好夠煙韌。湯底帶薑酒味，味濃唔鹹但欠鮮甜。個人幾鍾意佢冇咁大陣薑味同啖啖薑渣，反而偏重紹興酒香，面頭冇淨起泡泡同雜質夠乾淨🍜💗豬扒火腿出前一丁($49)豬扒肥瘦適中，冇用蘇打粉醃，而係用心將豬扒揼鬆。炸得唔油膩而且透徹，邊位脂肪脆脆身，肉質嫩滑，但依然富有彈力，厚切所以做到鬆軟多汁，而且咸度調味適中🐷薄薄嘅火腿片都仔細煎得透身，仲有少少燶邊，得一塊有d唔夠喉添😝💗魚片魚蛋米粉($37)魚蛋肉質雪白新鮮，胡椒味唔重，食落軟諗，不過悲傷小姐比較鐘意彈牙個款；魚片厚切後外皮炸得煙韌，內𥚃彈

😋又黎到深水埗搵食，呢到真係平民既美食天堂，今日就同大家介紹一間老店麵家，由以前既鐵皮屋大排檔做到家下入鋪大排長龍既--漢發麵家~ 不過店鋪唔算近地鐵站，係深水站出都要行大概10分鐘左右，真係做下research先好去丫~講到呢到最出名就梗係佢成吋厚既豬潤啦，一啖咬落去，果種爽脆、嫩滑，一d 騷味都無同豬潤獨特既質感🤩🤩，呢個豬潤麵真心推介😍一試難忘👍🏻👍🏻除左豬潤麵，佢既西多士都非常出色，即叫即整大概要20分鐘左右，有煉奶同牛油可以選擇，食個豬潤麵就岩岩好啦😎😎同一般既西多好唔同，佢唔係正方形，而係圓形⭕️，由於師傅製作非常講究，成個西多非常鬆軟，口感好d似梳乎里，非常好味，等都係值得既😀😀🔹豬潤麵 ($37)🔸西多士 ($40)總括黎講味道真係一流，仲好地道，不過由於得散叫，價錢可能會比一般茶餐廳貴，但食物質量真係值回票價😋✔️P.S: 如果想試既朋友要留意返佢星期日同公眾假期係唔開架，而星期一至六都只係開到5點15分，想試就可能盡量係星期六早d黎到，唔係朝早11點半就會開始出現人龍架啦😂😂😋味道 9.5/10 😍回頭指數 9/10

周五食好西，同老死實測這店，招牌豬潤麵質素好過維記多多聲，豬手麵水準中規中矩，而煉奶西多士有驚喜，煙韌有口感，我喜歡這個味道！奶茶一般，但服務員態度不友善亦不親切，有待改善的必要！作為街坊小店，應該服務欣勤使顧感覺人情味才是正道！

是日小花由兩位友人陪同到深水埗維修電腦， 到下午茶時間大家都肚餓，小花便提議到一直想試的漢發麵家吃豬潤麵。這裏的豬潤麵每天賣光就沒有了， 有點視乎運氣， 當天我們運氣應該不錯哈哈去到立刻點了兩碗豬潤麵，店員說這是最後兩碗黃沙豬潤的厚度令小花意想不到！豬潤雖然是厚切，但絕對是煮得剛剛好，呈微粉紅色，入口爽脆，而且感覺啖啖肉 唯一不足的是湯底偏咸，公仔麵的味精味重，不過仍會喝得出有酒味。小花的最好吃豬潤麵名單要變成漢發了嗎哈哈

豬潤麵真是由細食到大，以前係維x常客，但自從我家大少帶我食過漢發後，就愛上了😍豬肉夠厚、有酒香味。每次都忍不住飲幾啖湯😜不過記住如果是weekend去的，就唔好太晏去，會賣晒架～仲有，唔慣食啲麵太硬既朋友，落單時記得同侍應講煮淋啲個麵😌

食完想再食嘅豬膶麵........同事午飯時間唔入錶就會揸車嚟呢度，佢介紹我食過呢間豬膶麵後，就唔會再去X記，咁為食嘅我，有人車埋我去門口當然唔會放過呢個機會啦！去到好多布行舖嘅大南街，你真係好難發現有呢間嘢，但你會發現門口有人等位等外賣，同門口好多相貼爆哂，你就知道有Ｄ嘢喇........入去坐就唔太舒服，可能好地道feel，所以人來人往，個個都趕住食，單拖有低頭族，又有附近OL成班吹水嘅，深水埗真係乜人都有.......我當然要食自定招牌豬膶麵啦！講真、湯唔夠X記正咁多膶精華，所以加Ｄ辣椒汁落去調吓味，咬落去唔老仲好爽，大大件好吸睛，不得了，中毒了..............隔咗幾日又揸車去，仲要介紹埋附近做嘢嘅OL媽媽去(佢之後同我講，一個星期內食咗3次)總結，鍾愛豬膶麵嘅為食貓一定要試，但只肯上、中、下午市你先有機會食，因為5點半就ByeBye好巴閉，收工揸車去你就唔駛唸喇！

這天來到深水渉食午餐，去到一段時間無來的「漢發麵家」。 來到這店當然是它們的招牌食物，就叫了豬潤麵、魚蛋河粉和雞蛋三文治。 豬潤麵($24)剛剛去了捐血，給自己一個藉口去食一些「補血」的食物，不過這店的豬潤麵真是出名，炒好微漲的豬潤仍然能保持到水準，食落外表有微微的脆口而入面綿綿的感覺令人感覺良好，下面當然是配上即食麵是最佳的拍檔，但食落就好像味精下重了手，食完十分之口渴，唯一的敗筆。 魚蛋河粉($24)雖然不是自家造的魚蛋和魚片但食落仍然十分之彈牙，沒有死實的感覺，魚味也很鮮美。下面的河粉幼幼的十分滑身，但缺點也是個湯底，味精感太重，扣了一些的分數。 雞蛋三文治($8)雞蛋十分之滑身，蛋味不太濃，但竟是這餐中沒有味精感的食物。本人以前十分喜歡這食店，但食完這一餐令人十分之口渴，回家之後也有身體發熱這一些食了味精的反應，看來店子要改善這一個缺點，不然下一次的光臨可能遙遙無期。味精感太重的一餐，感覺不太好的「漢發麵家」。

今日係深水埗做完正經野, 就諗起電視節目最近介紹食豬潤麵的漢發麵家, 去到的時候大概12:15分, 人不算多, 等了5分鐘就有位, 由落單到碗麵來到食的時候, 就差不多要10-15分鐘, 其間都有催呀大肚姐姐兩次, 但佢地都好有禮貌叫我等一等, 因為太多單既關係點解咁擔心呢, 因為聽到隔離檯話要預留豬潤, 先會驚輪到自己張單煮時賣晒架, 先來凍啡少甜, 先嚐一啖,都好夠味,因為差不多有半杯冰, 碗麵食到一半就淡左 la 至於碗麵, 雖然豬潤唔多, 但比起另一家食豬潤麵出名的 X 記就好好多。用料新鮮之餘, 老細用左好聰明的方法, 將豬潤簿切, 用短時間來煮出熟既豬潤, 因此煮出來的豬潤整塊都好爽, 色澤均勻。如果厚切, 要煮得熟, 就會攪到外淋過熟, 無咁爽建議各食家逢假日去食的時候, 最好選擇12:30前, 因為越早食越新鮮, 的貨唔洗擺咁耐嗎, 人又無咁多, 平時就唔多知拉