坐忘

營業中

休息中

跟朋友來到天后，行完東岸公園後想搵個地方食飯，於是就來了坐忘。手畫的Menu好可愛食物的款式都好多，唔怕揀唔到餐廳的佈置亦好舒適作為豬軟骨控的我，一定要試試呢款七小時慢煮豬軟骨!果然無令我失望，豬軟骨偏咸，但肉唔會"鞋"，軟骨亦呈啫喱狀，認真不錯。朋友點了蕃茄牛肋野菜咖喱飯，蕃茄同咖喱味好濃，牛肋肉亦夠稔，可惜的是唔夠入味，但整體算不錯。跟餐+$10點了一杯柚子蜜，比食物遜色得多。整體來說，為了豬軟骨，如果再次來到天后，我一次會再來光顧。

🐽豬軟骨七小時煮白芝麻湯烏冬 $69招牌豬軟骨的確好出色 見到每枱都有嗌屋企人都有自己整過豬軟骨 之道工序繁複而且花時間呢度嘅豬軟骨燜到好淋好入味 但因為煲咗好耐所以軟骨已經邊到似啫喱 朋友好鍾意個人偏好啲咬到軟骨嘅感覺😬湯底帶香濃嘅芝麻味 配料雖然無咖哩飯咁豐富 但都有重點嘅半隻溏心蛋同埋啲椰菜絲烏冬滑溜 偏幼同埋軟身🍛烤雞野菜咖哩飯 $68日式咖喱醬汁頗濃稠而且甜味比辣味突出嗜辣嘅我甚至完全食唔出辣味。見到隔離檯嘅正常飯量都比上次食少咗。特別嘅係佢哋配嘅係栗米南瓜飯 味道香甜側邊有翠玉瓜 薯仔 甘筍 椰菜花同埋西蘭花主角烤雞雖然唔係唔係佢哋招牌但都好高質大概有4大塊煎至金黃色肉厚而且有肉汁 完全唔會乾硬或者鞋口！🥚溫泉蛋 +$8呢隻溫泉蛋就有啲失望啦同朋友原本諗住錄yolk porn點知溫泉蛋煮到過熟 蛋黃已經唔流心😢

窩夫之前光顧過Camper's坐忘一次後，決定要帶蝦子餅去試試。窩夫上次吃過坐忘的豬軟骨後念念不忘，這次點了豬軟骨七小時煮白芝麻湯烏冬($68)，主角豬軟骨煮了七小時後肉質很軟很腍，吃到啫喱狀的軟骨，骨膠原豐富，烏冬口感不錯，湯底味道偏鹹，窩夫下次不會點烏冬，會點飯呢。蝦子餅點了椰香烤雞野菜咖喱飯($62)，烤雞有水準，椰香味濃，飯裡加入了南瓜和粟米，賣相、口感和營養價值都大大提升，野菜亦非常吸引，新鮮味美，誠意推介。

呢排想食得清淡D，唔想咁大魚大肉，於是上網搵到呢間幾特別既日式小店，走日本家庭式路線。知道餐廳由日本人開，所以應該唔會差得去邊。上網得知餐廳其中一樣gimmick野係「15種一日野菜」，岩哂想食得清淡D既我，所以就揀呢間食晚餐。餐廳唔算大，大概坐到30-40人，當晚係星期日，去到已經9點鐘，依然坐滿咁滯，足見餐廳人氣!一入到去，成間餐廳都充滿燒汁既味道，超香呀~Menu設計簡單，成本都係手寫，好有人情味架呢~封面寫住無味精，無食物添加劑，醬汁都係自家製，令客人食得安心!餐牌主食主要有飯定食同稻庭烏冬。定食menu都幾人性化，某D菜式可以轉素食、無麩質，甚至配合信佛人士可轉禁五葷，非常貼心。我叫左「15種一日野菜燒汁定食」，呢道菜既擺碟我會形容係日式碟頭飯沙津菜、白飯、野菜共冶一爐，另上一碗湯。白飯用珍珠米。至於碗湯，當我以為一定又係麵豉湯啦，錯啦，係一碗紅蘿蔔同白蘿蔔湯，湯好清，好有屋企既感覺，最重要係無味精。 15種野菜分別有蓮藕、茄子、翠玉瓜、豆角、紫洋蔥、西蘭花、椰菜花、南瓜、紅蘿蔔、薯仔、蕃茄仔、三色椒，用自家製燒汁炒既野菜非常惹味，燒汁味道不會過鹹過甜，一食愛上。其中茄子因為